تظاهر رجال الشرطه في الأسكندريه

النهارده وانا مروح من الشغل عند ميديرية الأمن كان الطريق مقفول ولقيت رجال شرطه شكلهم امناء ورافعين لافتات مثل لا للمحاكمه العسكريه فاقد الأمن لا يعطيه وكفايه ظلم

طبعا الطريق كان متحول من خلف المديريه

صحيح اللي اختشو ماتو

دا بيدل انهم فى الطرااااااااااااااااااااا اااااوة


الناس دلوقتى مشغولة فى التعديلات وهما لسه بيعملوا مظاهرات

قلودين قوى
ده المفروض يتحاسبوا على الدلع
اللى هما فيه دلوقتى

ضباط سيس

كون انهم بيطالبو بعدم التعرض لمحاكمه عسكريه فده معناه انهم بيعترفو انهم ارتكبو جرائم
اغبياء قوي

اللي اختشوا ماتوا

لو ملاحظين ان اسكندرية هى المحافظة الوحيدة مع شمال سيناء التى لم تعود الدراسة فيها الى الان والى اجل مسمى زى ما قال نائب المحافظ يعنى كمان ما عندناش محافظ هههههههههه

وكمان اكبر معدلات جريمة وبلطجة وسرقة بالاكراه وعصابات منظمة مسلحة فى اسكندرية

والسبب طبعا شوية الظباط اللى مش عايزين يرجعوا شغلهم او بيرجعوا تادية واجب وسد خانة منهم لله ومنه لله اللى سايبهم يدلعوا ومش عايز يقف لهم وقفة صارمة مش كفاية اللى عملوه فينا كمان بيكملوا علينا ربنا ينتقم من كل ظالم

انا ليا زميل ظابط نص يومه يقعد على القهوة ويشرب شيشة وتولع الدنيا المهم هو بخير ووقت ما هايحس بقلق معاه الاستقالة بالذمة ده منطق

كان نفسي اقولهم وانتو كنت فين لما بتذلو العالم وتضربوهم وتاخدو فلوسهم بالعافيه
الضمير مصحيش غير دلوقتي
وخصوصا انهم معظمهم امناء وشكلهم الفئه الواطيه منهم ولا مكانوش عملو مظاهارت من اساسه

انا سامع كلام كتير عن الظباط في اسكندرية
ان بيحصل فيهم حاجات مش ولا بد و كنت متعاطف معاهم
انما طالعين يعملو مظاهرة و مش عايزين يتحاكمو
لا و قريت انهم عايزين يفرجو عن كل الظباط الممسكوين
يستاهلو ال بيحصلهم

الشرطه محسسانى انهم شغالين باليوميه كدا مش عاجبهم النهارده يقعدوا عالقهوه... والله لازم يتشدوا شده صح عشان يتعدلوا