السلام عليكم
الموضوع ان فيه فكرة حلوة فى دماغى لعمل نور الجنوط بتكلفة لا تذكر
طبعا موضوع نور الجنوط والارضية والكارتيرات بيكلف كتير لو اصلى وقعدت مده افكر له فى طريقة عموما الارضية والكارتيرات لقيتلها حل انما اللى اخد وقت نور الجنوط اللى بيبقى الطنابير
نخش ع المهم
طبعا اكبر مشكلة كانت ازاى الكهرباء توصل من غير ما السلك يكون عرضة للقطع او لو ركبت فى الجنط نفسه ازاى العجل يلف من غير ما يقطعه
الحل كان انها تتعمل من غير توصيل كهرباء اصلا
هانجيب الجنط نفكه ونجيب شريط الليدات ابو 10 جنيه ويتلزق كويس فى الداير من داخل الجنط وبعدين بطارية 12 قولت بتاعت ريموت السنتر ب 3 جنيه ويتثبتلها مكان داخل الجنط
واللى هايكون مسئول عن التشغيل والفصل سنسور حركة ومش هايكلف 3 جنيه ازاااى ؟
فيه سنسور بيكون موضود فى لعب الاطفال اللى هيا تلمسها تنور او تهزها تنور واللعبة كلها ب 3 جنيه وطبعا يضاف مفتاح صغير قوى ممكن يتخلع من الولاعة الغاز اللى بلمبة ام جنيه ونص او برضه من اى لعبة اطفال
ويكون مكان المفتاح سهل بحسث لو عايز تلغى النور ومكان البطارية سهل التغيير وكدا التكلفة ماوصلتش 20 جنيه للجنط الواحد
امال ايه المشكلة بقى ؟؟
المشكلة دلوقتى البطارية دى مهما كانت صغيرة هل توثر على ترصيص الجنوط لانى بشوف فى الترصيص بيحطوا حتت رصاص صغيرة فقلت اكيد اقل وزن بالجرام فى احد جوانب الجنط اكيد يوثر على اتزانه
وهيا دى النقطة اللى محتاجة توضيح من زوى الخبرة
