بصراحة انا مستغرب من حملة التخويف اللى شغالة للناس اللى هتقول نعم طبعا اكتر حاجة بتخوف الناس ان الرئيس اللى جاى هيبقى طاغية زى اللى قبله عشان الصلاحيات اللى موجودة فى الدستور عشان كده انا تخيلت اسوء الفروض لو قلنا نعم للتعديلات الدستورية يمكن نوصل لقرار

دلوقتى هنفرض انه تمت الموافقة على التعديلات الدستورية يعنى هيتم عمل انتخابات لمجلسى الشعب والشورى وبعد كده انتخابات رئاسية هنفترض ان الرئيس اللى هيجى اسوء من مبارك بس الراجل ده هيبقى مطلوب منه يعدل الدستور بالكامل بس هو هيطنش مع العلم انه عارف انه هيحصل انتخابات تانية بعد اربع سنين يعنى المفروض انه يحافظ على شعبيته على الأقل فى الفترة الأولى ومش بس كده الشعب اللى اسقط طاغية بقاله 30 سنة كابس على نفسنا مش هيعرف يسقط رئيس جديد مبالوش سنة الشعب اللى خلع رئيس بحجم مبارك فى 18 يوم واجبر الجيش على اتخاذ موقف ضد القائد الأعلى وصاحب التاريخ العسكرى بالنسبالهم والوقوف بجانب الشعب مش هنقدر نخلى الجيش يجبر رئيس مدنى على التنحى ومين الرئيس العبقرى اللى هيفكر انه ما يعملش جميع التعديلات اللى ترضى شعبه وهو عارف انه هيقعد اربع سنين وممكن يجددله وممكن لا ومين اللى هيقف مع رئيس زى ده بعد اللى حصل لمبارك اللى كان حاطط جميع مؤسسات البلد فى جيبه وبرضه اتخلع ياريت حد يجوبنى يمكن اكون بفكر غلط ولا حاجة