حل الفرامل اللي واقعة .... جين 2

**m3margy** · 16-03-2011 11:26 PM

بعد فضل الله علي ... وانهيت معظم مشاكل الأصوات في ال جين بتاعتي وبتاعت اسامة صديقي
حلينا مشكلة الفرامل .....
كلنا بنشتكي ان الفرامل واقعة ( الدواسة واطية ومشوارها طويل علي ما تبتدي تجمع )
النهارده عملنا حاجة بعملها دايما في عربية والدي النوبيرا .......
بعد ما بغير تيل دايما باخد هواء للفرامل بمعني ( زيت الفرامل بيبقي فيه جزيئات هواء ... الهواء ده مع استخدام العربية بيتجمع في مكان معين) والمطلوب تقليل كمية الهواء دي
وبالفعل رحت للحاج مصطفي ( المدينة اللي في شارع دمشق ) وجبت طقمين تيل ريمسا امامي وخلفي (350) جنيه
ورحت لمحمد علي اللي بيغير التيل في نفس الشارع .... وبعد التغيير في التيول طلبت منه يكشف علي زيت الفرامل وياخد هواء لو في ....
اتفاجئت طبعا لمل لاقيت الولد اللي شغال بيقول لصديقي ... انت ماشي بالعربية دي ازاي ؟؟؟؟؟
الفرامل فيها كمية هواء غير طبيعية..... طبعا انا فرحت عشان دا مؤشر كويس ان الفرامل هتعلي
المهم ..... نصحنا الراجل ان بعد تغيير التيل او الزيت تاخد هوا للفرامل
وبعد كده كنا بنجرب الفرامل .... والله العظيم حاجة تانية خالص خصوصا مع التيل الجديد بيتأكدلي شعور اني راكب اوكتافيا او جيتا
تقبلوا تحياتي ,,,,,,, وبلغوني بالاخبار في الفرامل

**tiger451** · 17-03-2011 12:03 AM

الف مبروك
ربنا ياتيك من خيرها ويكفيك شرها

**ahmad alshaaer** · 17-03-2011 12:15 AM

شكرا للافاده اخي الكريم

**m3margy** · 17-03-2011 12:28 AM

**eslam_wega** · 17-03-2011 01:14 AM

بجد كلمة شكرا قليلة عليك يريت لو سمحت شرح بسيط بالنسبة للهواء بيتاخد ازى وشاكر جدا ليك

**eng.m7md.ali** · 17-03-2011 01:18 AM

والله انت راجل عشرة على عشرة
اعملنا موضوع بقى بمناسبة الاصوات دي وطريقة حلها

**m3margy** · 17-03-2011 01:45 AM

الميكانيكي هو اللي بياخد هوا للفرامل وانت بس بتققعد ( تكارك ) لحد اما تظبط الدواسة علي المستوي اللي انت عايزه

**m3margy** · 17-03-2011 01:53 AM

http://www.nilemotors.net/Nile/206985-a.html

**mangere90** · 17-03-2011 02:28 AM

السلام عليكم ورحمة الله وبركاته

ياباشا الف شكر علي المعلومات القيمه دي , بس انا كان في دماغي الموضوع ده من زمان
بس بصراحه خايف اعمله اولا في فرق كبير بين منظومة فرامل الجين2 و النوبيرا الجين2
زي ما حضرتك عارف abs و abs بينظم طريقة الفرمله علي شكل حرف x زي ماحضرتك
عارف فا انا خايف بعد ما اخد للفرامل هواء اجي ادوس علي سرعه عاليه تلاقي العربيه
بتنحرف يمين او شمال وده طبعا ناتج ان بقي في عجل بيمسك قبل عجل طبعا في
اي عربيه تانيه مظومة الفرامل عاديه سهل جدا اني افضل اظبط لغاية لما اخلي العجل
كله يمسك مع بعضه لاكن عندنا في الجين2 المسؤل عن تنظيم الفرامل abs
يارب اكون وضحت لحضرتك رؤيتي ...

**m3margy** · 17-03-2011 05:05 AM

فاهم وجهة نظرك ..... بس في حاجة مهمة ان الهوا اللي بيتاخد مالوش دعوة بالمنظومه اطلاقا .... انت بس بتقلل نسبة الهوا الي الزيت داخل مكبس الفرامل..... بالبلدي ال abs مش هيتاثر .... و علي قد الهوا اللي الميكانيكي سحبه الدواسة بتعلي تحت رجلك ... وانت والسنس بتاعك في الفرامل ...... لو مش حاسس بمشكلة عندك طبعا متلعبش في الفرامل .... انما لو حاسس بمشكلة صدقني النتيجة مبهرة ولحد 140 و150 كيلو في الساعة ... ومجربناش علي سرعة اعلي