المشاركة الأصلية كتبت بواسطة ringoo
صيانة ال 5000 مجانية ... لكن صيانة ال 10000 مدفوعة وبتكون فى حدود 450 جنيه بالكتير شامل سعر الزيوت والفلتر والمصنعية
غسيل الماتور بالفوم دة شيئ اختيارى ممكن تقول لمهندس الاستقبال انك مش عايز تغسل الماتور بالفوم ودى حاجة ترجعلك .. عادى يعنى
وبردو ظبط الزوايا دة شيئ اختيارى بيطلبه العميل من التوكيل ومعروف انه ب 70 جنيه وعلبة الفوم ب 35 جنيه
..............................
بالنسبة لمركز الصيانة الافضل فهو فرع العامرية .. فرع رئيسي ومحترمين والعمالة فيه مدربة بشكل جيد جدا وبتستلم العربية نضيفة
............................
طريقه .. انك بتدخلى من شارع قناة السويس (اللى هو الطريق اللى بيودى على كارفور) لحد ما كارفور يكون على يمينك وتمسكى بعد كدة الطريق طوالى (الطريق الصحراوى) حتعدى على كوبرى صغير (امسكى اليمين علشان فيه حتة فيها الارض مضعضعة على الشمال) وبعد كدة حتعدى على كوبرى تانى صغير برده (كوبرى مرغم ) بعد كوبرى مرغم حتلاقى على يمينك بنزينة موبيل بعدها بحوالى 4 او 5 كيلو حتلاقى علامة رينو منورة وكبيرة وظاهرة على الطريق على اليمين وكل دة ياخد حوالى 20 دقيقة من كارفور وتوصلى بالسلامة ان شاء الله