غير ناضج معناها اية .. انا معرفش يقصد بيها اية .. لكن واقع الحال بيقول ان اكثر من نصف الشعب تقريبا جهلة وصعب عليهم يختاروا و يقرروا امور قانونية و دستورية - الموضوع صعب عليهم شوية و بالتالى ينقادوا تحت اى تأثير من اى طرف سواء كان لية مصلحة او لا .
هقولك حاجة بسيطة .. دلوقتى انا لسة راجع من الصلاة و الخطبة كانت عن الدستور و الشيخ شرح التعديلات و دعا الناس الى التصويت بنعم - مع ان دة مش صح - من وجهة نظرى .
طلعت من الصلاة لقيت مجموعة من جيرانى من 3 اشخاص واحد فيهم مش عارف يختار اية و بيقولى (قولى اقول اية ) و واحد تانى متحمس قوى لنعم يادوب اتكلمت معاة دقيقة واحدة غير رأية وقتى و قالى هقول لا .. و طبعا كلامة كان سطحى جدا مع انك لو شفتة فى بداية الكلام تقول الراجل مقتنع عن حق و لية وجهة نظر .
خلاصة الكلام انك ممكن تلاقى مثقفين و علماء البلد كلهم بيقولوا رأى معين و فى المقابل الاغلبية من البسطاء تحت الشعارات الدينية اللى بيستخدمها البعض يتم حشدهم و يقولوا كلام تانى و طبعا هم الكثرة .
المفضلات