السلام عليكم
حبايبي في الله ... كيف حالكم
انا سمعت كلمة تفتيح الموتور ديه كتير وكنت عايز اعرف فعلا معناها صح ولا غلط
يعني قبل النهارده كان اخري علي الrpm 3000 تقريبا .... النهارده وانا رايح العبور مكنش في نيتي حاجة والله هههه
بس قلت عايز افرك العربية بحق واشوف العربية وموتورها عامل ازاي
ماشاء الله لا قوة الا بالله .. انا كنت الاول بخاف وحاسس ان العربية مش قوية او سحبها مش قد كده زي البولو اللي كانت معايا
بس بعد النهارده ماشاء الله .... عايز اقولكوا ربنا يخليهالنا ويحفظهالنا نعمة الحمد لله
قلت الغيار مش اقل من 4000 علي الrpm وعلي كل الغيارات ماعدا الخامس طبعا
انا مش عايز اقولكوا اني شديت مع لانسر والنترا وتريوس وطلعت منهم بفضل الله ...انا قلت يمكن بياخدوني علي قد عقلي هههههههه بس لما شديت مع هوندا سيفك الشكل الجديد وطلعت منها قلت اكيد مش الناس كلها تعبانة وانا اللي سليم هههههه
مع اني عندي برد وكنت تعبان والله
المهم في طريق طويل كده في مدخل العبور قبل الشباب .... روحت دايس علي العربية وجيبت بيها ال150 كم/س
ماشاء الله لا قوة الا بالله .... ثبات وغرزيتن محترمتين ربنا يحفظها ... ولو الطريق كان فاتح كنت كملت
السؤال بقي
لو كملت بالطريقة ديه في السواقة .... ازاي الحال بقي؟؟
وده بقي تفتيح الموتور ... ولا بيستهيألي ههههههههه ؟؟؟
أقعدوا بالعافية :D