شنطة العدة للسيارة

**tahaderaz** · 16-03-2011 05:42 PM

السلام عليكم
إخوانى الأفاضل كل إنسان منا ربما يتعرض لمواقف صعبة أثناء قيادته للسيارة كعطل مفاجئ لذا وجب على كل واحد أن يعرف كيف يتعامل مع الأعطال التى قد يتعرض إليها وخصوصا فى السفر والرحلات الطويلة حبيت من خلال هذا الموضوع أن يساهم كل عضو برأيه فى الأشياء التى تجب أن تكون فى السيارة لمواجهة الطوارئ مع التركيز على مكونات شنطة العده التى يجب أن تكون فى السيارة فلقد بحثت طويلا على مكونات شنطة العدة والأشياء الضرورية فيها فلم أجد أتمنى من كل من لديه معلومة أن يقولها حتى يستفيد الجميع ولكم كل الشكر

**eldell** · 16-03-2011 05:45 PM

متااااااااااابع

**MOUSTAFA_SAAD** · 16-03-2011 06:06 PM

هى بتختلف من عربيه للتانيه على حسب المسامير والصواميل اللى فيها
بس عموما انا جايب عندى الاتى
كابل توصيل بطاريه فى حدود 40 جنيه
واير سحب صلب فى حدود 30 جنيه
منفاخ كاوتش بالولاعه 115 جنيه وفيه انواع اغلى وانواع ارخص
مفكين صليبه وعاده
بنزه وقصافه
بكرة شيكرتون
مفاتيح متنوعه مقاسات مختلفه تقريبا من 10 لغايه 18 مش فاكربالظبط

وعايز اجيب طقم الانكيه نجمه بس يكون كويس وسعره رخيص (مش عارف ازاى )
صليبة عجل وبرده بدورعلى واحده مستعمله نضيفه غير الصينى اللى موجود فى السوق وبيتنى من اى قرصه عليه
كوريك يكون شبه السليندر او الاسطوانه لان الكورك اللى بينزل مع العربيه بيبقى سكران وتعبان

نيجى بقه للمهم ان انا مبعرفش استخدم معظم العده دية بس هى احتياطى يمكن تحتاجها وتلاقى ساعتها اللى يعرف يستخدمها ويساعدك بيها وساعتها تقول ياريتنى كنت اشتريتها

**tahaderaz** · 16-03-2011 06:43 PM

المشاركة الأصلية كتبت بواسطة moustafa_saad

هى بتختلف من عربيه للتانيه على حسب المسامير والصواميل اللى فيها
بس عموما انا جايب عندى الاتى
كابل توصيل بطاريه فى حدود 40 جنيه
واير سحب صلب فى حدود 30 جنيه
منفاخ كاوتش بالولاعه 115 جنيه وفيه انواع اغلى وانواع ارخص
مفكين صليبه وعاده
بنزه وقصافه
بكرة شيكرتون
مفاتيح متنوعه مقاسات مختلفه تقريبا من 10 لغايه 18 مش فاكربالظبط

وعايز اجيب طقم الانكيه نجمه بس يكون كويس وسعره رخيص (مش عارف ازاى )
صليبة عجل وبرده بدورعلى واحده مستعمله نضيفه غير الصينى اللى موجود فى السوق وبيتنى من اى قرصه عليه
كوريك يكون شبه السليندر او الاسطوانه لان الكورك اللى بينزل مع العربيه بيبقى سكران وتعبان

نيجى بقه للمهم ان انا مبعرفش استخدم معظم العده دية بس هى احتياطى يمكن تحتاجها وتلاقى ساعتها اللى يعرف يستخدمها ويساعدك بيها وساعتها تقول ياريتنى كنت اشتريتها

أولا شكرا على مشاركتك المفيدة
ثانيا مع الوقت هتقدر تتعلم تعمل كل حاجة بنفسك وزى ما أنت قلت لو شنطة العدة معاك وفيها كل شيئ هتسهل على الآخرين مساعدتك وربنا يستر طريقنا جميعا

**فادى محمد** · 16-03-2011 07:18 PM

انا معايا شنطه فيها معظم عده الميكانيكا العامه من مفاتيح بلدي والانكيهات وبنسه وقصافه وبنسه كلابه...+كابل توصيل كهربا+كشاف قوي+منفاخ عجل يعمل علي الولاعه+واير قطر+زجاجات ميه وربنا هو الستار