الموضوع: مشاية

اجيب مشاية

مجبش مشاية

اجيب مشاية

مجبش مشاية

احترت

امال انا اعمل ايه

ايه الحكاية

بنتى الصغيرة اللى قربت على سنة مش عايزة تمشى و مقضياها زحف و شعبطة

طب اعملها ايه

هو انا اللى شايل الارض من تحت رجلها عشان متمشيش

كل محد يقابلنى

البنت كبرت هى لسة ممشيتش

عسولة قوى بس هى لسة بتزحف

قمر بس مكبرتش على الزحف

ده غير الفريق القومى اللى فى العيلة

اديها كالسيوم (على اساس انى مخبى الكالسيوم فى النملية و مش عايز اديها منه لتخلصه)

طب خليها تتعرض للشمس ( على اساس ان فيه حتى فى البيت مبتدخلهاش الشمس وانا بخبى البت فى الضل)

و بعد مخلصنا النصايح اللى فاتت كلها بدأنا فى قصة جديدة

المشايه

و ما ادراك ما المشاية

هات مشاية

لا متجبش مشاية

لازم مشاية عشان تمشى بسرعة

لا بلاش مشاية لتتعور

وبين عمتها قالت

وخالته عادت

وبنت عمة خالة ابوها تؤكد

و عمة ابن اخت امها تنفى

احترت و احتار دليلى

نظرت الى ابتى الصغيرة

امسكت اصبعى بقبضة يدها الصغيرة

لمحت فى عينها نظرة تحدى اعرفها جيدا

نظرت اليها و ضحكت

قبضت على اصبعى بقوة و عزم و ضحكت

حد فاهم حاجة

المشاركة الأصلية كتبت بواسطة zalpany2000

ماتخافش عليها .. هاتمشي واحدها ...بس خليك واثق فيها ... وكمان اوعي تسيب ايدها

تفتكر كده

طب رأى باقى الزملاء ايه