اليكم اقوال عينة من المجموعة التى ترفض التعديلا الدستورية
الاول : لا للترقيع عايزين كل حاجة جديدة ...
ردى :طيب ما هى البنود التى تعترض عليها ؟؟؟
هو : معرفش بس احنا شلنا مبارك يبقى نعمل دستور جديد بالمرة ...
ردى : يعنى الاخ مش عارف اى حاجة فى الدستور و بيرفض لانه مبيحبش يشترى المستعمل و بيطبق نظريته على التعديلات الدستورية .
الثانى : لا طبعا مش هنوافق على التعديل لان الاحزاب اللى عاملينها لسة جديدة و لو دخلنا اى استفتاء الان هنلاقى الاخوان اكتسحونا
لازم ناخد شوية وقت لحد الناس ما تعرفنا ...
ردى : طيب يا سيدى هما الاخوان هيكتسحوا الاحزاب الجديدة بالعافية و لا بالاستفتاء الديمقراطى السليم؟؟
هو: مممم !!! بالاستفتاء طبعا بس احنا لازم ناخد فرصة
ردى : يعنى نرفض التعديلات و نعطل كمان تشريع الدستور الجديد مستقبلا لحد ما حضرتكم تستعدوا !!!
يبقى الهدف الاساسى عندكم ليس الاعتراض على التعديلات بل لاعطاء احزابكم فرصة غير محددة الوقت للاستعداد
يعنى نعطل مصلحة البلد كلها علشان حزب جديد خايف على مستقبله من اكتساح الاخوان له و مهما عمل اصلا هيكتسحوه برضه
نفس نظرية مبارك فى التعامل مع الاخوان رغم ان الحزب الديمقراطى كان مسيطر
و لكنه كان يخاف من اكتساح الاخوان له... منطق ضد الديمقراطية تماما
الثالث : انا هقول لا علشان الاخوان بيقولوا نعم
ردى : انت خايف من الاخوان ؟؟؟
هو : طبعا علشان ممكن يحولوا الدولة الى اسلامية زى ايران
ردى : ياريت يا اخى نكون ربع ايران انت عارف ايران عدد سكانها اد مصر و عندها اكتفاء ذاتى من القمح و بتصدر كمان و رئيس ايران عربيته بيجو موديل 504 سنة 1977 و لا يملك غير منزله القديم و كل وزير بيعلن دخله للشعب شهريا و ايران اصبحت اكبر قوة اقتصادية صناعية و عسكرية فى المنطقة فى ظل حصار اقتصادى فما بالك لو مش محاصرة
اى ان ايران بالنسبة له هى الاخوان و ايران اساسا ما هى الا فزاعة وهمية استخدمها مبارك و السعودية لتخوفينا منها و اتضح انها مثال جيد و ليس سىء كما يعتقد البعض .
هو : طيب ممكن يطبقوا الشريعة و تبقى مصيبة
ردى : من الاحسن انى انهى الحوار معاك و اضح ان الاخ بيرفض مش عشان التعدلات وحشة بل خوفا من الاخوان و ايران و كأنه ضامن مستقبلا تبخر الاخوان.
الرابع : عندنا فى الكنيسة حذرونا من الموافقة عشان الاخوان ممكن يبهدلونا و عشان احنا ضد بقاء المادة الثانية
ردى : اذاً انت مش معترض على البنود المعدلة
هو : لا البنود المعدلة كويسة بس طلاما الكنيسة حذرتنا يبقى لازم نسمع كلامهم هم ادرى منا .
الخامس : هرفض عشان نسبة ال 50% بتاعة مجلس الشعب مش عجبانى
ردى : انا كمان مش عجبانى بس هل هى سبب وجيه لكى نعيش فى فراغ دستورى لحين عمل دستور جديد لا نعرف له جدول زمنى و لا متى سينتهى!!!
مع توقعات مؤكدة على عدم الاتفاق على كل بنوده بسهولة و خاصة ادراج بند الشريعة الذى يصر الاقباط على رفضه و افشاله مستقبلا!!!
و فى النهاية ... هل لديكم اقوال اخرى ؟؟؟
http://www4.0zz0.com/2011/03/14/00/738928234.jpg