الموضوع: الوطنى والإخوان.. إيد واحدة

المشاركة الأصلية كتبت بواسطة tlrsiap

باختصار , و دي النقطة الوحيدة اللي هاتخليني اقول نعم , لأني بصراحة خفت

لو المشكلة اننا لا نثق في حكومة منتخبة بصلاحيات مطلقة , ولا لا نثق في المجلس العسكري ابو صلاحيات مطلقة هو كمان

يبقى الحكومة المنتخبة ايا كانت ارحم
:(
خصوصا ان المجلس العسكري هايبقى لها بالمرصاد و مش هايسيبها تتغول , انما الضربة لو جت من حد عسكري هاتبقى 54 جديدة

بصراحة معاك حق

أنا كده اطمنت 100% إن شاء الله وهصوت بنعم

ربنا يسر لنا الخير والصلاح

عصام العريان قال في الاخر برضو ان اللي اعلن من قبل الجيش هو اعلان دستوري بالاصل و ليس يعديلات

متهيألي نقطة محورية...والا ايه؟

المشاركة الأصلية كتبت بواسطة thedeveloper87

والله أنا مستغرب جدا
أنا مش فاهم ، أي حاجة دلوقتي ليها علاقة بالدين ، بتبقى عاملة زي البعبع
لو قلنا السلفيين ناويين يخشوا الحياة السياسية ، يقولك لأ ، مش عايزين دين لأ
قلنا الإخوان هيعملوا شعارات دينية ، يقولك لأ مش عايزين شعارات دينية مش عايزين دين في السياسة

هو احنا مش مسلمين ولا ايه بالظبط؟

ولا فين اللى كانوا بيقولوا احنا بتوع النبي....هيقولك يعني لما نقول لا لدولة دينية ونطالب بدولة مدنية نبقي بنكره النبي ده احنا بنحبه ونحترمه جدا....امثال هذه النوعية مالهاش رد غير ....انت كذااااب كذااااب كذاااب.

الاخوان موقفهم بناء عن موقف وتقدير للوضع الحالى وما هو فى وجه نظرهم مصلحه مصر بعكس الا وطنى فهو انتهازى صرف - من بحاول ان يخلط الاوراق فهو مجرد موقف كاره للاخوان وما يتبنوة من مبادئ

المشاركة الأصلية كتبت بواسطة dojuar

هوا الأخوان ذنبهم ايه بالظبط عشان افهم:

- الدين
- انهم مستعدين اكثر من غيرهم
- لهم شعبية اكثر

عايزين بس نفهم..وعشان متبقاش حجة البليد

ما هما ال3 مميزات دول بالذات مش موجودين عند اي منافس اخر.

أنا بس ليا تعليق على المقال اللى كله افتراءات على الإخوان - وأقسم بالله العظيم أننى لاأنتمى إليهم - فى جملة ان الإخوان عايزين يفرغوا الساحة من اللى روى الميدان بدمائهم ؟؟!!!!! طيب اللى رووا بدمائهم فى الثورة قعدوا يرووا اسبوعين انما الإخوان من 1952 بيرووا بدمائم يعنى حوالى 60 سنة ؟؟ الإخوان دفعوا كتير أوى وكانوا هما المعارضة الحقيقية طوال العقود الستة الأخيرة و قضوا فى السجون تحت التعذيب عشرات السنين وهما ثابتين على موقفهم فمن رأيى لهم كل الحق ان يكون لهم دور مؤثر فى هذه المرحلة بما بذلوه من شهداء وتضحيات على مر العقود السابقة.

المشاركة الأصلية كتبت بواسطة محمد محمد

ما هما ال3 مميزات دول بالذات مش موجودين عند اي منافس اخر.

هم عارفين كويس إن الشعب المصري متدين بطبعه ، وبما إن الإخوان حزب ديني فهيكسب شعبية كبيرة جدا

وسؤالي لكل العلمانيين واليبراليين واللي ما بيحبوش الدين مع السياسة...بقالنا 60 سنة وأكتر من كده بكتير .. محكومين بالعلمانية ، ايه النتيجة؟؟؟ ونعم التقدم الحضاري اللي احنا فيه الصراحة

شوفوا كنا فين أيام ما كنا دولة إسلامية بجد وبقينا فين لما بقينا دولة علمانية بالفعل وليس دينية بالاسم