الموضوع: هل الاخوان المسلمين تروج لمعلومات كاذبة لحث الناس على التصويت "نعم"

المشاركة الأصلية كتبت بواسطة metenawy

يا جماعا التعديلات جيدة و كل القوي السياسية في مصر عارفة كده لكن هما بيقولا لا للتعديلات او نعم عشان بعد تعديلات في انتخابات مجلس شعب الاخوان بتقول نعم لان ليها رصيد في الشارع تقدر انها تشارك في الانتخابات بتاعت مجلس الشعب و احزاب المعارضة بتقول لا لانها عارفة انها ملهاش وجود في الشارع المصري و اذا اتعملت انتخابات نزيهة كبيرهم يخدو بقعد و ائتلاف الثورة و اتحاد شباب الثورة بيقولو لا لان لو انتخب مجلس شعب يتكلم باسم الشعب حيقعدو هما في البيت و مش حيقدرو يتكلمو باسم الشعب عرفتو بائا كل واحد فيهم حسبها الزاي

تحليل منطقي
ومش عيب ان كل قوى سياسية تعمل لصالح نفسها .....
اي قوى سياسية موجوده من حقها ان تسعى للأغلبية
ده مش عيب ولا حرام
..
وكمان اللي بيقولو لا للتعديلات بيخوفوا الناس برضه لكن بشكل تاني
مش هما بيحذرو ان نعم معناها دكتاتور جديد ح ييجي ؟؟؟؟؟
انا اعتقد ان اي دكتاتور ح يخاف ييجي بعد اللي حصل
هههههههه
الكفة متساوية وكل واحد بيعمل لمصلحته السياسية والتي يراها اساسا لصالح الوطن
مش ذنب الاخوان انهم منظمين ولهم تواجد شعبي .... ده نتيجة اضطهادهم وقهرهم على مدى عقود .... وده اكسبهم صلابة وخبرة وتعاطف
التكتل ضدهم الآن ومحاولة تشويههم سيؤدي الى زيادة شعبيتهم .... والايام ستثبت ذلك

المشاركة الأصلية كتبت بواسطة mikho83

يا جماعة إيه المشكلة لما الإخوان بيروجوا لنعم؟؟؟
طيب ما حزب الوفد بيروج ل لا. ليه ما فيش حد قال أكاذيب وفتنة والكلام الكبير ده؟؟؟؟
وبعدين إيه المشكلة لما الإخوان بيسعوا للحكم؟؟ أي حزب سياسي في العالم بيسعى للحكم ولا هي جت على الإخوان وبقت كخ؟؟؟؟؟
الديموقراطية إنك تقول رأيك بمنتهى الشجاعة والشفافية ولو حصل عكس رأيك تلتزم باللي اختاره الناس والأغلبية.

المشاركة الأصلية كتبت بواسطة wawoo

سبحان الله يا حج احمد يعنى انت كاتب اهة "الله اعلم حيبقى فية اية"

لكن الاخوان المسلمين اعلم بالغيب و كاتبين "ففى حالة الرفض سيتم اعلان الاحكام العرفية " على اساسا انة واقع ومعلومة مأكدة

اظن انة واضح انهم متاكدين من معلومة ليسة فى علم الغيب ولم يعلن عنها الجيش من اصلة

يا باشا هما بيقولو اللي هما معتقدينه .... ممكن يكون صح وممكن يكون غلط لكن مش بينشرو اكاذيب ...... لأن اللي بليقولوه ممكن يحصل .... مش مستحيل
طيب واال بيقولو لا وبيقولو ان لو التعديلات دي اتوافق عليها كدة ح يتعمل دستور تفصيل وح ييجي دكتاتور جديد بدل مبارك .... دول مش بيقولو اللي هما معتقدينه وبيقولوه على انه معلومة مؤكدة برضه .... دول مش كاذبين ليه ؟؟؟؟؟
خلي كل واحد يقول ما يراه
ماتحطهمش تحت المجهر عشان حجمهم ما يكبرش اكتر .... مش ده اللي حصل قبل كدة
الجماعة المحظورة هيا اللي عملت كذا وكذا
مسلسل الجماعة اللي بيشوة صورتهم
الاعلام الحكومي كله بيقول انهم ارهابيين
الاعتقالات منهم كل يوم
وبعدين ....؟؟؟؟
اهم حققوا شعبية كبيرة بسبب كدة
حنيجي دلوقت ناخد كل كلمة يقولوها وبرضه نقعد نشوههم تاني ؟؟؟؟
المفروض اننا نتعلم من التاريخ
المفروض اننا نتعامل معاهم عادي جدا انهم احد القوى السياسية
دول مش اعداء
دول فئة من المصريين
..
كل الفئات بتروج لما تعتقده
اشمعنى دول اللي شايلينهم فوق راسنا وزاعقين
..
دول زي غيرهم