حل لصفارة تيل الفرامل !!!
امبارح كنت في محل المدينه
واثناء الحوار
عرضت مشكلة صوت الصفاره الصادر من التيل بعد تغييره باخر
وشرحلي حل بسيط لكن انا مجربتوش لاني مغيرتش التيل لسه
والشرح هو كالاتي (بدون صور)
مع احتكاك التيل مع الطنابير التيل بيتاكل وايضا جزء كبير من الطنابير
ولكن يتبقى جزء مبيحصلوش تآكل وهو الجزء اللي في الحافه (بيسموها شفه)
عند تغيير التيل بيحصل تلامس بينه وبين شفة الطنابير بيؤدي لصفاره
والحل في ثلاث نقاط (الاصعب للأسهل)
1- تغيير الطنابير (على حسب كلامه)
2- عملية خراطه للطنابير (على حسب كلامه)
3- اخيرا هو استئصال نصف ملي من حافة التيل من فوق علشان ميحصلش التلامس اللي بيؤدي لصفاره وهو الاسهل والتكلفه بسيطه 10 جنيه (على حسب كلامه برده) وهو يعرف ميكانيكي شاطر بيعمل الموضوع ده
اخيرا انا نقلت الكلام اللي قاله للامانه لاني عارف المشكله
ورأيت ان في حل ممكن ينفع وممكن لا
وللعلم مره كمان انا مجبرتش اي من الحلول دي لاني مغيرتش تيل
والعهده على الرواي
اخر حاجه علشان متزهقوش
في ميداليات بلوجو بروتون جديده وحاجات تانيه كتبتها في الموضوع ده
بعد اذنك يا استاذ احمد حطيت اللينك
http://www.nilemotors.net/Nile/207151-15.html
وشكرا