الموضوع: لكل وحوش السيراتو 2008 الشكل القديم

المشاركة الأصلية كتبت بواسطة M.ABDEEN

عربية زي الفل متانة صاج وعفشة ووسع صالون وتسارع رهيب وثبات كويس واستهلاك البنزين انت وسواقتك .....واي خدمة
بس ياريت تقولنا مطلوب فيها كام

شكرا لمرورك وردك الكريم
مطلوب 75000جم ايه رأي حضرتك

المشاركة الأصلية كتبت بواسطة spectra_2006

بص يا باشا , انا معايا السيراتو 2006 الشكل القديم يعنى نفس العربية اللى بتتكلم عليها مع العلم انى اعرف ان مفيش منها 2007 يعنى هي 2006 و 2008 , المهم , العربية محترمة بجد فوق ما تتخيل عفشة تحفة , استهلاك بنزين ف السواقة المحترمة بين 180 كم / 20 لتر الى 200 كم / 20 لتر و العربية واسعة اوى من جوا و متينة اوى , انا سواقتى ساعات بتبقى هادية و ساعات بتبقى قليلة الادب , ما علينا عايز اقولك انها مناسبانى اوى و كل ماببقى مش واخد بالى و اخد مطب و لا حفرة و انا على سرعة و اروح ارفعها الراجل يقوللى و لا فيها اى حاجة خالص , انا عارف انى رغيت كتير بس العربية تحفة و انا مش قادر اوصف , اما بالنسبة لموضوع قطع الغيار ف هى زى ما الرجالة قالوا غالية بس مش بطريقة اوفر يعنى , اغلى شوية من اليابانى بس محتملة

يا باشا ألف شكر لمرورك الكريم وكلامك المفصل وضحت لي حاجات كتير مش رغي ولا حاجة ربنا يكرمكم كلكم

المشاركة الأصلية كتبت بواسطة hhhggg

انا معايا 2009 lx عامله 19000 كم تحفه 200 كم/20لتر جوه البلد بالتكييف و 300كم/20لترفى الطوالى بمتوسط سرعه 120 ثبات و قوه و راحه و هدوء انا مبسوط منها جدا خلص فيها ربنا يوفقك

ألف شكر لمرورك ونصيحتك الغالية :b4_388:

المشاركة الأصلية كتبت بواسطة m.abdeen

لو العربية نظيفة تستاهل السعر ومش هتندم بس اكشف عليها كويس جدا وربنا معاك يا جميل

شكرا لاهتمامك وردك

المشاركة الأصلية كتبت بواسطة ruicosta

عربية رائعة بكل المقاييس وبلا مشاكل وانا عن نفسى شايف انها استهلاكها هايل فى البنزين انا كان معايا اكسنت 1300 كانت بتاكل بنزين عنها وثباتها كويس وقطع غيارها بردو كويسه فى منها الكورى والصينى والاصلى

شكرا لمرورك الكريم

انتم فين يا وحوش السيراتو

المشاركة الأصلية كتبت بواسطة ahmed_su

ما احنا جوبناك يا ماااااااااااااااجد ...!!!!!!

لو سمحت انشر ردى علي رسالتك علشان الموضوع يبقى متكامل

تؤمر يا باشا
دي الرسالة اللي بعتها للباشمهندس أحمد ورده عليها ربنا يكرمه

السلام عليكم ورحمة الله وبركاته يا باشمهندس أحمد
..................................
..........................
......................
............................
........................
أنا يا باشا معروض علي عربية كيا سيراتو 2008 الشكل القديم كاملة أوتوماتيك عاملة 28000 كم فعلا لإن صاحبها مش مصري وعلى طول مسافر وبيركبها كل فين وفين أما يجي مصر ومركونة في الجراج طول الوقت
بس أنا قرأت في المنتدى كتير على موضوع استهلاك البنزين وقطع الغيار
وكنت عاوز أستشير حضرتك في كده حاجة
1 - العربية إستهلاكها في البنزين عامل ايه مع حضرتك وهل حسيت بفرق أول مااشتريتها عن دلوقتي وهو تقريبا قد ايه جوه البلد وعلى الطريق السريع
2- قطع غيار العربية عاملة ايه وهل هي نفس النيو سيراتو ولا مختلفة عنها
ولو ممكن تقولي بعض الأسعار يعني مثلا التيل الأمامي والخلفي والإكسدام والفانوي
3 -يا ريت حضرتك تقولي العربية بالحالة الموصوفة تساوي كام من وجهة نظرك
4- لو بقارن بينها وبين رينو لوجان فول أوبشن زيرو تنصحني بإيه
وأسف جدا جدا على الإطالة وجزاكم الله خيرا:018a1d~146:

[/quote]


وده رد الباشمهندس أحمد

الاخ العزيز...

مافيش ازعاج ولا حاجة تحت امرك

وشكرا على الكلام الجميل

1 - العربية إستهلاكها في البنزين عامل ايه مع حضرتك وهل حسيت بفرق أول مااشتريتها عن دلوقتي وهو تقريبا قد ايه جوه البلد وعلى الطريق السريع

استهلاك العربية يعتبر متوسط ليس بالموفر

وليست بعالية الاستهلاك تقريبا داخل البلد من

185 الى 190 كم فى زحام المدينة

و250 كم / صفيحة على الطرق السريعة والسفر مع

تشغيل التكيف مع الوضع فى الاعتبار ان السيارة اتوماتيك وثقيلة الوزن

والحمد لله حتى الان و36 الف كم مافيش تغير

2- قطع غيار العربية عاملة ايه وهل هي نفس النيو سيراتو ولا مختلفة عنها
ولو ممكن تقولي بعض الأسعار يعني مثلا التيل الأمامي والخلفي والإكسدام والفانوي

عادية ما تعتبرش رخيصة وما تعتبرش غالية وهى مختلفة عن النيو سيراتو
التيل الامامى فى التوكيل 400 جنيه وبره التوكيل من 90 الى 250 حسب الماركة

فانوس خلفى 400 امامى 750 جنيه الاكصدام كان 1000 مش عارف مان دلوقتى

3 -يا ريت حضرتك تقولي العربية بالحالة الموصوفة تساوي كام من وجهة نظرك

التسعير يندرج تحت بند السوق معرفش رقم محدد للاسف

يعنى م/غازى شارى موديل 2009 عاملة 14 الف وفتحة سقف ب 90 الف من كام شهر

وعموما العربية حالة طالما حالتها كويسة اعتقد انها فى

رينج 75 الى 80 الف ولكن لازم تعرف رنج العربية فى السوق ربما تكون اقل

4- لو بقارن بينها وبين رينو لوجان فول أوبشن زيرو تنصحني بإيه

لو عاوز وجهة نظرى انا يبقى السيراتو طبعا اى نعم انت ممكن تشترى اللوجان

الزيرو بنفس تمن السيراتو المستعملة لكن هناك فروق كتيرة جدا لصالح السيراتو

واهمها (الاتوماتيك) حد النهاردة يارجل يسيب الاتوماتيك ويركب مانيول فى زحام القاهرة ؟؟؟؟

والسيارة اكثر نعومة وسلاسة القيادة افضل والصالون ارحب واكثر راحة

وكل د يتوقف على سعر السيراتو ربما يكون تمن لقطة وما يتعوضش

والاستخارة تحسم الموضوع ان شاء الله

واى خدمة ولو انى كنت افضل انك تخلى الموضوع على المنتدى علشان

تستفيد من اكثر من رأى واحد... وتفيد غيرك ربما بيدور مثلك

تقبل تحياتى[/quote]