خد وقتك كله
عشان الجواز زى الاعصار
بياخد كل حاجه فى طريقه
عرض للطباعة
خد وقتك كله
عشان الجواز زى الاعصار
بياخد كل حاجه فى طريقه
أنا خطبت و أنا في تالته هندسه ( زوجتي من نفس دفعتي ) و إتجوزت بعد التخرج ب6 شهور و الحمد لله بقيت أب لمحمد ( سنه و شهر ) وكل ده قبل ما أكمل سن 25 سنه ...
طبعا اللي ساعدني في كل ده والدي ربنا يباركله و يقدرني أرد جزء صغير من اللي عمله معايا .... الشقة كانت جاهزه و العربية موجوده ومصاريف الجواز متوفرة و ما إتأخرش عليا في أي حاجه طلبتها ... وكمان والدتي كانت بتزن عليا علشان أخطب و كان نفسها إني أتجوز وأنا صغير
.......
بإختصار كده أنا مع إنك تخطب وتتجوز بدري بس بشرط إنك تكون أولا قد مسئولية فتح بيت وتحمل مسئولية أسرة وكمان لازم تكون جاهز بشقة و مصاريف الجواز علشان فترة الخطوبة ما تطولش و أهل البنت مايزهقوش و يفركشوا الموضوع
تقبل تحياتي
م/ عبدالرحمن
متابع
انا باقول رايي هنا من وجهة نظر ابو البنت
لا و الف لا
عشان يفضل يتصرمح معاها ليل نهار و الاسم خطيبها و هو اصلا عيل بريالة بياخد مصروف من بابي (بال p) و مامي ......... لا شكرا ......
غير انه اصلا هيبقى لعب عيال ......
مع فائق احترامي لأي حد
أنا مع عدم التسرع الذي يؤدي إلى الندم يوم لا ينفع الندم :U_thin1[1]:
الجامعة مرحلة مهمة هاتضيع بالخطوبة و الربطة :coolio:
خلص جامعة و هيص لك سنتين تلاتة هاتلاقي نفسك زهقت من التهييص و اللف و بقيت مستعد لل next step .. و إلبس بقى :S_thum1[1]:
هذا و الله أعلم
بص يا باشا
اللى مستعجل على الخطوبه خاصا فى فتره الجامعه ده بيكون عنده فراغ عاطفى
ممكن تقول عليه هوائى بيسمع لقلبه قبل عقله
فا نصيحه لك اصبر عشان فى كل مرحله فى حياتك هتقابل اشكال والوان وهتتعلم طباع وهتواجه عقليات غريبه
فا اتك شويه على الصبر يا زعيم
النضج العقلى والعاطفى لا يكتمل الا بعد 28 الى 32
معلش انا عايز اقول حاجه
انا مقدرش ارتبط بواحده من غير لما ابقي واثق من نفسي ان معايا كل حاجه
ومربطهاش بيا
وكمان انا شايف ان الخطوبه فب فتره الدراسه بتبقي شغل عيال في عيال
وضياع للمستقبل مع انه ممكن يكون حافز
واروح اقول لابوها ايه انا جاي اخطب بنتك
يقولي عندك شقه لأ لأ
طب عندك مهر لأ لأ
هيقولي اذهب علي امك
وهتصرف عليها منين يا حيليتها
انا جربت ونصيحه بلاش
انا في امتياز دلوقتي يعني كليتي 7 سنين
يعني اللي زيي دلوقتي بيجيب جاز
بس بصراحه مش ناوي قبل 3 سنين كمان
ربطه وخنقه لازم تكون مستعدلها
ضد
اولا هتتحمل مسئولية الموضوع ده ازاى حتى لو مبسوط ماديا نادر لما تلاقى حد من النوع ده يقدر المسئوليه اللى يجي سهل يروح سهل
ثانيا مشاعرك ما بتبقاش مستقره والتفكير بيبقى ناتج عن عامل عواطفيه وليس عقليه
وبعدين مستعجل على ايه ياسيدى بكره تقول ليت ايام العذوبيه تعود