الموضوع: قولنا كده قالو اطلع من البلد انتا مش مع الثورة

تخيل حضرتك حالة الغضب اللي المنتدى فيها ديه

انا شايف زيها بالظبط في المحيط اللي حواليا

خايف ننقسم و نتحول لطوائف كثيرة

و المصيبة انها طوائف فكرية

المشاركة الأصلية كتبت بواسطة hagan

الاخوة الكرام الاعضاء الجمال احبتي في الله زملائنا الاعزاء
فاكرين لما قلنا انهم مجتمعين كلهم علي حاجة واحدة بس
و لكن للاسف مختلفين في الكثير و الكثير من الرؤي و الاهداف
قلنا لا يعقل ان يجلس ابو دقن و جلباب يغني مع ام بنطلون و مكياج
و لا يعقل ان يجتمع الشيخ صفوت مع الاستاذ حين ميسرة
و لا يعقل ان يوافق عبد الله علي رأي و فكر بطرس
و لا هيوافق عبد المسيح علي افكار عبد العظيم
و قلنا ان دائما ما يكون النجاح حليف الاتحاد فحينما اتحد الثوار
و تناسو كل اللي مكتوب في الكام سطر اللي فوق
انتصرو علي الطوفان و انتصرو علي الفساد و انتصرو علي الخوف
و لكن حينما دخلنا اول اختبار للاسف رسبنا بدرجة امتياز
و لكي نري الخيبة اللي احنا فيها نتابع الفيس بوك و المنتدي و الحوارات المنتشرة علي الساحة في خلال يومين فقط
لما احنا لسه بنبحث ازاي هنبقي بلد فيها عدل و حرية و الكلام الكبير اللي بنشوفه في دول تانية و و صل بينا الحال لكده امال لو لا قدر الله النتيجة طلعت مش علي هوي ايا من الجانبين اظن من دلوقتي اتوقع نسبة الطعون هتكون 100 % و كنا زمان بنسمع علي تزوير الحزب الوطني و مساندة الشرطة له
اتوقع اليومين دول نسمع عن تزوير جديد
فجانب ( لا ) هيقول ان الاخوان و الوطني زورو و اثرو علي البسطاء و استعانو بالجهلاء اللي في القري و خدوهم و ادولهم فلوس
و الطرف الاخر بتاع ( نعم ) هيقول دول المسيحيين هما اللي زورو و جه 2 مليون مسيحي يوم السبت من اقباط المهجر صوتو و رجعو ايوه احنا شفنا الطيارات اللي جم بيها انتو هتكدبونا و لا ايه
اصحو يا بلد
اصحو يا شعب
ليبيا سيبنهم يخلصو علي بعض الاول و بعدين يدخلو لما تخرب
اليمن خلاص فاضل ضربة و يتنازعو اسوء تنازع
سوريا علي وشك
البحرين استعانت بصديق و احتمال الثوار بتوعها هما كمان يستعينو بأيران اشمعني هما يعني
السعودية الراجل بيشطب و الانقسام هناك علي اخره
العراق بح
الجزائر بتشاور عقلها
الصومال راح من زمان
السودان اتقسم خلاص
دول حوض النيل اعدو العده من زمااااااااااااااااااااااا اااااااان و التنفيذ بيتم
تمت التعبئة العامة في الجيش بسبب القلق اللي علي حدودنا
ارجوكم بالله عليكم خلينا ايد واحدة
خلينا حتي لو اختلفنا كل شوية نذكر نفسنا اننا هنبطل نتكلم بعد نتيجة الاستفزاز اقصد الاستفتاء
خلينا نتفق و نتنازل لبعض مرة علشان خاطر ربنا بتاع الكل
علشان خاطر و طننا الذي لو حدث به شرخ في توقعي لن يتم علاجة الا علي الامد البعيد جدااااااااااااااااااااااا ااااااااااااااا
اللهم بلغت اللهم فاشهد

م.حاتم السباعي

يا استاذى العزيز اختلاف الناس فى التوجهات و الافكار هو الشيئ الطبيعى و فى الاختلاف رحمة
اما كل الدول اللى حضرتك ذكرتها و رغم من ان الواضح من تفكيرك انها مؤمرات خارجية و لكنى سأسأل حضرتك هل لو كان اساس الحكم فى هذه الدول هو العدل و الانصاف و مناقشة الغير و الاخذ برأيه و الاحتواء و زرع المودة بين ابناء الوطن الواحد و اعلاء شأن الوطن فوق مصلحة الافراد الشخصية و توفير سبل العيش الكريم للمواطنين و صيانة كرامتهم , هل كان التدخل الاجنبى سينجح فيها بالطبع لا
اذن العدو الاول لاى وطن من اللى حضرتك ذكرتهم هو حكامه و ليس الاجانب , انا شخصيا عملت فى ليبيا و لى بعض الاقارب ليبين و لك ان تتخيل بلد غنى بالبترول و مع ذلك كان اقربائى بيهربوا من ليبيا و يشتغلوا فى مصر او الامارات
و على فكرة انا كنت شغال فى شركة مقاولات تابعة للقوات الجوية الليبية و هالنى حجم الفساد و الفلوس التى كانت تسرق و هذا فى الجيش فما بالك بباقى مؤسسات الدولة
واثناء عملى تقابلت مع التوانسة و الجزائريين و نفس الظلم و الاستبداد و التجبر اللى كانوا عندك هو نفسه عندهم
و عملت بالسعودية و هى الدولة التى صنعتها المخابرات الامريكية و الانجليزية و اقسم بالله انى كنت فى الحج و راجع فى تاكسى سأئقه سعودى و تكلم معى عن كيف ان ال سعود قد اغتصبوا الحكم و ازلوا حاكمى المناطق التى اغتصبوها
اما اليمنين و المتواجدين بكثرة فى السعودية فيكفى انك تتكلم مهاهم هلشان تعرف معنى ان الفقر و الجهل و العصبية لما تسيطر على بلد ممكن تعمل ايه
اعطيت حضرتك امثلة توضح ان التدخل الاجنبى مش هيعمل فيك اكثر من اللى انت بتعملوا فى نفسك
و اعطى حضرتك ملحوظة بسيطة الا ترى ان تعامل الحكام مع ثورات شعوبهم هو نفس التعامل من بن على الى مبارك الى القذافى الى على صالح و غيرهم نفس الانكار و الاجحاد لشعوبهم و الادعاء ان ايادى اجنبية خلفها و كلهم اصحاب اجندات خارجية و مفيش حد منهم بيتعلم من الثانى

النقطة الاخيرة بتاعة الاستفتاء عندى رد و قد لا يعجب الكثيرين و لكن هأوصله بالمثال
هل ينفع نجيب طالب داخل المدرسة جديد و فرحان جدا بملابسه الجديدة و المدرسة الجديدة و زمايله الجداد و فى اول اسبوع دراسة يجى المدرس يقولوا امتحان و لو مجبتش فيه النجاح انا هأمدك على رجليك و كل اسبوع من ده
ماذا تتوقع من التلميذ اللى لسه لم يذاكر بعد
قيس على كده ما نحن فيه , ثورة منتهية من شهر و نخش فى استفتاءات و انتخابات بسرعة دون ان ننتهى اولا من تنقية الساحة من أكبر الفاسدين و دون استعادة الامن و دون استعادة الاستقرار و دون عمل توعية بسيطة للشعب و دون وضع قوانين منظمة للفترة الراهنة
ان ما يحدث فى مصر الان هو من صنعنا مش من الخارج لان الخارج لم يطلب منك عمل استفتاءات و تعديلات و لا حاجة بل احنا اللى قررنا نشتت نفسنا فى هذه المرحلة الحرجة و لم يحدث فى اى دولة فى العالم ان قامت ثورة او حتى انقلاب عسكرى و بعديها بشهر بدأت ادخل الناس فى اختيارات مصيرية بهذا الشكل و اكسر حالة التوحد اللى كانوا فيها

الى الاستاذ العزيز A.Saad
بالنسبة لبقاء المجلس العسكرى فهو فى الحالتين باقى و لن يرحل , لو قلت لا باقى , و لو قلت نعم فهو ايضا باقى لمدة سنة و يمكن اكثر لان المجلس العسكرى لن يرحل قبل تسليم السلطة لرئيس منتخب
و بالتالى فوجود مجلس شعب من عدمه مش مؤثر لانه لن يستطيع فرض كلمته على المجلس العسكرى
اما موضوع ان مجلس الشعب يراقب اداء الحكومة فهل حضرتك بتتكلم على مجلس الشعب المصرى طبقا لدستور 71
يا استاذى مجلس الشعب لا يملك انه يعين وزير او يقيل رئيس وزراء فهذه من اختصاصات رئيس الجمهورية حتى القسم بيكون امام رئيس الجمهورية و ليس امام المجلس
يا استاذى طبقا للمادة 115 من دستور 71 لا يجوز لمجلس الشعب أن يعدل مشروع الموازنة إلا بموافقة الحكومة
يا استاذى مجلس الشعب اللى المفروض يحاسب الحكومة لا يمانع ان اعضاء الحكومة يكونوا اعضاء فى البرلمان و هذه هى سابقة فى النظم العالمية
و فى الاخير يا استاذى كل الدول التى مرت بظروفنا كان لابد لها من فترة انتقالية حتى تستقر الاحوال و من ثم يبداءوا فى التحول الى الديموقراطية و فى الفترة الانتقالية لا توجد اى حياة سياسية مستقرة و لا مجالس برلمانية
و تحياتى لحضرتك