سياره فى حدود 40 - 45 الف

السلام عليكم


بعد عملى للموضوع الاولانى :

http://www.nilemotors.net/Nile/205440-94-94-94-a.html

انا نويت ان شاء الله ازود الميزانيه يعنى بمعنى اصح ( هستلف اكتر من اهلى ) لانى برضه كنت هبقى سالف تمن واحده اللى هما ابيزا او بونتو او تمبرا 1994 ... وتم زياده ميزانيه العربيه ل 45 الف ان شاء الله ( ده اخرى )

ف ان شاء الله بفكر جديا ف حاجه حلوه وكبيره وواسعه وتعد معايه فتره

بفكر فى كيا سبكترا 2004 . دايو نوبيرا تانى غير اللى عندنا .

او اى حاجه حلوه ف الحدود دى ؟ حد عنده اقتراحات وتكون حاجه تستحمل الشارع المصرى طبعا لاننا كلنا عارفين الدنيا ازاى فى مصر

انا الميزانيه اخرها 45 الف وياريت اقل لو فى حاجه كويسه

وربنا يكرمكم كلكم وعلى فكره عاوز ازود حاجه انى شارى النوبيرا اللى عندنا بعد الاستشاره فى المنتدى هنا وده دليل على ثقتى فى ارائكم وده الموضوع اللى هتلاقونى اشتريت العربيه بعد ما عملتوه

http://www.nilemotors.net/Nile/115160-2001-2000-a.html

الموضوع بقاله بتاع سنه وشويه اهو وحمد لله الدنيا زى الفل

فين رجاله المنتدى !

ممكن لانوس 99 حلوه برضه وقطع غيارها كويسه

في الحدود دي دور على مايلي بالترتيب كورولا 97-96 او لانسر كريستاله98-99 او سوزوكي بالينو 99-98
الياباني مختلف في الركوب تماما عن الكوري...وفي الاول والاخر دور على حاله شاذه في العربيات ...واكشف عليها كويس ....ولا تنسى صلاة الاستخاره

خليك في كورولا او كريستاله ده هيكون افضل كتير ليك .. وهتستمتع جدا لانهم من احلى العربيات اللي نزلت في الفترة دي ومناسبة لميزانية حضرتك

شكرا لمقتراحتكم يا جماعه ... بس انا كان نفسى ف عربيه موديلات ال الفينات ..

يعنى مثلا ايه رأيكم فى الكيا سبكترا 2004 ؟؟؟؟؟؟؟ العربيه دى بحث انها شكلها حلو وفخمه كده والناس كلامها عليها مش بطال .. اسمع انها عربيه كفائه يعنى .. بس قطع الغيار مش ولا بد ؟؟

حد يعرف ايه نظامها

طبعا النوبيرا معانا دلوقتى وعارفها كويس وبعشقها بصراحه ركوبه نظيفه وجميله بس مش لازم يبقى عندنا 2 يعنى :d

السوزوكى بالينو اعتقد انا كان معروض عليا واحده من فتره بحوالى 32 الف بس مش عارف محستش انها تمشى معايه ..

وطبعا اليابانى مختلف جدا عن الكورى انا مؤيدك لانى ركبت يابانى فتره كبيره والمانى برضه .. وفرنساوى فتره اكبر واكبر واكبر حيث ان والدى كان من عشاق البيجو وانا متعلم السواقه على بيجو 505 اصلا

السلام عليكم
النوبيرا إختيار مناسب من حيث الاتي
1_سعر الشراء
2_أسعار قطع الغيار
3_أسعار الصيانه
4_الموديل الحديث
5_موتور سعة لتريه وقوه حصانيه مناسبه
6_إتساع الصالون
7_ثبات سعر إعاده البيع

أما الاسبيكترا لو فيها كل كماليات الدنيا ورفاهيه الدنيا مقدرش أجازف وأشتريها بسبب قطع الغيار

والكورولا والانسر التسعينات 1300 سي سي في الغالب وموديلات قديمه وأسعار مرتفعه

و أخيرا السوزوكي البالينو عربيه جميله ومحترمه وكل شئ لكن موديلها قديم وقطع الغيار غير متوفره و إن توفرت الله أعلم بثمنها

ولو تعذر علي حضرتك شراء نوبيرا ممكن هيونداي فيرنا أو أكسنت

وممكن الانوس 2

وممكن رينو ميجان 1 من 2000 الي 2002 لكن الأقتراح الأخير خلي بالك لو أقدمت عليه أسأل عن قطع الغيار

HOSSAM99

فعلا انا مع كلام حضرتك بالظبط وطبعا احترم رأى الاخوه الافاضل اكيد .. انا برضه مع نظريه انى اركب حاجه الفينات وفعلا لو اى حد عمل الموضوع ده كنت هقوله نوبيرا من غير تفكير .. بس الفكره زى ما انت عارف اننا معانا نوبيرا اصلا :120105~352:
ف عشان كده كنت بحاول اشوف عربيه تانيه وده مش عيب ف النوبيرا ولا حاجه .. لا بس للتغير يعنى ..لكن لو ملقتش عربيه حلوه ف مستوى النوبيرا ساعتها هجيب نوبيرا وخلاص ...

وطبعا الفيرنا واللانوس حاططهم ف الاختيارات بس ف الاخر شويه لانى عاوز عربيه تكون واسعه شويه

والبونتو برضه 2002 - 2004 حاطط من ضمن الاختيارات !

لانوس او لوجان الاتنين حلويين

مفيش مشكلة انك تجيب نوبيرا تاني بس اهم حاجه متجيبهاش اوتوماتيك وربنا يوفقك