العربية بتكهرب

**cyber007** · 22-03-2011 01:53 AM

انا لما اشتكيت فى التوكيل .. اولا اذبهلوا وكل واحد رسم ضحكه حلوه كده وكانى بقول كلام خيال علمي وبعد شويه اصرار .. قالولى فى عربية واحده قبل كده اشتكت من الموضوع دا ( ياعنى مش اول واحد فى العالم ولا حاجه ) وتم الحل بان افصل كابل الكهربا عن البطاريه وافضل فاتح الكبوت طول الليل وكل حاجه تبقى زي الفل .. بيتهيالى الحل هوا اللى خيال علمي .. ولا ايه رايكو

بالنسبه لحل انى امسك حاجه معدن طبعا هوا حل للمشكله فعلا .. بس انا بعترض على ان فى كهربا اساسا

**HOSSAM99** · 22-03-2011 03:50 AM

السلام عليكم ورحمة الله
الموضوع لا هو كهرباء استاتيكيه أو شحنات مخزنه بدليل إن كل الناس بتتكهرب فهل كل اللي بيركبوا مع حضرتك عندهم نفس القدره علي تحزين الشحنات وتفريغها في ذات الوقت ولذات السبب
هو ببساطه عند حضرتك سلك ملمس في جسم العربيه بيكهربك ولذلك عليك بفحص جميع الدوائر و توصيلات الكهرباء و أبدأ بآخر جزء كهرباء تم تحريكه أو عمل صيانه له
ممكن كهربائي سيارات يحل لحضرتك المشكله
علي فكره أنا في سيارتي القديمه كان شعري بيقف من الكهربا ء وتم حل المشكله عند الكهربائي
وكلامي ده بخصوص أن الكهرباء كما ذكرت مستمره في جميع الأوقات ومع جميع الأشخاص

**mailo** · 22-03-2011 11:55 AM

ان شايف إن دي حاجة كويسة
حماية للعربية يعني
:)

**cyber007** · 23-03-2011 01:14 AM

ماهوا الحرامي اكيد مش هيتكهرب

---- المشكله ان المشكله حصلت ومكنتش غيرت حاجه فى العربية ياعنى مكنش فيه مشكله

**mely** · 23-03-2011 02:27 AM

المشاركة الأصلية كتبت بواسطة monol

مش ممكن تكون كابلات البوجيهات بتهرب؟

100%

**walidgmg** · 28-03-2011 03:22 AM

انا بردو كده بتكهرب بس مش على طول بس على فكره وانا نازل بس مش وانا بركب العربيه بعنى اكيد دى كهرباء استاتيكيه زى ما قال mustafavet

**zakar0tta** · 28-03-2011 01:27 PM

المشاركة الأصلية كتبت بواسطة HOSSAM99

السلام عليكم ورحمة الله
الموضوع لا هو كهرباء استاتيكيه أو شحنات مخزنه بدليل إن كل الناس بتتكهرب فهل كل اللي بيركبوا مع حضرتك عندهم نفس القدره علي تحزين الشحنات وتفريغها في ذات الوقت ولذات السبب
هو ببساطه عند حضرتك سلك ملمس في جسم العربيه بيكهربك ولذلك عليك بفحص جميع الدوائر و توصيلات الكهرباء و أبدأ بآخر جزء كهرباء تم تحريكه أو عمل صيانه له
ممكن كهربائي سيارات يحل لحضرتك المشكله
علي فكره أنا في سيارتي القديمه كان شعري بيقف من الكهربا ء وتم حل المشكله عند الكهربائي
وكلامي ده بخصوص أن الكهرباء كما ذكرت مستمره في جميع الأوقات ومع جميع الأشخاص

أنا عندي نفس المشكلة بنفس التفاصيل ومع الكلام الحميل دة
المشكلة كلها كهرباء عربية عاوزة تتظبط ولما أحلها ان شاء الله هؤلوكوا علطول.

**mero100** · 31-03-2011 03:50 AM

انا كمان يا جماعه عربيتي لانوس 2011 ....كل ماا انزل منها و ألمس الباب ...اتكهرب....و االلي راكب جانبي نفس القصه.....انا قرأت من زمان عن موضوع الكهرباء الاستاتيكيه و دة كان في ملحق الاهرام للسيارات.....و بدأت اقتنع لسبب ...و هو ان الكهرباء دي مش مستمره....بتكهرب علي فترات....و عموما انا احتياطيا وانا بعمل الصيانه حبلغ التوكيل ...و انصحكم بده طبعا...زياده في الامان و الاطمئنان.....تحياتي للجميع