عرض للطباعة
السلام عليكم ،
أنا معايا نيو أكسنت أتوماتيك موديل 2010 وعايز أعمل صيانة الــ15,000 كم ومش عايز أروح غبور عايز أى مركز صيانة معتمد ويكون كويس، أنا سمعت عن مركز أسمه كارافان ومركز تانى اسمه مودرن سيرفيس، عايز أعرف انهى واحد أحسن وماكنهم فين مع العلم إنى من سكان مدينة نصر.
شكرآ مقدمآ ،،
:S_thum1[1]:
فى مركز صيانة عند المستشفى الجوى فى العباسية
هما كانوا شغالين فى التوكيل وفتحوا برا مع نفسهم بس برضة معتمد من هيونداى لو تحب اجبلك تليفونهم
تكنووان
البرقان فى الهرم عن تجربة
كارافان اسمع انه كويس
مودرن سيرفيس كويس بس اسعارهم غالية في المصنعية
انا بتعامل دايما مع مودرن سيرفس بعد ما طفشت من مركز صيانة ابو رواش و الميزة فى مودرن سيرفس ان انت ممكن تقف مع العربية و هما شغالين فيها و اسعار المصنعيات ثابتة طالما بتعمل صيانة دورية
بس لو طلبت حاجة برة جدول الصيانة مصنعياتهم غالية جدا
معلش سؤال غبور اغلي في المصنعية ولا مودرن سيرفيس ؟
تمام، أقدر أعرف مكانه فين ورقم التليفون إذا تكرمتاقتباس:
المشاركة الأصلية كتبت بواسطة ashraf122
انا كمان عاوز اعرف فين مكانهم هل ده في مدينة العبور ؟
مكان مودرن سيرفيس اول طريق مصر الاسماعيلية الصحراوي مش هاتطلع كوبري الحرفيين هاتلف من تحت الكوبري وتمشي شوية حوالي كيلو تقريبا هتلاقي مودرن سيرفيس علي اليمين
رقم تليفون مركز خدمة مودرن سيرفيس
26212444
0110000407
شغال كل أيام الأسبوع من 9-5 بلا أجازات
بس مصنعياتهم غاليه شويه
أنا عملت هناك صيانة 40 ألف كم
شكرآ لردودكم ياجماعة، أنا رحت مركز مودرن سيرفيس بالفعل وعملت صيانة الـ15,000 وأحب اقولكم أنه مركز صيانه فوق الممتاز والمعاملة قمة فى الذوق وعندهم سرعة فى الأداء يعنى أنا عملت الصيانة فى ساعة واحده بالظبت وانا انصح أى حد أنه يعمل صيانة عربيتو هناك وينسى غبور زفت ده.
الاخ العزيزاقتباس:
المشاركة الأصلية كتبت بواسطة mohamed_gamil
انا نفس حلتك بالضبط معايا نيو اكسنت اوتو 2010 وفعلا انا اتخنقت من توكيل غبور وعايز اغير لمركز معتمد محترم علما بأني من سكان الاسكندرية ومقبل علي صيانة 20 الف وخايف جدا من التوكيل علشان لأول مرة هغير البوجيهات و فلتر البنزين و للأسف معرفش حد غيرة فهل من مساعدة ؟
ان شاء الله انا هعمل صياناتي مع توكيل وولف بتاع السنتر والانذار
بيعملوا صيانات برده وشغلهم نضيف جدا
بس للأسف ملهومش غير فرعين
واحد في جسر السويس والتاني في اكتوبر
الصيانة الجاية 20000 كم ان شاء الله اعملها الاسبوع الجاي
مركز المهندسون العرب شارع احمد حلمى عند محمد فريد المركز ده معتمد من غبور و الناس اللى هناك بتفهم والمعاملة هناك جامدة جدا وحتى اسعارهم حلوة وده تليفنهوم 22355283 فاتحين من 9 : 7.30 الاسبوع كله
فين الفرع الي في اكتوبر دهاقتباس:
المشاركة الأصلية كتبت بواسطة ranger
يا ريت عنوانه أو رقم تليفونه
في الحقيقة معرفش مكانه تحديدااقتباس:
المشاركة الأصلية كتبت بواسطة sh_sunsea
ولكن خد تليفونات فرع جسر السويس وكلمهم وهما يدولك التفاصيل:-
0226239571
0226234729