هو انا من زمان نفسي اعمل موضوع عن جهاز الانذار اللي اصلا في الصني و الناس مش واخده بالها منه و بلاقي ناس مركبه جهاز انذر مع الجهاز بتاع العربيه و ناس هاتبتدي تلعب في الريموت بتاع العربيه و يظهر بردوا و الله اعلم ان الصنايعيه يأما مش عارفه ان الصني فيها جهاز انذار يأما ماعندهاش ضمير و عايزين شغل
المهم ان شاء الله يوم المقابله هافرج الناس ان الصني فيها جهاز انذار كويس و يغني عن اي جهاز انذار ممكن تجيبه او حتي انك تغير الريموت بتاعها لان بيتحكم في تفعيل الجهاز ولا لأ او بمعني اصح الفتح و القفل عن طريق الريموت و السنتر او المفتاح بتاع العربيه
هو طريقة عمله بسيطه جدا و في عربيات كتير بس الناس يظهر مش واخده بالها منه لانه مش بيزمر مع القفل و الفتح مثلا او مش لما تخبط العربيه بيشتغل لانه من نوع تاني و شيك جدا في عمله
اي حد ممكن يجرب و يشوف بنفسه
و الطريقه كالتالي :
حضرتك تفتح الزجاج بتاع العربيه و تقفل باب العربيه عادي و تسيب الزجاج مفتوح و تقفل بالريموت عادي خالص و تمشي بالريموت بعيد عن العربيه مسافه حلوه و ياسلام لو دخلت مدخل عماره او اي حاجه بحيث انك ماتكونش شايف العربيه خالص و بعدين تخالي حد يمد ايده جوه العربيه و يفتح الباب من جوه السقاطه دي كأن بالظبط حرامي كسر الزجاج و عايز يفتحها من جوه بأيده و تفتح الباب كأنك هاتركب عادي هتلاقي الجهاز اشتغل معاك حلاوه و الفكره بتعتمد علي بعد العربيه عن الريموت اللي الناس عايزه تغيره و لما يشتغل
بأذن الله بتقفل الانذار من الزرار بتاع ال Unlock هتلاقيها سكت و زماره بتاعة الانذار معموله علي الكلاكس بتاع العربيه و
ان شاء الله في المقابله هانبقا نجربه كلنا
بس انا لما لاقيت ان الموضوع دخل في تغير ريموت و هانركب كتاوت و خانلعب في كهربة العربيه قولت لما نروح المقبله ابقي اطرح الموضوع بس يارب افتكر او اي حد يبقي يفكرني بقي و نصورها فيديو و نحطها علي المنتدي
و اسف للاطاله
المفضلات