د/ البرادعى مش هيصوت على الاستفتاء

**kono** · 17-03-2011 04:58 PM

غادر الدكتور محمد البرادعى المدير السابق للوكالة الدولية للطاقة الذرية مصر أمس الأربعاء، متجهاً إلى الهند، على أن يعود مساء يوم السبت المقبل.

يذكر أن البرادعى أعلن رفضه للتعديلات الدستورية المقرر إجراء استفاء عليها يوم 19 مارس الجارى، محذراً من برلمان لا يمثل الشعب المصرى فى حال الموافقة على التعديلات الدستورية المعدلة، والمقرر إجراء استفتاء عليها يوم السبت المقبل 19 مارس، موضحاً أن التصويت بـ"نعم" لن يأتى بشباب الثورة إنما سيعيد الحزب الوطنى مرة أخرى.

اليوم السابع | "البرادعى" يغادر القاهرة متوجهاً للهند ويعود بعد الاستفتاء

**zago** · 17-03-2011 05:13 PM

انا كنت عارف ان البرادعي مش حيصوت ....حيلطم

**kimo-nubira** · 17-03-2011 05:17 PM

الراجل ده ديمآ بيجي وقت الشده منلقيهوش زي وقت الثوره كده وسبحان الله فيه ناس عايزينه رئيس لمصر !!!!!!!!!!!

**mr_vampire** · 17-03-2011 05:22 PM

وهيروح الهند بقي يعمل ايه فالتوقيت ده بالذات. معروض عليه فيل موديل السنة ولا استعمال طبيب وخايف يطير منه ؟؟؟؟؟؟

يولعها ويختفي . يولعها ويروح الهند.

**zago** · 17-03-2011 05:26 PM

المشاركة الأصلية كتبت بواسطة mr_vampire

وهيروح الهند بقي يعمل ايه فالتوقيت ده بالذات. معروض عليه فيل موديل السنة ولا استعمال طبيب وخايف يطير منه ؟؟؟؟؟؟

يولعها ويختفي . يولعها ويروح الهند.

فيل نووي هههههههههههههههههه

**Qmax** · 17-03-2011 05:27 PM

انا قرأت المقال من الجريده ولم أجد مايُشير إلى عدم تصويت الدكتور محمد البرادعي يوم السبت
انت جيبت عنوان الموضوع بتاعك ده منين ؟
هل معنى انه هايرجع مساء السبت يبقى كده مش هايصوت ؟ هو بعد الظهر مش يبقى مساء السبت وبعد العصر يبقى مساء السبت ؟
هل هايتقفل باب التصويت الساعه 3 ولا 4 ؟

**malibu** · 17-03-2011 05:31 PM

مش هنسلم السلطه لواحد طالبها
ده هيموت و يقعد على الكرسى

**هيثم المنياوى** · 17-03-2011 05:50 PM

المشاركة الأصلية كتبت بواسطة mr_vampire

وهيروح الهند بقي يعمل ايه فالتوقيت ده بالذات. معروض عليه فيل موديل السنة ولا استعمال طبيب وخايف يطير منه ؟؟؟؟؟؟

يولعها ويختفي . يولعها ويروح الهند.

السلام عليكم
لا لا الموضوع مش موضوع فيل خالص وكمان مش رايح علشان يشوف أميتاب تشان
الموضوع لوفكرنا فيه بالمنطق هنلاقى إن أى شخصيه عامه مينفعش يسيب البلد فى توقيت زى ده وبالأخص لما يكون ناوى يرشح نفسه
يبقى المنطق بيقول إن أكيد فى حاجه تستدعى سفره للهند وكمان الحاجه ده لاتحتمل التأخير
ده لوكان الخبر صحيح أساساً.....ياريت نحكم المنطق ياجماعه
تحياتى للجميع