الموضوع: ايه الشوارع اللي مكسره و عايزه رصف؟؟؟؟

طب والنبى معلش علشان الحته ديه مديقانى حد فيكو راح بيجام عند مصنع كريستال عصفور ...........
انا مش هكمل علشان كل ما افتكر المكان ده اتنكد

طريق الفيوم من ناحية ميدان الرماية عند مساكن الظباط وقبل ميدان الرماية
والوصلة من ميدان الرماية الى اول فيصل

الطريق الدائري اللي جنبي هنا في المريوطية اللي يوديك علي ميدان لبنان كورنيش المعادي تروح منه علي مصر الجديدة برضه كارفور المعادي مودرن اكاديمي البحر الاعظم...بيودي المناطق دي كلها الطريق ده انا بحب اجري فيه عشان واسع يعني مش اقل من 130كم\ساعة عليه و بجيب 140 ساعات بس 130 140 و الطريق هباب كل شوية نقرة فواصل مش موجودة اصلا الاقي العربية هبدت و طبعا كل ده بيأثر علي العفشة وجلب المقصات بالذات و فيه حتت عالية و حتت واطية نفسي يتحسن و تحطوا الفواصل فيه و يعاد رصفه بطريقة صحيحة ولا منزل المرويوطية لو واحد واخد المنزل علي اليمين قريب من السور يعرف ان ا\عربيته هتجيب مقصات و يمكن تكسر كمان لو عربية صغيرة و عفشتها ضعيفة في حته كده عامله شبه القوس عنيفة جدااااااااااااااااااااااا ااااااااااااااا خلي بالكم لو حد عدي من هناك لحسن يقع فيها و عربيته تتدغدغ

ياجماعة الشوارع كلها عايزة يتعاد رصفها وتسويتها انا كنت شغالة في مشروع اجنبي كان عشان يقيس جودة الشوارع المصرية و حالتها وتصنيفها مش عايزة اقولكم قالوا ايه لما مشيوا في شارع رئيسي "الشارع ده حالته سيئة وتصنيفه شارع رئيسي"امال لو راحوا الحواري والشوارع الفرعية هيقولوا ايه هيصنفوها طرق ترابية زي الزفت وبعدين المشكلة ان الشارع بعد مايترصف تلاقي اللي بيرمي زبالة واللي بيجي يحفر تاني عشان مياه او غاز يعني العملية مهلبية مفيش تنظيم اطلاقا بين الهيئات واحد يرصف والتاني يكسر بعديها وحليني لما يترصف تاني.
وبعدين ليه مثلا ما يتفق السكان في منطقة ما انهم يعملوا تكلفة لرصف الشوارع ويجمعوا من كل ساكن ولو جنيه عشان يرصفوا الشارع بتاعهم او المنطقة المقيمين فيها وبكده هما ما استوش حد. ياريت بقي الناس يبقي عندها ضمير وزي ما بيحفظوا علي بيوتهم من جوه يحافظو علي نظافة شوارعهم من بره بجد عيب علينا او امال اللي في مناطق شعبية و ازقه يعملوا ايه؟؟؟؟؟؟؟؟؟؟؟؟؟؟؟؟؟؟؟؟؟

المشكله مش فى الرصف بس المشكله فى عمل فواصل الكبارى يعنى مثلا كوبرى القبه وكل الكبارى بتاعت الدائرى الطريق مرصوف كويس وتمشى بالعربيه على سرعه عاليه 130-150 وبعدين هب مره وحده تلاقى العربيه طارت فى الهوه واترزعت مره وحده بسبب فاصل كوبرى بارز شويه هوا الطريق واسع وجميل بس عايز حبت مراجعه

شارع البوهى امــبــابــه
شارع المطار برضه امــبــابـه
شارع القوميه العربيه برضه امــبـابـه
والشارع ده بالذات اكتر شارع المفروض تسفلت لانه فيه مطلع ومنزل للدائرى وفيه مقطورات كمان وشارع بيؤدى لطرق سفر يعنى المفروض يكون احسن من كده

وطبعا الناس اللى من امبابه عارفه ازاى الشوارع دى مكسره