مشوارى مع تغيير الشكمان ( للعبرة )
حبيت أعرض عليكم القصة دى علشان تعرفوها المهم
أنا العربية بتاعتى جوليت وكان الصوت بتاع الشكمان عالى وكمان بيزن
وأنا مبحبش الصوت العالى خالص ( غير من مراتى ):mad:
المهم لفيت على بتوع الشكمانات كلهم حوالى 5 أو 6 ورش للشكمانات وأسميهم مشهورة جداً الكل أجمع على
العلبة الوسط رحة فى دهية والخلفية 3 منهم قالولى غيرها علشان خلاص
يعنى النتيجة أغير العلبتين بمبلغ 400 أو 450
سمعت الكلام وأخت الفلوس ورايح أغير خلاص قبلت واحد صحبيى قالى روح للراجل اى فى الحتة الفلانية
رحت وسمعت الكلام وجت شيخ والورشة مش حلوة أوى بس كويسة
قلت لة شوف العربية وبالصدفة لقيت واحد صحبي فكنت بتكلم معاة
لقيت العربية بترفع قلت ماشي وبعد كدة ولع اللمبة وأشتغل قلت ماشي لازم يعملو الحبة بتعهم وبعدين نزل العربة وقالى ( دور يا باشا )
طبعاً أنتو عرفين أنى بسمع الكلام وبالذات من مراتى :cool:
دورت العربية ولقيت المفاجئة وهى
العربية زى الفل متحسش أنها ديرة أساساً
قلت لة خير عملت أية قالى الشجرة كانت مقطومة فلحمتها وثبت الشكمان
طبعاً قلت لة جزاك الله خيراً المهم حسبنا كام ؟
قالى المفاجئة تخيلو كام ؟
^
^
^
^
^
15 جنية مصري لا غير من 400 الى 15 الحمد لله رب العالمين
علشان الواحد يتأكد أن الضمير مش موجود غير قليل وعلشان محدش يصدق حد
معرفش القصة دى ممكن تفدكم ولا لا بس حبيت أحكيها ليكم وشكراً