الموضوع: إستفسار بسيط من الخبراء بالسعودية

عندي إستفسار بسيط و ملقتش غير إخوتي في المنتدى يساعدوني.
الموضوع ببساطة إني خلال كام يوم عندي رحلة عمل للسعودية في ينبع و هيكون عندي فرص يوم العودة ترانزيت حوالي 6 ساعات في جدة حتى موعد قيام طائرة جدة للقاهرة بإذن الله.
الطيرات الداخلي من ينبع لجدة الطائرة تصل جدة حوالي الساعة 9 صباحا" و الطائرة من جدة للقاهرة بتقوم الساعة 17:15 و قولوا عايز ساعتين قبلها في المطار يعنى الساعة 3 عصرا" مثلا"، يعنى الخلاصة عندى وقت فاضى حوالي 6 ساعات.
السؤال هل ممكن الوقت ده يسمحلى أطلع على مكة و أعمل عمرة في السريع (هكون مظبط الإحرام من ينبع طبعاً إن شاء الله) و أرجع في وقت مناسب بالنظر للوقت الحالي معرفش زحمة و لا لأ و المواصلات إيه نظامها
أنا الحمد لله راجع من الحج السنادي و الدنيا كانت ضرب نار من الزحمة بس دلوقتي معرفش إيه النظام.
كمان هيكون معايا شنطة و لاب توب فهل متوفر في المطار مكان أسيب فيه الحاجة على ما أرجع لإن بدري قوي كدة الكاونتر بتاع رحلة القاهرة مش هيكون فتح.

عذراً على الإطالة و شكراً مقدماً على إجاباتكم.

اه تقدر الفرق بين جده و مكه ساعه يعني ساعه رايح و ساعه جاي و قوول ساعتين عمره و يتبقى معاك ساعتين كمان ان شاء الله و استنى رأي البقيه