الموضوع: لماذا سأصوت ب (لا) على التعديلات الدستورية مقال لحسن نافعة

+1

المشاركة الأصلية كتبت بواسطة ainshouka

دا جزء من مقال حسن نافعة عن سبب رفضه لقول نعم على التعديلات الدستورية

فى نقاط مجبتش سيرتها زى الوضع الدستورى وكده بس انا مش مقتنع بيها

الكلام اللى باللون الاحمر دا كلامى وليس كلام حسن نافعة



" لأن الموافقة على التعديلات الدستورية المقترحة سوف تؤدى من الناحية العملية الى إحياء دستور 71 المجمد الذى ستجرى على اساسه الإنتخابات البرلمانية والرئاسية القادمة وبالتالى سيكون لدينا مجلس شعب نصف مقاعده مخصصة للعمال والفلاحين وبه 64 مقعدا للمراة ومجلس شورى لا ضرورة له ويكون لدينا رئيس يتمتع بكافة الصلاحيات المطلقة.

لأنه إذا استمرت الاوضاع الحالية على ماهى عليه وجرت الانتخابات البرلمانية والرئاسية قبل تنظيف الركام الذى خلفه النظام السابق فستجرى الانتخابات فى ظل نظام ادارى مازال يسيطر عليه رجال النظام القديم مثل طاقم المحافظين ومجالس الحكم المحلى بتشكيلتها الحالية فلن يكون هناك برلمان ولا رئيس جمهورية

(ودول اكتر ناس ممكن يألهوا اى رئيس او وزير قادم لهم )


الموافقة على الوضع الحالى تعنى اننا امام عام ونصف حتى يتم الاعداد لدستور جديد فى الوقت الذى يتمكن فيه الفاسدين من رجال الحزب الوطنى من التمكين مرة اخرى خاصة وانه قد تم تحديد مهلة 6 اشهر لوضع دستور جديد فلماذا لا نبدأ من الان فى وضع الدستور الجديد

اذا قلنا نعم الان واكيد فى انتخابات البرلمان حيخش رجال من الحزب الوطنى وفى نفس الوقت التحقيقات اللى بيقوم بها النائب العام اثبتت مثلا تورط بعض الاعضاء المنتخبين فكيف سيكون وضع المجلس ساعتها

لأن المتحمسين للتصويت بنعم على هذه التعديلات يعتقدون ان من شأن الموافقة عليها الإسراع بعودة الجيش الى ثكناته وتسليم الحكم إالى مؤسسات مدنية منتخبة تعيد الاستقرار للبلاد وعجلة الاقتصاد للدوران وهو اعتقاد غير صحيح فى تقديرى فالدستور الجديد لن يكون جاهزا وفقا للتعديلات الدستورية المقترحة قبل عام ونصف العام من الان وسيترتب على اقراره حتما اجراء انتخابات برلمانية وربما رئاسية جديدة قد تحتاج الى ستة اشهر لإجرائهاوهو مامن شأنه اطالة فترة عدم الاستقرار ويولد الانطباع بان محاولة للإلتفاف على الثورة بفتح طريق جانبى يسمح بعودة بقايا النظام القديم ويطيل الفترة اللازمة لاعداد دستور جديد

احنا دلوقتى عمالين نقول نخف الاعباء عن الجيش والجيش يرجع للحدود وكده
السؤال بقى ايه هى الاعباء اللى شايلها الجيش الان
دلوقتى فيه حكومة تسيير اعمال هى اللى ماسكة شؤون البلاد
الشرطة العسكرية موجودة فى الشوارع ودا علشان الشرطة وجهاز الامن هو اللى رافض ينزل والتعديلات الدستورية مش حترجع الشرطة الى الشارع
المظاهرات الفئوية برضه مش اللى حيسكتها التعديلات الدستورية لان مش حيكون مكتوب فيها كل فرد حياخد كام
ولكن الحكومة الحالية واعادة هيكلة الاجور اللى بتعملها وحل جهاز امن الدولة واجبار الشرطة على العودة دا اللى حيساعد على اعادة الاستقرار والامن للبلد


الوطنى دلوقتى هو اللى عارف يلعب انتخابات كويس الى جانب الاخوان ايضا
بس انا ارتاح للإخوان

لكن الوطنى بالفلوس ممكن جدا ينزل تانى الى الانتخابات البرلمانية تانى

اخويا كان ماسك لجنة فى انتخابات 2005 بالرغم من ان مستوى نزاهة الانتخابات كان عالى خاصة فى المرحلة الاولى ولكن ذلك فى اللجنة فقط اما خارجها فكان الاعضاء يعطون الاموال للناخبين حتى ينتخبوهم ومتقدرش تمسكهم الا اذا كانوا فى حالة تلبس ودا صعب انه يحصل

فعلشان كده نعم فى الوقت الحالى مش نافعة (فى رأيى)

انا كتبت الكلام دا مش عشان اوجه الناس لراى معين بس عاوز اعرف من اللى بيقول نعم الان اقول نعم ليه؟

وانا فعلا بسأل عشان أعرف

+11111111111
وأنا معك قلباً وقالباً
لكن المشكلة في الغالبية العظمى من الشعب والذي ليس لديه أي وعي سياسي ويؤيدون " نعم " بدون فهم

معلش يا جماعة في حاجة ضروري لازم ناخد بالنا منها
التركيز في السؤال المطروح لأن طبعا الاجابة هي رفض التعديلات الدستورية
انما السؤال ممكن يجيي بالعكس
يعني مثلا :
هل ترفض التعديلات الدستورية ؟ فطبعا هنا الاجابة هتكون بنعم و ليست بلا
فأرجوا التركيز في قراءة السؤال عشان الدنيا متتقلبش
بلاش بقي موضوع الحفظ ده و عدم الفهم