الموضوع: حد يفهم في التأمينات ؟؟

السلام عليكم

بإختصار علشان أنا قاعد في سايبر

الراجل الموظف بتاع التأمينات بيقولي لازم أقل حد للعمال إلي المفروض تأمن عليهم في الصيدلية يكونوا إتنين
يعني ماينفعش عامل واحد
الكلام ده صح ولا غلط؟؟
حاجة تانية
أنا كنت مأمن على إتنين .. روحت شلت واحد وحطيت مكانها واحدة تانية
بعدها بفترة روحت أدفع التأمينات .. لقيتهم ماشالوش البنت إلي أنا كنت شيلتها من سنة
يعني بقا عندي عدد 3 عمال ...ودفعوني عليها فلوس مع إني كنت مقدم لها إستمارة 6 من سنة
سألتهم ليه ماإتشالتش ..قالولي ماحد شالها ومفيش ورقة في الملف بتاعك بيقول إنك شيلتها
ولاد التيتتتت؟؟
طيب أعمل إيه معاهم دلوقتي ؟؟؟
حاجة تالتة
أخر مرة دفعت كان شهر 11 إلي فات .. جاتلي ورقة من النيابة إن عليا قضية تأخير دفع تأمينات
روحت دفعت التأمينات بتاعت من شهر 11 لحد الشهر ده..وأخدت مخالصة منهم
طيب دلوقتي
ليه عملوا عليا قضية تأخير .. مع إني دفعت لهم فلوس من 4 شهور بسسسسسسس؟؟


لو حد يفهم .. يفهمني
علشان عندي جلسة
واضح إن عندهم موظفين حميرررر .. طيب الحمير دووول أعمل معاهم إيه؟؟؟؟