-
سؤال في تيش بارات بومة
يا جماعة أنا ليه سؤال عندكو بالله عليكما عايز إجابة عليه ضروري
أنا عربيتي بومة ومحتاجة دلوقتي تغير بارات وتيش بارات وكنت سئلت عليهم من فترة في التوكيل لقيتهم بحوالي 900 جنية الاتنين قلت طيب أصبر شوية يمكن التوكيل الجديد يفتح وينزلهم أرخص من كدة ولكن طبعا التوكيل الجديد مافيش أخبار عنه فقلت أرجع أسئل في توكيل الرواس تاني جايز يكون حن علينا وعملنا مفاجأة ورخص قطع الغيار ، طلع ان الأسعار زادت وبعد الزيادة بقت 1190 تقريبا ؟؟؟؟؟؟؟؟؟؟؟؟؟؟ شغل استهبال والله
المهم اني سألت على نوع ياباني موجود في السوق اسمه 555 ثلاث خمسات وده فعلا طلع ياباني وده الموقع بتاعه www.sankei-555.co.jp/index.html والطقم ده عامل 300 جنية بس كنت حابب أعرف في حد هنا من الأخوة جربه و لو حد جربه أخباره ايه معاه ومركبه من امتى ؟
لأن الصراحة الميكانيكي بتاعي عمال يخوفني و يقولي مافيش زي الأصلي و أوعى تركب حاجة غير الأصلي وان النوع ده وحش وطبعا انتم شايفين فرق الأسعار
فأرجو منكم الإفادة ضروري ضروري ضروري مع كل الشكر ليكم طبعا
-
والله العظيم انتا ابن حلال انا لسا مركب تيش امبارح 555 بس أنا جايب واحد ب 75 جنيه أنا مش عارف ايه 300 دي وجايب جلبيتين ب 220 جنيه انا مش حاسس بفرق فيهم عن الأصلي العربية تمام والعفشة ناعمة
-
يا باشا الطقم اللي بتكلم عليه 2 تيش بارات و 2 بارة ودول لقيتهم عند المنير اللي في فيصل ب 300 جنية
انت يا باشا جايب منين الواحد ب 75 جنية؟؟؟؟
-
لأ أنا من المنصورة أنا جايب تيش واحد ب 75 جنيه معتقدش ان لازم يتباعوا جوز
-
ايه يا رجال 43 واحد دخل بص على الموضوع و واحد بس رد عليا ؟؟؟؟؟؟؟؟؟؟؟؟؟؟؟؟؟؟؟؟:_Alshmokh 08[1]:
بجد أنا محتاج رأيكم وخبراتكم
-
ايه يا جدعان ؟؟؟؟؟ هو مافيش حد بيعبرني ليه ؟؟؟؟؟؟؟؟؟؟؟؟؟؟؟؟
هو الموضوع ريحته وحشه ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :36_7_4[1]:
-
اللى ممكن يفيد حضرتك فى الموضوع ده بشمهندس محمد عزت ( ابواياد )
ابعتله على الخاص أو كلمه
Content Relevant URLs by
vBSEO 3.6.0 PL2