فى الأخبار أنه تقرر إلغاء جهاز أمن الدولة وانشاء جهاز أمن قومى جديد لمكافحة الإرهاب. ايه رأيكوا؟
عرض للطباعة
فى الأخبار أنه تقرر إلغاء جهاز أمن الدولة وانشاء جهاز أمن قومى جديد لمكافحة الإرهاب. ايه رأيكوا؟
رأيي انه تبديل اسامي بس
خصوصا بعد خطأ مساعد وزير الداخلية في التليفون لما اتسأل عن ظباط جهاز امن الدولة فقال انه مش هايقدر يستغني عن خبراتهم و تدريبهم , بعده على طول اتصل الوزير ليؤكد ان ظباط امن الدولة هايتوزعوا على باقي قطاعات الداخلية
في حياتي ما شفتش مساعد وزير فاهم معلومة بالحجم ده غلط
في الحياة اليوم
بيتهيألى فعلا ان بعض ضباط أمن الدولة يصعب الاستغناء عنهم. أنا لا أقصد بتوع التعذيب لكن أقصد اللى تم تدريبهم تدريب عالى على مواجهة الارهاب او مواجهة المخابرات الأجنبية
Rename
القسم المخصوص
القلم السياسي
المباحث العامة
مباحث أمن الدولة
جهاز أمن الدولة
قطاع الأمن الوطني
إيه الجديد ؟؟؟؟؟؟؟؟؟؟؟؟؟؟
طبعا الخبر مفرح لنا جميعا لأول وهله
لكن الأهم من الإلغاء وتغيير الأسامي هو اخضاع ذلك الجهاز الجديد المسمى بقطاع الأمن الوطني لأحكام القانون
ساعتها مش هيقدر في يوم من الأيام يتحول لجهاز امن دوله جديد لأنه من المعروف ان امن الدوله كان لا يخضع لأي قانون في البلد
ماهو لازم يبقي موجود ياجماعه مفيش دوله مفيهاش حاجه زي امن الدوله
الفكره مش في تغيير الأسم الفكره في تحجيمهم وعرضهم علي دكاتره نفسيين لتقييم الساديه اللي عندهم واصلاحهم وتهياتهم للتعامل مع البشر
يا خبر بفلوس بكره يبقى ببلاش
مع الوقت حنعرف التفاصيل و لو بقى فى استقلال حقيق للقضاء و مفيش طؤارى يبقى التجاوزات حتقل
ومع وقفه الناس مع بعضيها يبقى ان شاء الله التجاوزات حتتلاشى ويمكن تنعدم كمان
بس على الاقل بقى فى فرصه جديده للبعد عن الممارسات السابقه