هوندا اكورد 91

**taimor1777r** · 17-03-2011 10:19 AM

السلام عليكم ورحمة الله وبركاته
ارجو ان اخذ راى الاخوه الهنداويه فى هوندا اكورد معروضه علياموديل 91 كاملة اتوماتيك بصراحه العربيه عجبانى جدا بس يوجد مشكله فى الفيتيس او ممكن تكون الموتور بالفيتيس + عطل بالتكييف المهم صاحبها عايز يبعها بالسعر اللى انا اقوله وانا مش عارف بصراحه احدد السعر المناسب واللى مااظلموش فيه وهل حيكون سهل انى الاقى قطع غيارها وحتتكلف كام وعلى فكره العربيه اساسيتها سليمه وتقريبا كل حاجه شغالة كويس ماعدا التكييف وشكلها بجد تحفه وانا شاكر لكل اللى حيساعدنى فى اتخاز القرار فى القرار علما انا كنت راكب ماتركس 2008 واوبل فكترا 94 مانيوال

**M_Nabil** · 17-03-2011 03:10 PM

وعليكم السلام ورحمة الله

الاكورد من العربيات العائلية الجميلة قطع الغيار موجودة بس أقل انتشاراً من السيفيك واغلى سعراً وموديل 91 ده الجيل الرابع من الاكورد أعتقد كان نازل بمواتير 1.8 و 2.0 و بعض الاسواق الاخرى بمحرك 2.2 حاول بس تعرف هيا محتاجه مصاريف اية تحديداً سواء فتيس فقط ولا ماتور وفتيس وتعرف مشكلة التكييف أيضاً محتاج كباس و لا شحن فقط وهل محتاجه مصاريف ثانية الخ عشان تعرف تحسبها وتتخصم من سعر العربية، هو متوسط سعر العربية الحالة الجيدة بيكون في رينج 45 ألف تقريباً ان مكنتش غلطان

**taimor1777r** · 17-03-2011 03:40 PM

شكرا يا باشا على ردك انا مش عارف بس الاسعار حتكون فى حدود كام وبصراحه مش عارف اوصل لنمرة حد بتاع قطع غيار هوندا وكل اللى اسأله يقولى ماعرفش فده اللى محيرنى انا وصلت مع الراجل لحد 30000 فهل ده سعر كويس لو حغير ماتور بفتيس وتكييف وهل قطع الغيار متوفره ولا حدوخنى

**M_Nabil** · 17-03-2011 04:51 PM

قطع الغيار هتلقيها بس مش عند كل الناس بتوع الهوندا يعنى هتحتاج تلف عليها شوية الأسعار على حسب القطعة بس لو هتسقط فيها مكنه بالفتيس سعر المكن ده مش غالى عشان الطلب عليه قليل كنت فاكر من فترة مكنته البريليود h22a كاملة بفتيسها بتعمل 4500 جنية وأعتقد الـ f18b أو f20b بتاعه الاكورد هتكون في نفس السعر أو ازيد شوية وهتحسب كمان مصنعيات ميكانيكة وكهرباء و تظبيط التكييف يعنى نقول من 8 الى 10 الاف جنية مصاريف

بس نصيحة حاول تكشف على العربية كويس الأول و شوف اللى محتاجه بالظبط و أنزل أسئل في الحرفيين هل متوافر وسعره في حدود كام ولو العربية مش محتاجه غير اللى أنت قولت عليه أعتقد سعرها كدة مناسب وربنا يوفقك

**momen_ivf** · 18-03-2011 10:25 PM

علي فكرة انا معايا هوندا اكورد 91 و 2000 سي سي هيا عربية ممتازة جدا وانا شاريها بحالة فوق الممتازة ومفيش فيها اي حاجة وكنت شاريها ب50 الف وثابتها عالي ولكن عيبها الوحيد معايا هو استهلاك البنزين لانها بتعمل 140 كيلو في الصفيحة ولكن دة بيتعوض باني بحط ليها بنزين 80 وماشية ذي الفل لانها كربراتير وعلي العموم ربنا يوفقك وخلي بالك كمان ان قطع الغيار غالية شوية ولو عايز اي حاجة في العربية قولي
momenivf@gmail.com

**No Comment** · 19-03-2011 01:07 AM

المشاركة الأصلية كتبت بواسطة momen_ivf

علي فكرة انا معايا هوندا اكورد 91 و 2000 سي سي هيا عربية ممتازة جدا وانا شاريها بحالة فوق الممتازة ومفيش فيها اي حاجة وكنت شاريها ب50 الف وثابتها عالي ولكن عيبها الوحيد معايا هو استهلاك البنزين لانها بتعمل 140 كيلو في الصفيحة ولكن دة بيتعوض باني بحط ليها بنزين 80 وماشية ذي الفل لانها كربراتير وعلي العموم ربنا يوفقك وخلي بالك كمان ان قطع الغيار غالية شوية ولو عايز اي حاجة في العربية قولي
momenivf@gmail.com

الظاهر دى لعنة الكربراتير موديل 91 هههههههههه ... عندى الأستهلاك يتراوح ما بين 140 و 160 للصفيحة مع انى 1500 cc دابل كاربراتير وبحطلها بنزين 92 والحرق عندى ممتاز بس الظاهر كل الكاربراتير كدة .