متشكر لحضرتك ياستاذ خالد وتسلم ايدك يارب ...
انا شايف انها مش غاليه قوي يعني ... فلتر الهوا في الانسر كان ب 60 و 70 مش فارقه كتير عن 100
عرض للطباعة
متشكر لحضرتك ياستاذ خالد وتسلم ايدك يارب ...
انا شايف انها مش غاليه قوي يعني ... فلتر الهوا في الانسر كان ب 60 و 70 مش فارقه كتير عن 100
بص يا باشا هي قطع الغيار غالييييية بس معمرة حاجة الماني
وبالنسبة للعفشة ف السيراتو ناس كتير بتشتكي منها
تمام قوي ...... ربنا يخليكو يارجاله بجد والله افدتوني تسلم ايدكو وميحرمناش من جمايلكو ابدا ... واي معلومه زياده برضه يبقى كتر خيركو
طب وبالنسبه لكمالياتها ياجماعه ... مين هيتفوق هي ولا السيراتو ؟
لو هى كامله هتتفوق
فى الزينون و شاشه الكاسيت هتشتغل مع البارك سينسور
وطقم الصوت افضل بكتير (سواء كامله او مش كامله)
وانظمه الثبات و الامان (بالمناسبه هى اثبت من السيراتو بفرق ملحوظ جدا)
بص ياباشا , أنا عندى سيراتو موديل 2010 ولانسر بوما 2006 وحديثا من يومين جبت سكودا فانتازيا وإليك الفارق
أولا السيراتو : عربيه شبابيه ، رياضيه ، بس بالنسبه للثبات (ناس كتير إختلفت معايا فى كده) فاشله بالمقارنه باللانسر والسكودا ، العربيه تنفع لشاب فى الجامعه أو شاب لسه متجوز جديد ، أو مندوب مبيعات أو واحد شغله محتاج عربيه للتنطيط هنا وهناك.
أما بالنسبه للأمان فى ورق ورق ورق بالمقارنه باللانسر والسكودا ، وأما بالنسبه للإرتفاع فهى مرتفعه عن الأرض وما بتحكش ، بس بالنسبه للعفشه فهى فاشله (خصوصا مع جنط 17) دبدبه ما أقولكش ، التسارع مش بطال ، بس اللانسر تكسب بمراحل .
ثانيا اللانسر ": عربيه فى رأي أحسن عربيه عملتها متسوبيشى وخصوصا البوما ، إنت طبعا جربتها وعارف مزاياها وعيوبها ، وإن كانت هى أحسن عربيه للتنطيط .
ثالثا سكودا فانتازيا : أنا جبت الهاى لاين ، بصراحه عربيه فخمه جدا ، أكنك راكب مرسيدس c class H أو bmw 3ser. ، العربيه فيها إمكانيات وتكنولوجيا جميله جدا ، من أول البلوتوث إلى الكاسيت التاتش ، إلى النفجيشن ، إلى التكيف التتش ، فرش جلد ، بركينك سينسور ، زينون ، طاره مالتى فنكشن ، مثبت سرعه ، وغيره كتير.
أما بالنسبه للتسارع فالعربيه ثقيله فى البدايه أو start (وزنها حوالى طن و200) ، أما بعد الغيار الثانى فالعربيه تصبح رائعه ، وبالنسبه للثبات فالعربيه مكلبشه فى الأرض بطريقه مستفزه ، بصراحه العربيه عيبها موتورها الضعيف فى الإنطلاق فقط ، أما بعد كده العربيه رائعه.
العفشه مش بطاله ، بس بدبدب زى السيراتو وممكن تكون أخف (عشان الوزن أثقل)، خصوصا مع الحنط 17.
أخيرا ونصيحا من مجرب ، خليك فى الخليجى ، بصراحه أوبشن أعلى ، وإمكانيات أفضل ، وفلوس أقل ، وبعدين بالنسبه للضمان فى شركات كتير دلوقتى بتضمن العربيات الخليجى مقابل مبالغ مش كبيره (1800 إلى 2500 جنيه) وإبعد عن الجيتا ، عربيه رائعه بس مش لشوارع مصر ، (هوندا سيك ألمانى ، واطيه قوى قوى قوى).
على العموم مبروك مقدما وربنا يوفقك للأحسن (صلى إستخاره) ويديك خيرها ويكفيك شرها ، وأنا فى خدمتك فى أى معلومات تعوزها ، أو تحتاجها