مشكله فى الترخيص

**Shady_mas2000** · 17-03-2011 05:02 PM

السلام عليكم يارجاله انا روحت مرور العجمى امبارح عشان ارخص المكنه وبعد ماشتريت كل الورق وخلصت نص الاجراءات الموظفه هناك قالتلى الافراج بتاعك اتحرق عندنا ولازم تروح بور سعيد بصورة الافراج اللى معاك عشان يتختملك هناك طبق الاصل وترجع تكمل اجراءاتك عادى طبعا انا مسكتش روحت كلمت الظابط والراجل كتر خيره قاللى هعملك تصريح 3 شهور لحد ماتختم الافراج فى بورسعيد السؤال بقه المفروض هما اساسا اللى يجيبوا الافراجات من هناك لو عندهم قايمه باخر افراجات وصلتلهم بس برضو اكيد القايمه اتحرقت هيا كمان طيب انا ممكن اروح بنفسى وللا الراجل اللى اسمه ف الافراج واللى انا اشتريتها منه هوا اللى لازم يروح بصورة الافراج ويختمها؟؟

**karembob** · 17-03-2011 05:59 PM

اهلا بيك بص يا سيدي انتا لو رحت وقلولك بردو ضاع او اتحرق هتروح الشركة المصنعة لي المتووسكل بتاعك وتقلهم علي الموضع دا وتوريهم الصورة بتاعة الافراج الي معاك او عقد البيع او التوكيل هما هيدولك ورق يسبت لك ملكية الموتوسكل علي ما اعتقد شوف وبقي ادينا علم بالي حصل معاك ودبنا معاك

**malibu** · 17-03-2011 06:28 PM

المشاركة الأصلية كتبت بواسطة karembob

هتروح الشركة المصنعة لي المتووسكل بتاعك وتقلهم علي الموضع دا

يعنى اصدك يروح شركه هوندا فى اليابان

لأ يا عم بلاش دى فيها زلازل و براكين دلوقتى خليها يوم تانى

خلينا فى الجد
هتروح الجمرك ومعاك صوره الافراج و عقد البيع او التوكيل و هيختملك الصوره طبق الاصل

**tiger45** · 17-03-2011 07:37 PM

ربنا يعينك يا باشا

**yascro** · 17-03-2011 07:43 PM

عامل ايه يا شادى عشان تقصر المسافه ممكن تروح انت والراجل اللى باسمه التوكيل وتخلص القصه كلها
او كلم هانى اللى انت جبت منه البايك

**karembob** · 17-03-2011 09:38 PM

المشاركة الأصلية كتبت بواسطة malibu

يعنى اصدك يروح شركه هوندا فى اليابان

لأ يا عم بلاش دى فيها زلازل و براكين دلوقتى خليها يوم تانى

خلينا فى الجد
هتروح الجمرك ومعاك صوره الافراج و عقد البيع او التوكيل و هيختملك الصوره طبق الاصل

يا تاصح اكيد اكيد الشركة اليابانية هوندا ليها توكيل هنا
توكيل في مصر مش في اليابان وكل متوسكل بيطلع مش الشركة حتي لو اتباع في امريكا رقم الموتوسكل وبياناتة بتتسجل داخال الشركة تححياتي ليك

**karembob** · 17-03-2011 09:44 PM

انا حصل معايا الموضوع دا انا اشتريت الموتوسكل بتاعي والراجل الي كان بيعلي الموتوسكل كان علي فلوس للتوكيل الراجل اتجنن راح ولع في الورق والمعرض بتاعو انا قلت اروح المرور قلولي تروح الدراسة رحت الدراسة قلولي لسة مجاش اعت حوالي 5 شهور ماشي كدة لحد لما رحت للراجل الي كان بيعلي المتوسكل وقلتلو انا هعمل محضر في القسم واقلو ان انتا بعتلي متوسكل مسروق وملوش ورق بعد يومين قلي الراجل ولع في الورق بتاعت المتوسكلات الي عندو كله قلي روح التوكل وقلهم معايا العقد وقلتلهم علي الموشكلة وعما كانو عرفين ادوني ورق المتوسكل باسمي تحياتي للجميع

**Shady_mas2000** · 18-03-2011 01:00 AM

متشكرين يارجاله على التفاعل نسيت أقول إن الراجل
كان عامل العقد بإسمى بس العقد دلوقتى
وديته المرور ومعايا صوره منه بس

**Shady_mas2000** · 18-03-2011 01:03 AM

المشاركة الأصلية كتبت بواسطة yascro

عامل ايه يا شادى عشان تقصر المسافه ممكن تروح انت والراجل اللى باسمه التوكيل وتخلص القصه كلها
او كلم هانى اللى انت جبت منه البايك

الحمد لله ياديبو مش ناقصنى غيرك واحشنى جدا والله
أنا زى ماقولت معايا صورة الافراج وكمان معايا صورة
العقد المسجل بإسمى فى الشهر العقارى والعقد دلوقتى
ضمن الملف فى المرور ينفع اروح لوحدى طالما معايا
صورة العقد وصورة الافراج؟