حدث فى التاكسى

**keko** · 16-03-2011 05:01 AM

السلام عليكم
من ساعة ما بعت عربيتى وانا بفكر فى كام اختيار ومنهم اللادا ولكونى من اسكندرية حيث التاكسى = لاد فانا بحب ادردش مع سواقين التاكسى دايما عن الصيانة والصنايعية والافتكاسات ولفت نظرى شوية حاجات ممكن تفيد حد هنا
كنت راكب احد التاكسيات ولقيت عفشته خيالية ولا كاننا ماشيين على مطبات ولا حاسس بالطريق بصورة غير عادية فسالته حضرتك مركب عفشة ايه قاللى دول مساعدين ورا وقدام برازيلى - طبعا نطت فى دماغى البرازيلى دى وافتكرت واحد صاحبى معاه تاكسى ايام ال 125 قاللى احسن عفشة للعربيات القديمة هى البرازيلى - طيب بكام دول يا حاج قاللى جوز المساعدين ب 180ج واليايات ب 35 ومريحين العربية قوى
واحد تانى راكب معاه وكان بيجرى جرى عبيط فى شارع زى الزفت والعربية ماشية دكر بثبات مالهوش حل فكالعادة قعدت الوك معاه توتوتوتو لحد ما وصلنا للعفشة قلتله بصراحة اللادا عربية ناشفة قوى قاللى طيب ايه رايك فى اللى معايا قلتله ما شاء الله قاللى انا مركب مساعدين ورا 132 وقدام عفشة يابانى تقريبا بتاع تويوتا او دبابة قلتله بس مشكلتها برضه انها طارة ناشفة قوى قاللى لا بيركبلها علبة دركسيون بتاعة ميكروباص مازدا بتكون نفس المقاس بالظبط وتخليها حرير قلتله يا عم ما التعديلات دى كلها غلط قاللى شغالة معايا زى الفل بقالها كتير وبتركب مكان الاصلى من غير خرط ولا قص
واحد تانى عجبنى قوى شكل التابلوه 2107 منور ابيض زاهى والمؤشر تحس كانه منور بشكل جميل غير الشكل بتاع شرايط النور الغبية لما دايما تلاقى التاكسيات بتركب شريط نور بالعرض فوق العدادات وطبعا لوك لوك لوك قاللى ان دى شرايط نور برضه بس الصنايعى فك التابلوه ومشى بالشريط على الدورانات بتاعت كل دايرة من الداخل سرعة وار بى ام وزيت والخ فطبعا النور متوزع صح واللمبات مش ظاهرة

حاجات تانية متنوعة خلاصة مناقشات ولك لك
الفتيس ال 4 غيار يفضل تغييره ب 400ج احسن كتير من تصليحه
بخصوص السمكرة والدوكو والعفشة اجمع كل الناس ان صنايعية الارياف زى دمنهور وكفر الدوار وفوه بالذات اسعارهم حنينة وشغلهم نضيف احسن ميت مرة من اسكندرية والقاهرة
عداد الاربى ام ابو 100 و 150 ج زبالة زبالة زبالة
المروحة تا4 ريشة لما بتغير ب 6 او 8 ريشة بتخلى الصوت بتاع الموتور اهدى

ارجو ان اكون قد افدتكم باى حاجة من ال لوك لوك ده كله

**engaass** · 16-03-2011 09:44 AM

شكرا ليك بجد معلومات مفيدة

**shaddadfalcon1** · 16-03-2011 11:05 AM

علي فكره انا الحاجه اللي بعملها في كفر الدوار ب 50 بسال عليها في الأسكندريه والاقيها مش اقل من 100
سواء ميكانيكا او عفشه او سمكره او اي حاجه ودلوقتي لو وقفت عند اي ورشه بلاقي عربيات كتيير اسكندريه وفي مطروح كمان

**a7madramadan** · 17-03-2011 04:13 AM

حدث في مثل هذا التاكسي (lol) بتوع التكاسي فالإسكندرية فعلا معلوماتهم كتيييييير . يـــــاما بيصدعوني (وخصوصا معارفي الشخصيين الي معاهم لادا) وتسلم على الإقتراحات الجميله ونفسي حد يأكد موضوع الثبات الغريب الي حضرتك بتقول عنه ده بالنسبة للبرازيلي هههههههههه انا كل التاكسيات الي باركبها باحس ان العفشه عادية ما صادفش اني ركبت تاكسي متركبله سوبر عفشة :)) حظك بقى انت :)

**keko** · 17-03-2011 05:36 AM

المشاركة الأصلية كتبت بواسطة shaddadfalcon1

علي فكره انا الحاجه اللي بعملها في كفر الدوار ب 50 بسال عليها في الأسكندريه والاقيها مش اقل من 100
سواء ميكانيكا او عفشه او سمكره او اي حاجه ودلوقتي لو وقفت عند اي ورشه بلاقي عربيات كتيير اسكندريه وفي مطروح كمان

واللى يجنك ان شغلهم انضف انا بشوف عربيات مشدودة سمكرة ودوكو احلى من لو كانت جديدة وبعدين فيه صنايعية مش بيغيروا صاج دا واحد قاللى بيحل عفشة كاملة ويركبها ب 40 ج فى دمنهور والتانى قاللى شارى موتور لادا ب 800ج من فوه!!

المشاركة الأصلية كتبت بواسطة thediesel

حدث في مثل هذا التاكسي (lol) بتوع التكاسي فالإسكندرية فعلا معلوماتهم كتيييييير . يـــــاما بيصدعوني (وخصوصا معارفي الشخصيين الي معاهم لادا) وتسلم على الإقتراحات الجميله ونفسي حد يأكد موضوع الثبات الغريب الي حضرتك بتقول عنه ده بالنسبة للبرازيلي هههههههههه انا كل التاكسيات الي باركبها باحس ان العفشه عادية ما صادفش اني ركبت تاكسي متركبله سوبر عفشة :)) حظك بقى انت :)

البرازيلى نعومتها اللى كانت رهيبة وثباتها كويس انما اللى كان ثباتها ممتاز جدا دى اللى كان مركب مساعدين 132 خلفى علشان الغاز والامامى مساعدين دبابة او تويوتا مش فاكر قوى بس كان طاير فى شارع مدغدغ وماشية سبع

**MOUSTAFA_SAAD** · 17-03-2011 06:53 AM

معلومه مفيده

**shaddadfalcon1** · 17-03-2011 07:45 AM

المشاركة الأصلية كتبت بواسطة keko

واللى يجنك ان شغلهم انضف انا بشوف عربيات مشدودة سمكرة ودوكو احلى من لو كانت جديدة وبعدين فيه صنايعية مش بيغيروا صاج دا واحد قاللى بيحل عفشة كاملة ويركبها ب 40 ج فى دمنهور والتانى قاللى شارى موتور لادا ب 800ج من فوه!!

والله ياباشا لسه الأسبوع اللي فات حالل العفشه اللي قدام كلها ومغير البطاحات ورافع العربيه وشغل اكتر من 3 ساعات وفي الأخر دافع 40 جند

السنه اللي فاتت حليت الموتور واستعدلت الكارتيره عشان مطبقه وربكت جوان كارتيره ووش سيلندر ومنافولد وطقم كوتش صباب وخرطت حته في وش السيلندر مكان مجري المياه يعني شغل من الساعه 9 الصبح لحد 9 بالليل والميكانيكي جه بعدته لحد البيت وحل العربيه عند البيت وفي الأخر اخد 100 جنيه وعشوه حلوه