صوت فى فرامل الفرنا فى أول 50 كيلو

**عبدالحميد** · 09-04-2008 02:14 PM

السلام عليكم
الحمد لله أنا إشتريت فيرنا و كله تمام و الحمد لله.
العربية ممتازة و فيها ميزة مسمعتهاش قبل كده من حد وه وضعية القيادة.
لكن و أنا برخص و فى المرور إضطريت أضرب فرامل جامدة شوية فسمعت صوت إححخخظق و القاف دى معناها زى خبطة كدة من قدام ... رحت على التوكيل والمهندس قبل ميجرب قاللى"ده ديسك و طنبور" <-- على ما أتذكر و لما جرب و سمع الصوت أكد كلامه و قاللى متدوسش فرامل جامد أول 100 كيلو قلتله يعنى لحد ماتطبع قاللى أيوة .... روحت و أنا مبسوط لكننى قلقان.

يا ريت حد من أهل العلم و/أو الخبرة يفدنى و لكم جزيل الشكر

**liquidator** · 09-04-2008 02:44 PM

والله هو الموضوع غريب شويه .. أنا لما استلمت الماتريكس ماسمعتش أي صوت خالص من الفرامل .. طيب انت لما بتدوس فرامل علي سرعه عاليه بتحس ان العربيه بتترعش منك مثلا ؟

**عبدالحميد** · 15-04-2008 07:20 PM

عزيزى liquidator
أشكرك على الإهتمام. أنا بحس بصوت التزيقة الخشنة دى لما بدوس فرامل جامدة حت لو على سرعة صغيرة و الصوت كأن التيل بيحك بشدة فى الطنبور و بيتزحلق عليه. , أنا بفكر أستنى لحد صيانة ال 1000 و لو لسة الصوت موجود أبلغهم و لا حضراتكم شايفيين إنى مستناش.