تحديث شكل الماتريكس

**tutankhamoun** · 10-04-2008 08:20 PM

المشاركة الأصلية كتبت بواسطة liquidator

يمكن رخص بقي لأني بعت الجين 2 من زمان .. و يمكن كمان التوكيل اتعدل لأني سايبه من زمان ... أكيد انت أدري لان معاك جين 2 حاليا .... تحياتي لك

تحياتي الحارة لك يا حبيب قلبي :)

**Ahmed Anwer** · 10-04-2008 08:32 PM

خلاص حقك عليا أنا يا أ / توت ،،،،،

بس هيا كل المشكلة انك بسهولة ممكن تجيب معلومات و ارقام و انجازات لهيونداي ،،

و مش بنفس السهولة ممكن تجيب نفس المعلومات لبروتون لإنها شركة مغمورة ،،

فده بيدي إيحاء إن دي شركة كبيرة و عريقة و دي شركة مبتدئة بتجرب في السوق المصري

عموما انتا عارف إن مش مبادئي ،،

إن الماركة الفلانية افضل من الماركة العلانية و خلاص و كده يعني ،،،

بس في حقائق لا يمكن انكارها بخصوص البراند ،،

و بخصوص الجودة ،،

مقدرش افتي الصراحة ،،

لأن برده بروتون تقييماتها اسوأ من الزفت بشوية في المواقع المتخصصة ،،

و ده في وجهة نظري مش دليل كافي ،،

و يمكن اتناقشنا في الحكاية دي كتير في منتدي بروتون ،،

و مفيش مجال للحكم بالتجربة لأنها أساسا انتشارها ضعيف ،،

بخصوص التوكيل ،،

فدي حسب وجهة نظر كل واحد ، و تجربته ،،

في واحد يهمه مراكز صيانة كتير ،، و قطع غيار متوفرة عالطول و باسعار معقولة و لو علي حساب

المعاملة الغير متميزة

طبعا العربيتين غير قابلين للمقارنة في وجهة نظري

دي MPV

و دي SuperMini

**tutankhamoun** · 10-04-2008 08:53 PM

أستاذ أحمد أنور ......... أهلا بيك للرد على مداخلتي
و شكر لذوق حضرتك ........

أنا لم أقصد إن ماركة بروتون أحسن من ماركة هيونداي لأنني لا أعترف بهذا الكلام إطلاقا
أنا أنظر إلى السيارة نفسها ......... و بعدين انتشار قطع الغيار طبعا مهم + مراكز الصيانة و سهولة الصيانة

بس أنا وضحت نقطة كانت غائبة عن اخونا " liqiudator "
و أنا في بداية الكلام قلت إن هيونداي ماتركس و هيونداي إلنترا هما أحسن عربيتين في رأيي الشخصي ( كلام قابل للنقاش طبعا ) أحسن سيارتين موجودين في مصر من إنتاج هيونداي

و أنا قارنت ما تمتلكه الجين 2 ....... و ما تمتلكه الماتركس

و على فكر أنا مش متحيز للجين 2 علشان هي معايا ......... بس بجد العربية لو أتعملها شوية دعاية صح ......... هاتقطع الدنيا في مصر
و خصوصا إن أنا شايفها أحسن من عربيات موجودة في السوق بتفوقها في السعر بعشرين ألف جنيه
يعني عربية حلوة و بالثمن ده ........... :) :) :)
و الناس لو سابت بروتون في حالها ....... صدقني هاتاكل الكوري من حيث أنها معمرة أكثر .......... و المستقبل سيثبت كلامي
و ربنا يوفق ماليزيا و يارب نحذو حذوها و كل العالم الإسلامي يفكر بعقلانية ماليزية .
و تحياتي الحارة العطرة لك و لكل مٌلاك هيونداي :) :)

**Ahmed Anwer** · 10-04-2008 09:09 PM

لآ يا باشاااا ،،

و لا يهمك ،،

بس في نقط لازم تاخدها في الإعتبار ،،

الماتريكس سقف عالي ،، Mpv

يعني لو واحد كبير في السن أو عنده صعوبة معينة

هتبقي مناسبة للاستخدام و الطلوع و الخروج و كده ،،

اوسع مفهاش شك ،،

شنطة تشيل كتير ،،

باختصار للسفر و عائلية افضل

في المقابل

الجين 2 ،، شبابية ، روشة ، ثبات ، اوبشنز دلع ،،

متميزة ،، مش مرطرة زي الماتريكس ،،

يعني باختصار لو عايز حاجة عائلية بحتة تبقي ماتريكس

لو عايز شبابية أو عائلة صغيرة تبقي جين 2

**tota323** · 10-04-2008 09:44 PM

شكرا جدا للاخوة تاج و توت و ليكيودتور و الاخ احمد انور _ فعلا الردود مفيدة بس احب اوضح حاجة دعونا نتفق ان العربية هي برضه سلعة او صفقة رابحة او خاسرة - قرار صائب او خاطئ طبعا نسبيا

انا مدرك جيدا ان العربيتين مختلفين تماما من حيث الشكل و نوع الاستخدام المختلف و لكن في النهاية هو قرار شراء سيارة 1600cc تشابه في قوة الاداء (110-102) hp
العربيتين نفس السعر مانوال و نفس السعر اتوماتيك
ميتركس 1.6 F/O A/T 2008 89000Gen 2 1.6 F/O A/T 2008 89900
ميتركس 1.6 F/O M/T 2008 83000Gen 2 1.6 F/O M/T 2008 83900
بل و الاثنين لهم كثير من المعجبين و الغضب من التوكيل و الاشادة بقوة الاداء و القيمة الجيدة بالنسبة للسعر و لكن طبعا في الشكل و الكاتجوري مختلفين و دي اذواق و لكن عندما تفكر في عربية 1600 و بسعر من 83 الى 90 الف فلا تستطيع تجاهل التفكير فيهما كخيار جيد من حيث القيمة العرية بالنسبة للجودة لذا سالت عنهم مع اعترافي بالاختلاف و شكرا

**tota323** · 10-04-2008 09:58 PM

بل و المدهش ان في كلام عن استهلاكهم العالي للبنزين و صوت الموتور المرتفع نسبيا
على فكرة في شباب كتير بل و بنات بيختاروا الماتريكس مش شرط عائلات و برضه العربية لها استايل مع فتحة السقف و السبويلر والاكصطدامات مش شرط تكون عائلية و اكيد الشكل الجديد برضه حيكون عصري اكتر فهيا متعددة الاستخدامات

**tota323** · 10-04-2008 10:13 PM

بالاضافة للشكوى من التقفيل التركي في الماتريكس و البلاستيك الداخلي في الجين مع كامل الاعتراف بان الجيت 2 مناسبة للشباب و رياضية اكتر و الماتريكس مناسبة اكتر للعائلات

**tota323** · 10-04-2008 10:35 PM

و اعتقد ان الجين2 تتفوق في الشكل الشبابي و الاداء الرياضي و الامكانيات كمثيت السرعة و حساسات الركن و السوند سيستم الرائع بلوبنكت سماعات الباين و تتفوق الماتريكس في سعر اعادة البيع و الاحتفاظ بالقيمة و الانتشار و عملية اكتر و اسم الماركة الموديل و بلد المنشاة للماركة و عمره الاطول في السوق المحلي و الدولي و توافر قطع الغيار على المدى البعيد فصوت العقل بالنسبة لي بيقول الماتريكس و صوت القلب بيقول الجين 2

**liquidator** · 10-04-2008 10:48 PM

و أنا أعتقد ان الكفه تميل ناحية الماتريكس برده من نحية Durability يعني العمر الطويل و دا عن تجربه العربيه فعلا مبنيه صح و كل قطعه فيها قطع قيمه و غاليه و بتستحمل و بتعيش كتير ...

**liquidator** · 11-04-2008 02:30 AM

شوفوا يا جماعه دا تقرير ل معهد JD POWER عن ترتيب العربيات من حيث اشباع المستهلك الأوروبي هتلاقوا ان الماتريكس رقم 29 من أصل 50 بشكل عام و رقم واحد علي تصنيف السيارات الميني فان ... يعني عربيه موثوق بيها عالميا ..
بس للعلم بالشيء ليس اللا ..ز
تحياتي لكم ..

http://www.whatcar.com/news-special-...291&EL=3161166