بيتهيئلى اليومين دول لو بلغت الجيش او الشرطه العسكريه الشرطه ممكن يبقى فى تصرف تانى بس يبقى من ضمن بلاغك انهم بيتعرضلكم ويمارسو البلطجه ربنا يحفظكم
سيدى الفاضل مش هقولك دى فتره وهتعدى لأنها موجد الحالات دى من قبل ماتحصل ثوره بس احنا مكناش بنعرف حاجه عشان مكنش فى حد بيتكلم ويقول
ولذلك بجانب الأحترام لابد من توافر وجه تانى تتعرف من خلاله على عالم اساليب البلطجه ومايطلعش الوجه دا الا لما تبقى محتاجه وفى الحاله دى هتفضل محترم زى ماانت
كلنا ناس محترمين وكنت زيك بالظبط لحد مابدأت احتك بالحياه احتكاك فعلى بعد خروجى للعمل وتحمل مسئوليه نفسى ثم تحمل مسئوليه بيت واسره لقيت ان فى زمنا دا لازم تبقى معتمد على الله ثم على نفسك فى حمايه نفسك واسرتك ومن ساعه ما ادركت دا بدأت انى اسعى لأنى اعرف ازاى يتم التعامل مع الأشكال دى والخلاصه فى الموضوع ان البلطجى اللى قدامك دا ميحسش انك مهزوز منه
حتى لو كنت انت بتتنفض من جواك لأنه اصلا جبان مهما كان باين قدامك ان هو هيركليز عصره
صدقنى المجرم جبان واجبن مما تتخيل لأنه على باطل لكن انت بتبقى على حق وعمر ربنا ماهينصر الباطل على الحق شوف اى وسيله تأمن بيها نفسك انت بتتحرك ولو حد حاول يعترض طريقك وانت ماشى جمد قلبك وافرمه تحت العجل عارف انها مش سهله انك تأذى روح لكن هنا انت فى حاله دفاع شرعى عن مالك وعرضك لو معاك اهل بيتك فاساعتها متفكرش الغى عقلك لأنك لو فكرت هتبقى انت الضحيه يؤسفنى انى اقولك الكلام دا بس لازم يكون هو دا اسلوبك لحد مانخرج من اليومين دول على خير وترجع الدنيا اأمن من الأول ان شاء الله وخليك مؤمن بأن الله خير الحافظين
المفضلات