محتاج مساعدة ورأي الخبراء...........

**mhmdalsaadany** · 16-03-2011 04:47 AM

السلام عليكم ورحمه الله وبركاته
اخواني الفرسان انا كنت عايز استشيركم في حاجه شغلاني كدا طبعا انا كنت يوم المقابله اللى فاتت بعمل صيانه ال15000 كم عشان العربيه كان بقالها اكتر من سنه المهم كان في زي صوت حفيف كدا والعربيه دايره سلانسيه بسيط بس انا مش بحب اسمع اي حاجه في العربيه وقلتلهم عليه وبالفعل تم تغيير الخراطيم والمواسير بتاعه الباور والصوت راح وكله تمام وكمان غيرت زيت وكله زي الفل المهم لاقيتهم حطلي ملحوظه ان التيل لازم يتغير كمان 5000 كم مع اعلم انا مكنتش بشتكي من الفرامل خالص خالص وبعدين لما مشيت كانت زي ما هي مفيهاش مشكله
لكن فجأه يوم الاحد قبل ما اسافر بيوم نازل بركب العربيه وبدوس فرامل لاقيت الدواسه وطيت اوي اوي اوي اوي
ومش عارف اعمل ايه طبعا انا سيبتها وسافرت ولما انزل مش عارف اروح اخليهم يرجعوا عليها ولا اغير التيل مع العلم العربيه عامله 13500كم فقط وعمرها سنه و3شهور ونصفهم مركونه في الجراج لظروف شغلي وسفري اسبوعين من كل شهر
فهل يلحق التيل يبوظ في الفتره دي ولا الفرامل فيها هوا ولا حاجه انا محتار وبرضه خايف اخد منها الهوا واثر على الطنابير مش عارف انا مقلق و مش عارف اعمل ايه
انتوا بقى رائيكم ايه
واسف على الاطاله وشكرا

**hpxp** · 16-03-2011 05:42 AM

علي حسب خبرتي الي اكتسبتها من استاذ ايمن ان لو زيت الباكم ناقص يبقي التيل عايز يتغير انا التيل في الاوبترا غيرته علي العشرين ولسه مفيرة قريب يعني عشرين برضه
اما انا لقيت حتته فكرة انا هخلي الطنابير تبوظ وادبس الحج في جهاز abs بالطنابير ايه رئيك :-)

**hpxp** · 16-03-2011 05:49 AM

سوال كمان انت abs ولا لا
بتكبس فرامل كتير
بتجري
لو كده يبقي اقصي عمر 10 الف دا بنائنا علي الكورولا

**aymanmaly** · 16-03-2011 08:05 AM

بص يا محمد باشا
الفرامل فى الاوبترا متوسط عمر التيل 12000 ( ما اقدرش افتى فى الكروز ) فانا بغيرة كل 10000 علشان ماروحش اغيرة مخصوص فى صيانة لوحدة و يمشى مع الصيانات
و طبعا دة عمر متوسط للاتوماتيك يعنى قابل للزيادة و النقصان حسب طريقة استعمال الفرامل
و اظن ان الكروز هاتكون فى الاستهلاك قريبة من الاوبترا
النقطة الثانية ان ان دواسة الفرامل وطيت جدا و مافيش صوت حك مع الفرامل
و دة معناة ان فية حاجة فى نظام الفرامل
كدة لازم يتكشف عليها فى التوكيل
لان علشان توطى كدة و التيل لسة ما انتهاش يبقى متوقع يكون فية تسريبفى مكان ماة
على العموم الحمد لله انك محافظ على الضمان
اول ما ترجع بالسلامة رحلهم و ان شاء الله بسيطة
و حكاية انة كتب ان التيل عايز يتغير خلال 5000 كم دة علشان ينبة العميل انة يعمل حسابة فى الفلوس و هو جاي الصيانة :-)
بسيطة يا جميل و ابقى طمنى
و بالتوفيق فى القرار السليم
و يجعلة عامر

**ma_almula** · 16-03-2011 08:20 AM

المشاركة الأصلية كتبت بواسطة hpxp

علي حسب خبرتي الي اكتسبتها من استاذ ايمن ان لو زيت الباكم ناقص يبقي التيل عايز يتغير انا التيل في الاوبترا غيرته علي العشرين ولسه مفيرة قريب يعني عشرين برضه
اما انا لقيت حتته فكرة انا هخلي الطنابير تبوظ وادبس الحج في جهاز abs بالطنابير ايه رئيك :-)

فكرة والله
وانا موافق وبالمره إقنعه إنها غلتطه
وكمان ممكن تجمع أراء باقي الزملاء

**tiger451** · 16-03-2011 09:13 AM

انا رايي يا محمد انك تبيع العربيه
ده تيييييييييييييل يا عم الحج

**mhmdalsaadany** · 16-03-2011 08:26 PM

المشاركة الأصلية كتبت بواسطة tiger451

انا رايي يا محمد انك تبيع العربيه
ده تيييييييييييييل يا عم الحج

تصدق والله فكره يا هندسه خلاص احنا نبدل انا اخد النيسان وحضرتك تاخد الكروز وعليها بوسه كمان (بس ابقى كمل انت الاقساط) نيههههههههههههههههههههههه ههههههههه

**mhmdalsaadany** · 16-03-2011 08:28 PM

ربنا يبارك فيكم يا فرسان الشيفروليه ويخليكوا ليا انا ان شاء الله اول ما ارجع هاروح التوكيل واشوف ايه الحكايه دي وربنا يسهل ان شاء الله

الموضوع: محتاج مساعدة ورأي الخبراء...........

LinkBack

أدوات الموضوع

عرض

محتاج مساعدة ورأي الخبراء........... - انشر الموضوع فى :

-

-

-

-

-

-

-

المواضيع المتشابهه

محتاج مساعدة الخبراء للتعديل

جاهل في المرسيدس و محتاج مساعدة الخبراء

محتاج مساعدة من الخبراء (جنوط فيرنا 14)

محتاج مساعدة من الخبراء في الصوتيات

محتاج مساعدة الخبراء فى التظبيط .....

الكلمات الدلالية لهذا الموضوع

المفضلات

المفضلات

ضوابط المشاركة