السلام عليكم
يا جماعه ان شاء الله انا وناس معاى من ا لشركه ناوين نطلع قريب Arabian nights
هيكون سبت او احد
عددنا حوالى 15
كنا هنروح بالعربيات ب 3 عربيات مثلا لكن واضح ان ممكن يحصل لخبطه والعربيات كلها متبقاش جاهزه ف محتاجين نشوف باص
عاوز اعرف باص رحلات كويس وابن حلال وياخدنا مثلا من نقطه التجمع ( هتكون العباسيه ) الى Arabian nights اللى ف طريق الفيوم ..
ياترى حد يعرف باص حلو .. وهياخد كام ف المشوار ده ؟
ياريت باص يكون نظيف وسعره حلو
للاسف معرفش حد
وحاول تجيب حد معرفة اوشركة محترمة علشان ما حدش يضمن اليومين دول
ياريت تدينا فكرة عن القرية دى انا اعرف انها فى طريق الفيوم بس
حاضر ان شاء الله ..
انا رايح الشغل دلوقتى وهقولك اللى اعرفه عنها اما اجى ..هديلك التفاصيل كمان اكتر اما اروح..
وياريت برضه لو حد يعرف رقم باص محترم !
ياريت تقولنا تجربتك بعد متروحها
أنا كنت في arabian nights من شهر بالكتير ولزاما مطرة علينا وغرقنا وطلعنا الناس بتوع الكافيتريا من الأوضه بتاعتهم عشان نستخبى فيها lol
المكان جميل ل day use وممكن تحجز شاليه فيه يبقى ليك طول اليوم لحد ماتمشي وممكن تبات كمان
أنا واصحابي روحنا بعربياتنا وكان فيها أماكن فاضية كمان عشان كلنا نبقى واخدين راحتنا والتجمع كان فالرمايه ولطريق نفسه كويس كنا بنشيد مع بعد بس معدناش 160 كان فيه (jetta-cerato-lanos-2*avio-i10-)
لو عرفت تطلع ملاكي حتى لو متاجرة يكون أحسن إنت طالع تتمتع بيوم مش طالع رحلة عشان تجيلها bus
ده رأيي فالموضوع وربنا يوفقك
بس ابقى قولي بقى عالباكدج اللي إنت ريحها بكام وال فطار والغدا إيه
وبكام وبالمرة اسعار البتش بجي والخيل عشان معرفتش اركبهم المرة اللي فاتت من المطر
عشان أنا ناوي اكررها قريب
ممكن معلومات عن المكان وكيفيه الحجز واى تفاصيل اخرى
اقتباس:
المشاركة الأصلية كتبت بواسطة احمد المصرى
الدخول للفرد 50 جنيه شامله وجبه غداء عباره عن نصف فرخه مشويه + رز + سلطه
البيتش باجي 120 الساعه في الصحراء وفيه سعر اقل بس جوه التراك ولو عددكم كبير ممكن تاخد خصم
احنا تقريبا كنا 6 واخدنا الساعه في الصحراء 100 جنيه في خيل في التراك بارضو وفيه جمال وبيبقي فيه دي جي
واماكن للعب الاطفال وفيه شاليهات داي يوز ده اللي انا فاكره الصراحه ولو افتكرت حاجه تانيه هاقولكم
اقتباس:
ياريت تقولنا تجربتك بعد متروحها
حاضر ان شاء الله هقولكم على التفاصيل اكيد اما اروح ... وبالنسبه للعربيات انا طبعا اتمنى نروح بالعربيات نبقى براحتنا حتى .. بس مش كل الناس هتقدر تيجى بعربيه وبالتالى هيبقى فى جزء هيروح موصلات وجزء عربيات عشان كده قلت باص وخلاص ياخدنا كلنا بدل النطوره .. يعنى ده ال worst case .اقتباس:
لو عرفت تطلع ملاكي حتى لو متاجرة يكون أحسن إنت طالع تتمتع بيوم مش طالع رحلة عشان تجيلها bus
ده رأيي فالموضوع وربنا يوفقك
بس ابقى قولي بقى عالباكدج اللي إنت ريحها بكام وال فطار والغدا إيه
وبكام وبالمرة اسعار البتش بجي والخيل عشان معرفتش اركبهم المرة اللي فاتت من المطر
عشان أنا ناوي اكررها قريب
اقتباس:
ممكن معلومات عن المكان وكيفيه الحجز واى تفاصيل اخرى
اقتباس:
الدخول للفرد 50 جنيه شامله وجبه غداء عباره عن نصف فرخه مشويه + رز + سلطه
البيتش باجي 120 الساعه في الصحراء وفيه سعر اقل بس جوه التراك ولو عددكم كبير ممكن تاخد خصم
احنا تقريبا كنا 6 واخدنا الساعه في الصحراء 100 جنيه في خيل في التراك بارضو وفيه جمال وبيبقي فيه دي جي
واماكن للعب الاطفال وفيه شاليهات داي يوز ده اللي انا فاكره الصراحه ولو افتكرت حاجه تانيه هاقولكم
الشهر ده مارس فيه عروض ...اقتباس:
Arabian Nights FREE | Facebook
اللى نفسى اعرفه بس لو حد يعرف
ايه الفرق بين ال VIP والعادى !!!!!!!!!!!!!!!!!!!!!!!!!
وياريت برضه موضوع ال BUS يا جماعه
انا رحت وجيت يا جماعه .. اوافيكم بالتفاصيل لاحقا .. لانى شبه ميت .. اليوم هناك مهلك جدا .. بسين وخيل وبيتش باجى فى يوم واحد !!
مكان تحفه بجد !
منتظريين التفاصيل :)
wait..........
معاك واحد مستني
حمدا لله علي السلامه
أنا رحت قبل الثورة باسبوعين ودفعت تقريبا 75 مش فاكر قوي بس مش 50اقتباس:
المشاركة الأصلية كتبت بواسطة kimo-nubira
والغدا كان ميكس جريل والفطار كان فطير وعسل ومش
الفرق بين ال VIP والعادي إن el-vip مكان اصغر شوية بس أحلى وهو اللي فيه الشاليهات
المكان العادي برده هو نفس el-design تقريبا بس بيبقى زحمة حبتين
السلام عليكم
انا هكتبلكم التفاصيل بس اللى فاكره منها والباقى هضيفه بعدين لو حاجه ناقصه
اولا بالنسبه للمسافه ... بصراحه انا مكونتش متوقع ان المسافه بعيده كده !! القريه بالظبط قبل الفيوم ب 30 كم ..
أجرنا ميكروباص تويوتا الجديده ال 14 راكب شكل الطياره من العباسيه .. واتفقنا معاه على 250 ج على أساس انها بعد اكتوبر بشويه لكن هوه مكانش يعرفها ولا احنا عشان اول مره نروح وف السكه بقى بدأ يتكلم ان مش ده الاتفاق وكده واحنا برضه قدرنا وعرفنا انها مش قريبه من اكتوبر ولا حاجه وبالتالى رحنا هناك وكان المفروض نمشى من هناك 5 بس عشان الطريق طويل ونلحق نقضى اليوم .. ادينا للسواق 400 جنيه كله ( عشان أخرنا معاد الرجوع خليناه 7 ونص وعشان المسافه )
مشينا كوبرى 15 مايو . ميدان لبنان . طلعنا على طريق اكتوبر عند دريم لاند ومن هناك مسكنا طريق الفيوم ..
بالنسبه لللاوفر اللى احنا كنا واخدينه هوه :
حجزت فى اربيان نايتس vip
شامل الاتى 1- وجبه غداء نصف فراخ مشوى + ارز + 2 نوع سلطه + كانز
2- حمام السباحه
3- دى جى
4- ملاعب كره قدم ( مبصيناش فيها اصلا ومكانش فيه وقت وملهاش لزمه بصراحه ف رحله زى دى )
5- نصف ساعه بيتش باجى لكل فرد
6- نصف ساعه خيل داخل
7- سعر الفرد يشمل ما سبق 100 ج للفرد
طبعا سعر رائع بس اهم حاجه ان السعر ده لازميكون لجروب لا يقل عن 20فرد وفى حاله ان العدد اقل عن 20 فرد يصبح سعر الفرد 120 ج
واحنا طبعا كنا أقل من 20 فاخدنا العرض ده ب 120 الشخص
بدأنا بالبسين نزلنا بتاع نص ساعه ..بعد اخدنا شاور
بعدها بالخيل وانت بتخش بيه ف الصحراء نص ساعه بس بجد فظيعه وغير نزله السمان والقرف بتاعها خالص .. دى صحرا صحرا وفيها حتت زى تلال صغيره كده
وبعدها الغدا .. نص الفرخه ورز وسلطه وبيبسى .. اكلهم جميل والنص فرخه حجمه حلو جدا انا حتى شايف انه كبير مش صغير .. غدا يشبع من الاخر ( اخوكم أكيل على فكره )
ريحنا شويه وجينا كده قبل المغرب ( النص ساعه اللى قبل المغرب ) روحنا على البتيش باجى ( البيتش باجى هناك المواتير بتاعته حلوه جدا بس للاسف شكل البيتش باجى نفسه مش مهتمين بيه وتحس ان شكله متكسر كده ومدشدش ومفهوش فوانيس ولا بطيخ .. بس كل اللى فيه موتور وبيشد حلو وده اللى انا كنت عاوزه )
بس وبعد كده رجعنا قعدنا ف القعدات العربى على البسين وقضينا وقت لذيذ :)
هما بصراحه اتوصوا بينا ف الوقت يومها .. يمكن عشان مكانش فيه زحمه او معرفش الله أعلم
اه طبعا احنا كنا داخلين VIP وقلنا بلاش يعنى نجرب الحته التانيه بدل ما تطلع مش حلوه ومشوفنهاش اصلا
ملاحظه ( ف البيتش الباجى والخيل .. ممكن تلاقى حد بيحور عليك ويقولك خليك جوه التراك وكده ف أنت وانت بتحجز أكد عليه كويس انك هتاخدهم ف الحته المفتوحه الصحرا يعنى .. لان من رأى الشخصى جوه التراك خنيقه جدا ومحدش هياخد راحته )
بصراحه الرحله دى فيها ممكن تعمل كل حاجه زى ما قلت .. بسين . بيتش باجى . خيل . دى جى .. كل واحد ممكن يننظم يومه ويروح يقضى يوم تحفه هناك
اى استفسار انا تحت امركم
شوقتني .. وان شاء الله اروحها .. وكويس انكم اجرتوا مكروباص ماحدش عارف الطريق عامل اية ..
بس رجعتوا ازاي صحيح :)
هتروح تقضى يوم جامد ان شاء الله :)
لو تقصد الباص .. فالباص احنا مأجرينه رايح جاى ..مش هناخد باص يرمينا ف الصحراء ويسيبنا لوحدنا أكيد ههههه :10D5C8w1107:
ولو مكنتش تقصد الباص ..واصدك الطريق :
رجعنا نفس السكه اللى رحنا منها .. طريق الفيوم ومنها اكتوبر المحور وبعدها كوبرى 15 مايو ل رمسيس ومنها العباسيه
هو فضل معانا هناك .. وعموما هما بيصرفوا وجبه للسواق على فكره من عندهم .. وفى اعتقد استراحه للسواقين .. اخر دلع يعنى :Copy of m-s5:
لاء كنت اقصد الباص :)
100% وشكرا ع المعلومات .. :)
ولا يهم حضرتك
عموما انا كنت كلمت كذا ميكروباص وكذا شركه سياحه لو احتجتوا حاجه انا تحت أمركم ( طبعا انا مليش صله بيهم بس كنت مكلمهم وعارف نظامهم بس )
حلو الوصف :) حمدلله عالسلامة
يا ريت بقى تكمل جميلك و تنزلنا شوية صور , أكيد صورت أي حاجه هناك