الموضوع: سؤال لصديق

امال ايه الصح

امبارح حصل عندى نفس الموضوع و انا ماشى بالعربية وقفت 5 دقائق لشراء شىء و بعدين جيت ادور لم تدور ، اسمع صوت المارش و الراديو شغال و الكهرباء شغالة بس الموتور لا يبدا بالعمل

فرحت مغير الفيوز اللى فى علبة الفيوزات اللى تحت الدركسيون و اعتقد اسمه Ecm و هو رابع فيوز من تحت فى الصف اللى فى اليمين ( 15 امبير ) ، فاشتغلت العربية زى الفل


انا الموضوع ده حصل معايا قبل كدة مرتين ، اول مرة سبت السيارة فوق الدائرى و نزلت اجيب فنى من مركز الخدمة و جيه معاه طرمبة بنزين و غيرها لم تعمل ايضا ، فراح مغير الفيوز و اشتغلت ، و قالى انا اسف انا عملت حساب المشكلة الاصعب و لم ابدأ بالاسهل و كانت هى الاصح

ففهمت الفولة ، و علمت بشكل عامل ان الفيوز لما بيتحرق بيفصل الكهرباء عن طرمبة البنزين تقوم متوصلش بنزين للموتور تقوم العربية لا تدور ، او تفصل و انت ماشى .

اما امبارح فلم اتذكر موضوع الفيوز ده و لسه حافتح الكابوت راحت المدام قالتى انت حتعمل ايه ، اكشف على الفيوز الاول ، و طلع كلامها سليم ، راحت قالتلى ....... و لا بلاش فضايح احسن

الصراحة انا سعيد ان المدام بدأت تتابع الاعطال اللى بتحدث و تحلل المشكلة و تصل للحل زى ما كلنا بنعمل ، طبعا فى احيان كثيرة ليس هناك اى حل تقدر تعمله غير انك تروح للمتخصص و بس كدة

الحد لله انك توصلت للمشكله وحلتها بس المشكله الى عند صحبى تقريباً هو معرفش يوصل للفيوز البايظ وعلشان كده الكهربائى عمله زى كوبرى علشان تدور وده اكيد غلط