اقتباس المشاركة الأصلية كتبت بواسطة Ahmed Anwer مشاهدة المشاركة
أنا عايز بس اقول معلومة

تعرفوا إن دول أوربا الشرقية بعد الإنتقال من الديكتاتورية للديمقراطية

معظمها لم يحل الحزب الشيوعي ،، يعني لسه شغال بنفس الاسم

و بعضهم غير اسمه فقط

و اللي بيحصل بس إنهم بيحاسبوهم عن ما فعلوا بالشعب ،،

طبعا يا جماعة أنا مبحبش الحزب الوطني و الحمد لله عمر ما كان ليا علاقة بيه

بس حاسس فعلا إن فيه ناس بتلعب بينا

ثانيا ،، يعني أيه حزب وطني ؟؟؟

طب عايز حد يقولي أيه أفكاره أو ايه برنامجه ؟؟؟

الحزب الوطني استحالة ينتهي لأنه جماعة مصالح ،،، مش حزب سياسي ليه فكر بالمعني المعروف

يبقي نكبر دماغنا منه ،، و نحاول نحط إجراءات

تمنع استغلال المال في السياسة (( اعتقد فيه قانون بالمعني ده )) ،، تمنع استغلال العصبيات القبلية (( زي فكرة القائمة النسبية )) ،، تمنع الفساد (( تفعيل دولة القانون و الجهات الرقابية و الإعلام الشفاف ))

ساعتها هيكون العمل السياسي حمل ثقيل و ليس سبوبه

و يعني لو حتي أصحاب المصالح دوول وصلوا للبرلمان ،، هيكون كل هدفهم إنهم يرضوا الشعب عشان ينتخبهم تاني

خلاااص ،،، ايه المشكلة المهم ميكونوش حرامية
تمام كده احنا متفقين فى النقطة دى تماما .....

اول خطوة عشان تنفذ الكلام ده انك تعمل دستور جديد ...... و تسقط الدستور القديم تماما بكل البلاوى الزرقة اللى فيه اللى وصلتنا لده

انا اكتر حاجة مخليانى اقول لأ ....... انى رافض فكرة انى ارجع افعل الدستور القديم تانى وانتخب مجلس شعب و شورى و رئاسه على اساسه

فيه كلام ان سواء قلنا نعم او لا ...... الدستور القديم حيسقط و يتعمل اعلان دستورى

طب مايقول الجيش الكلام ده على صفحة الfacebook خلينا نرتاح خصوصا انا الكلام كتير اوى اليومين دول فى كل اتجاه

مرة واحدة تلاقى الكلام ده

رئيس لجنة «الاستفتاء»: الجيش سيصدر «إعلاناً دستورياً» إذا رفض الشعب التعديلات
قال رئيس اللجنة القضائية العليا للإشراف على الاستفتاء على التعديلات الدستورية الذي سيجرى السبت المقبل إنه في حال رفض هذه التعديلات فإن الجيش سيصدر مرسوماً يحدد مراحل الانتقال إلى سلطة مدنية في البلاد.
وقال المستشار محمد عطية للصحفيين: «إذا تم رفض التعديلات الدستورية فإننا سنكون أمام فراغ تشريعي سيتم سده من خلال مرسوم يصدره المجلس الأعلى للقوات المسلحة»، من المتظر أن يتخذ شكل «إعلان دستوري محدود» يحدد معالم «الفترة الانتقالية التي ستقود إلى سلطة جديدة ودولة مدنية حديثة».

كده لازم اقول لأ ....... ماينفعش نرجع الدستور القديم للحياة تانى.....

انا موافق على التعديلات ........ بس من غير الدستور القديم

عشان كده حقول لأ