حد يعرف ال Proton Savvy هتنزل مصر فى سنتها ولا لأ؟؟؟

العربيه قريت عنها اكتر من رائعه
ولو تكون فى نفس ثبات الجين 2 والواجا ونفس الصاج يبقى هتنزل تكتسح بشرط السعر ميكونش معدى لان المنافسين اسمهم اقدم رغم ان بروتون احسن من بعضهم بس لسه بتعمل سوق فى مصر
لو حد عارف معلومات عن نزولها يوضح لنا ياجماعه

http://www.proton.co.uk/img/savvy/fe...-exterior3.jpg

http://www.proton.co.uk/img/savvy/fe...-exterior2.jpg

http://www.proton.co.uk/img/savvy/fe...-interior1.jpg

• 1.2litre 16V engine delivers a top speed of 99 mph
• Maximum power of 75 bhp
• Manual or automated manual transmission, both five-speed
• Power assisted steering plus Anti-lock Brakes with Electronic Brake Distribution system
• Excellent fuel consumption and low emissions

• Spacious interior, funky styling
• Clarion radio/CD player with RDS and Bluetooth capability
• Great fuel economy

• Four wheel Anti-lock Brakes with Electronic Brake Distribution
• Twin front airbags and front seatbelts with pre-tensioners
• Side impact protection bars and crumple zones
• Remote central locking with alarm and engine immobiliser
• Insurance grouping of 3E for Street models and 4E for Style models

• Clever dashboard design with sporty yellow dials
• Integrated Clarion radio/CD player with four speakers and roof mounted antenna
• Versatile interior with perfectly flat folding 50:50 split rear seats
• Generous boot space and storage compartments
• Foam enhanced seats for extra comfort and stylish upholstery
• 207litre boot capacity with seats up and 909 litre with seats down

وباقى المواصفات فى اللينك ده http://www.proton.co.uk/pdf/Savvy_spec.pdf

هية اعتقد انهم مش عاوزين ينزلوها لأنها لو نزلت حتبقى غالية

العربية لا أعتقد أنها هاتنزل ........... توكيل عز العرب مكسل يسوق أي حاجة

هما عندهم عدد 2 عربية ........... موديل 2006 ......... و لكن جديدة تماماً

و السعر تقريبا و هي موديل سنتها كان 72 ألف جنيها مصريا

و عندهم أستعداد للبيع على 60 ألف جنيه مصري
و لكن العيوب هي الآتي
موديل قديم سنتين ...
هاتتذل للتوكيل علشان قطع الغيار و التصليح
غير كدا العربية زي الفل .......... و دي صور حية من التوكيل للسيارة

http://i19.tinypic.com/6p9uyis.jpg

http://i7.tinypic.com/89s0ark.jpg

http://i17.tinypic.com/6p5jnea.jpg

العربية دى كانت نزلت المعرض بتاع عز العرب اللى عند داون تاون من سنتين كده و دخلت سألت و اتفرجت عليها و هم قالوا وقتها انها هتنزل قريب و من ساعتها مشفتهاش تانى

العربية شكلها من بره جميل و فيها إمكانيات كتير و انا فاكر ان تقفيلها من جوة كان معقول جدآ يعنى أحسن من عربيات كتير تقفيل محلى
لكن يعيبها ان صاجها خفيف .. العربية كلها صاجها خفيف.. يعنى الجين 2 صاجها أحسن كتير جدآ من صاج السافى

لكن مقدرش أحكم عليها من مجرد رؤية ليها فى معرض من حوالى سنتين

على فكرة السافى غلبت الأتوس فى اختبار فى برنامج Fifth gear عن العربيات الى فى حدود الفئة السعرية دية و كان السباق فى ان مين يطلع اسرع على اكثر الطرق انحدارا فى بريطانيا و السافى كسبت الأتوس بفارق 12 ثانية او 14 مش فاكر بالظبط و دية حاجة ممتازة طبعا

تصدقوا أنها بدأت تلعب في دماغي أجيبها .... لو فعلا 60 ألف ....
بس المشكله فعلا في قطع الغيار......
بس في سنة صنعها بالسعر اللي قلتوا عليه بصراحه أنا مستغليها قوي....

أنا برده شفت العربيات اللي واقفة في توكيل عز العرب علي الصحراوي

هيا عربية صغيرة من جوه اوي و مش فخمة ،،

بس جنوط و abs و ebdو فتيس ستربتنيك و موتور 1100

و كل ده ب 65 الف

و بيقولولك لو نزلت مش هتبقي منافسة

بجد توكيل ساذج و فاشل ،،

دي تكسر الدنيا ،،

و بروتون عندهم واحدة تانية سيدان رخيصة جدا برده ،، و المفروض تكون في سعر اللانوس

عموما اللي فهمته من البايعين انهم هيركزوا علي الجين 2 بس عشان النجاح اللي حققته في مصر

يعني اللي عايز بروتون هيا جين 2 اللي ليها مستقبل ،،

بجد انا لو مسكت توكيل بروتون بالإمكانيات و الأسعار دي ،،

اعمل شغل احسن من كده من فوق السطوح حتي

شكلها روش جدااااااااااااا ... هية لو تنزل فى رينج الستينات ... بجد حتكتسح السوق ... بالاخص ان دلوقتى بروتون بقى ليها اسم فى السوق المصرى .

انا نفسى اروح (( انط فى كرش عز العرب )) واقولة حرررااااام انتا معاك ماركة لو عرفت تسوقها صح ... حتكتسح غبووووووور وابو الفتوح

!!!!!!!!!!!!!!!!!!!!!!!!!!!!!!!!!!!!

عندك حق .... هي في الستينات حلو قوي لكن مش أكتر ومش أقل عشان مظلمهاش ...
بس حتقول إيه لدماغ عز العرب اللي مش مورينا وشها في الشوارع ...بجد عجباني بس قلقان من قطع الغيار والصيانه ..

اه والله ياجماعه
يخرب بيت غباء التوكيلات فى مصر
نفسى اشوف حد ذكى وفى نفس الوقت امين فى التوكيل
اللى تلاقيه يعرف يسوق عربياته زى منصور وطبعا الحوت غبور تلاقى كلام كتير على الاستغلال فى الاول وسوء التعامل فى التانى

العربيه نازل فيها حاجات عاليه جدا من الفرامل لقوه الموتور للتجهيزات
لو نزلت انسى الفئه دى فى السوق
انسى الاسبرانز ال 113 وال 213 والاتوس وكل العربيات دى
عربيه لو نزلت بالسعر ده هيبقى فرق بسيط تدفعه من العربيات المذكوره وتجيب عربيه افضل بفروق

يا جماعة عز العرب عند منها ثلاث عربيات ،،

و معروضة علي 65 الف ،، سعر تحفة بالإمكانيات دي

ده اللي قالوهولي في التوكيل ،،

يالا بقه حد بيحب التميز أوي يروح يشتريها ،،

هيكون واحد من تلاتة في مصر

بجد عندك حق تميز تميز ... بس عليه ضريبه أنك تتعب في قطع الغيار ..
وكمان تشتريها قديمه سناتين

بس بصراحه أنا شايف شكلها شيك قوي ولمساتها عصريه وشبابيه ....

و انا بدعبس عليها في موقع بروتون الرسمي،،

لقيتهم عملين لها Recall عشان فيها عيب ،،

http://www.proton-edar.com.my/index....ion=view&id=36

اقتباس:

---

المشاركة الأصلية كتبت بواسطة Ahmed Anwer

يا جماعة عز العرب عند منها ثلاث عربيات ،،

و معروضة علي 65 الف ،، سعر تحفة بالإمكانيات دي

ده اللي قالوهولي في التوكيل ،،

يالا بقه حد بيحب التميز أوي يروح يشتريها ،،

هيكون واحد من تلاتة في مصر

---

السعر اللي أنا جبته كان ............. 60 ألف ......... من معرض الصحراوي قبل داندي مول

و عيبها الوحيد إنها غير منتشرة .........
و لكن محركها من رينو الفرنسية و هو نفس المحرك المٌركب على رينو توينجو و رينو كليو و حتى موديلات 2008 ....... يعني قطع غيار المحرك مش مشكلة
و أيضا علبة التروس من رينو ...........
و تتميز السيارة سافي بالشكل الجميل ..... و التوفير الشديد في الوقود
و إستهلاكها للوقود هو ........... 24 كيلو متر / لتر بنزين :eek:

القدرة الحصانية هي 75 حصان عند 5500 لفة / دقيقة
العزم الأقصى 105 نيوتن / متر عند 4250 لفة / دقيقة
التسارع من صفر إلى 100 كم / س............ 12 ثانية

وزن السيارة 957 كجم
مقاس الاطارات ......... 175 15 55
يعني العربية من الأخر زي الفل ............... و عز العرب عايز صاروخ
و على فكرة أنا أعتقد إن ثمن العربية و بالإمكانيات دي و الكماليات دي و 70 ألف مش وحش خالص و كمان سبورت باكدج :eek:

و متنسوش إن سعر إعادة البيع هايبقى ضايع !!!!!!!!!!!!!!!!!
و لو عايزين أي معلومة أنا تحت أمركم
أخوكم توت عنخ أمون

طيب لييييييييييييييييييه التوكيل .. مش منزلها بشكل رسمى !!!!!!!!!!!!!!!!!!!!!!!!!!!!!!!!!!!!!!!!!

يعنى اية حاططهم منظر ... ولا جايبهم اسبيشيال اوردر ؟

بس بجد هية شكلها وسعرها تحفةةةةةةةةةةة

مش بالذمة احسن من الاتوس ؟؟ و من البيكانتو ؟؟ عز العرب يظهر مش عايز يحط استثمارات كتير فى مراكز صيانة و قطع غيار بروتون زى رجب و فورد كده قبل ما التوكيل يتسحب منه

فيها شبه من رينو كليو و بيجو 306 كوبيه لو حد فاكرها او 106
مش عارف مش عايز يبنزلها ليه شكلو واخدها بونص على طلبة جين 2

لسه راجع من عندهم يا جماعة وأخر سعر فيها قدرت اجيبه هو 56 ألف وماخدتهاش لأنى كنت مخطط لسعر تانى بس لو حد محتاجها بالسعر ده يتفضل وربنا يباركلوه فيها أنا جربتها وهى جميلة فعلاً الملحوظات اللى شفتها هى فيها أيرباج واحدة وفيه جو درج التابلو باين ماسورة كده استانلس هى من الكبوت طبعاً ولكن مصدية وتعليقه عليها انه حتا جين 2 موديل 2008 بتبقا مصدية كدة ;)ما علينا.... وبالنسبة لزرار فتح الكبوت فانا لقيتو طلع فايدي بس قالو هيتزبط وبالنسبة للسنتر لوك قال فيها بس بطارية الريموت موش شغالة بخلاف ذلك فالعربية ما شاء الله بجد روعة وفيها كمان باركنج سنسور وفيها فرامل ABS يعنى زى الفل وكاسيت سى دى وتكييف جميل واتنين زجاج كهرباء أمامى فقط وهى ملمومة أوى بزبط كأنك بتشترى بيكانتو وحتى هذه اللحظة عاملة 169 كيلو فقط لا غير وعداد البنزين فيها ديجيتل عامل زي بطارية الموبايل......بس كنت طمعان أنزل لسعر أقل كمان :D:D يلا ألف مبروك مقدماً للى هيشتريها :D:D

طيب كده مش معناها إن السيارة حد أستعملها المده بتاعة 169 كم؟
أصل عمي قبل اليارس أشترى باليو ورجعهالهم وأخد اليارس
مش ممكن دي تبقى كده؟
عز العرب المفروض يتساهل فيها شويه يعني عصفور في اليد خير من ألف عالشجرة يبعها ويخلص
___________________-
برضو ربنا يسهل للحيشتريها ...(خلعت أنا كمان) ههههههههههههههه
ـــــــــــــــــــــــــ ـــــــــــــــــــــــــ ـــــــــــــــــــــــ
مشكور على أخر الأخبار.

اقتباس:

---

المشاركة الأصلية كتبت بواسطة mohamed_88sk

طيب كده مش معناها إن السيارة حد أستعملها المده بتاعة 169 كم؟
أصل عمي قبل اليارس أشترى باليو ورجعهالهم وأخد اليارس
مش ممكن دي تبقى كده؟
عز العرب المفروض يتساهل فيها شويه يعني عصفور في اليد خير من ألف عالشجرة يبعها ويخلص
___________________-
برضو ربنا يسهل للحيشتريها ...(خلعت أنا كمان) ههههههههههههههه
ـــــــــــــــــــــــــ ـــــــــــــــــــــــــ ـــــــــــــــــــــــ
مشكور على أخر الأخبار.

---

والله كان فة نسر فإديهم النهاردة بس يلا هما عاوزين عصفر بقا :D:D

لأ 169 كيلو موش حاجة خالص راعى أنها موجودة من سنة 2006 وده رقم رائع انها مشيته فسنتين وهو تنقلها بين المعارض بتاعة عز العرب مش اكتر.

يا جماعه انا شايف ان العربية دي تنافس عربيات في فئة الاوبل كورسا الجديدة اللي هي منزلتش مصر لسة..
تقريبا فيها كل الامكانيات..,اللي موجودة في الكورسا بس مع فروقات بسيطة..
وكون موتورها و الفتيس رينو.. دي حاجة مشجعة جدا..
و اللي بيتكلم عن السعر.. يشوف الكورسا دي لما منصور هينزلها هتنزل بكم.. مش اقل من 100 الف جيه.. يعني سعرها منافس جدا..
كفاية ان العبية لو نزلت بالسعر ده هتلغي وجود العربيات الصيني اللي مالهاش لازمة امثال الاسبيرانزا الصغيرة دي ولا الشيري الصغيرة ولا الجيلي.. هتكتسح فئة العربيات دي,,
وكمان هتكون منافسة قوية جدا للبيكانتو..نت الاخر لو نزلت بالسعر ده هتاكل السوق..

كابتن شوقي : هوا حضرتك كنت شايف ان السعر المناسب ليها ايه

لأن عربيه زي دي لو حد حابب يشتريها مش كفايه انه يشوف بياخد عربيه مواصفاتها ايه مقابل كام

لأن في اعتبارات تانيه كتير من صيانه و قطع غيار و كل حاجة مش هتكون في صفها
لذلك يا ريت بردو تفيد اخوانك انه من وجهه نظرك السعر المناسب لعربيه بالمواصفات دة ممكن تخلص على كام و كدة يبقا كويس عليها

اقتباس:

---

المشاركة الأصلية كتبت بواسطة ابو سيف

كابتن شوقي : هوا حضرتك كنت شايف ان السعر المناسب ليها ايه

لأن عربيه زي دي لو حد حابب يشتريها مش كفايه انه يشوف بياخد عربيه مواصفاتها ايه مقابل كام

لأن في اعتبارات تانيه كتير من صيانه و قطع غيار و كل حاجة مش هتكون في صفها
لذلك يا ريت بردو تفيد اخوانك انه من وجهه نظرك السعر المناسب لعربيه بالمواصفات دة ممكن تخلص على كام و كدة يبقا كويس عليها

---

زي موضحت أنا معرفتش أنزل معاهم لأقل من 56 بس العربية الـ Risk بتاعها عالي جداً وتقريبا فهو 100% لعدم وجود قطع غيار مطلقاً وردهم عالنقطة دى أن فى عربيتين جوه هما مشغلينهم قطع غيار وبردو ده كلام مش مقنع حتا لو صدق لانه اذا الفانوس اتكسر 3 مرات وده وارد لانهم بايعين 3 عربيات فبعدها مفيش فوانيس تانى وده أبسط شئ ورغم أناها هتكون فالضمان ولمدة 3 سنوات أو 60 ألف كيلو فالـ Risk هنا هيكون فأنى مثلا ممكن استنى شهرين على ميبجيولى أى حاجة اتكسرت منها وشوف الأنتظار ده تمنو كام لو لاقدر الله كانت حاجة مخبوطة وانك ترمى العربيةعندهم لغاية متوصل القطع دى بالإضافة لعدم وجود أى مثيل ليها تتوقع هيحصلك ايه لو رحت لأى تاجر سألتو على بروتون سافي طبعا هيبعتك للسوبر ماركت اللى جنبو بيبعو سافو :D:D بالنسبة لي السعر العادل 45 ألف جنيه وتبقا كده سعر يستحق المخاطرة لكن إصرارهم على 56 ألف يبقا أخاطر ليه البيكانتو قدامنا موديل 2008 ب 70 ألف مش فرق كبير أوى عشان تتنازل عن سنتين من عمر العربية وكمان فعربية معمولها استدعاء (Recall) فبلدها لعمل تعديل خطير قد يؤدى لفشل انظمتها لو تعرضت لمياه فالعجلة الخلفية والكلام ده عمر محد هيسمعك هنا ولا هيعدلك حاجة ولا العربية هترجع ماليزيا تتزبط وترجعلك فزى مقلت 45 حلو جداً وخصوصا أنها موديل 2006 بالظروف دى كلها :)

صح ياكابتن شوقي
أنا كنت مديها حدود 50 ألف بس فعلا مخاطرة وتعب عشان قطع الغيار

اقتباس:

---

المشاركة الأصلية كتبت بواسطة Ahmad Allawy

يا جماعه انا شايف ان العربية دي تنافس عربيات في فئة الاوبل كورسا الجديدة اللي هي منزلتش مصر لسة..
تقريبا فيها كل الامكانيات..,اللي موجودة في الكورسا بس مع فروقات بسيطة..
وكون موتورها و الفتيس رينو.. دي حاجة مشجعة جدا..
و اللي بيتكلم عن السعر.. يشوف الكورسا دي لما منصور هينزلها هتنزل بكم.. مش اقل من 100 الف جيه.. يعني سعرها منافس جدا..
كفاية ان العبية لو نزلت بالسعر ده هتلغي وجود العربيات الصيني اللي مالهاش لازمة امثال الاسبيرانزا الصغيرة دي ولا الشيري الصغيرة ولا الجيلي.. هتكتسح فئة العربيات دي,,
وكمان هتكون منافسة قوية جدا للبيكانتو..نت الاخر لو نزلت بالسعر ده هتاكل السوق..

---

أوافقك فالرأى والعربية منافس شرس فعلاً ولكن ليست بظروفها الحالية احنا بنتكلم عن شراء Demo Version مفيش غيرك انت واتنين كمان هيبقا ماشيين بيها فمصر كلها. :)

هي أنا معاكو أنها حتكون منظر جامد قوي أنك راكب سيارة من أصل تلاته في البلد كلها وتابعه للتوكيل
بس برضو متعبه ومكلفه قوي في قطع الغيار

اقتباس:

---

المشاركة الأصلية كتبت بواسطة mohamed_88sk

هي أنا معاكو أنها حتكون منظر جامد قوي أنك راكب سيارة من أصل تلاته في البلد كلها وتابعه للتوكيل
بس برضو متعبه ومكلفه قوي في قطع الغيار

---

نصيحة اللى بيفكر يشترى العربية دى يشترى GEN 2 لتأمين نفسه من ناحية قطع الغيار ورغم ذلك اللى مستعد يتحمل المخاطرة بالسعر المعروض ربنا يوفقه :) وفعلاً هى شيك جداً وجميلة جداً ومميزة جداً.;)

انا بجد السافي بتلعب في دماغي
ههههههههههههههههه
أشعار بقى هههههههههه
بس بجد خايف من قطع الغيار فبقول أشوف مثلا من بداية الألتو مرورا باللادا والبيكانتو نهايتا للفيرنا

اقتباس:

---

المشاركة الأصلية كتبت بواسطة mohamed_88sk

انا بجد السافي بتلعب في دماغي
ههههههههههههههههه
أشعار بقى هههههههههه
بس بجد خايف من قطع الغيار فبقول أشوف مثلا من بداية الألتو مرورا باللادا والبيكانتو نهايتا للفيرنا

---

السافى بالذات مفيهاش تفكير وحيرة دى أه ولأ وبس والرؤية واضحة بعد كل مناقشتنا لأننا عرفنا كل تفاصيلها فلو حاسس أنك مستعد تشتريها ومش هتكون زعلان على أى شئ ومستعد لسمع أى انتقادات بدون اى احساس ان ده هيضايقك تتوكل على الله وتشتريها فوراً لأننا بنتكلم فسيارة مفيش غيرها فاضل واحدة بس ويمكن تكون اتباعت خلال قرائتك هذه السطور. :)

لا هي من ناحية الشكل بصراحة بصراحة عجباني جدا
وكمان مش حيكون عندي أحراج من حد أو أنتقاد للي سايقها ده كفايه أنا 1/3 من مصر
بس بصراحه كبيرها 50ألف في رأيي على الحاله اللي حضرتك قلت عليها لما تتمعظم قوي
يعني مثلا زرار الكبوت ده أتكسر وحيركبوا واحد من العربيتين الفاضلين اللي هم قطع غيار يعني بقى واحد بس ياعالم حتحتاجه تانه ولا لأ وبعد قد أيه !!!

بس هي القاعده جواها إيه أخبارها؟
تنفع لعائله من 4 أفراد يعني؟أطوال متوسطه..

اقتباس:

---

المشاركة الأصلية كتبت بواسطة mohamed_88sk

بس هي القاعده جواها إيه أخبارها؟
تنفع لعائله من 4 أفراد يعني؟أطوال متوسطه..

---

تنفع جدا متنساش وانت بتلين بكرة تكتبلنا تقريرك ;)

ههههههههههههههههههههههههه ههههههههههههههههههههههههه هههههههه

اقتباس:

---

المشاركة الأصلية كتبت بواسطة M_HaFeZ

اه والله ياجماعه
يخرب بيت غباء التوكيلات فى مصر
نفسى اشوف حد ذكى وفى نفس الوقت امين فى التوكيل
اللى تلاقيه يعرف يسوق عربياته زى منصور وطبعا الحوت غبور تلاقى كلام كتير على الاستغلال فى الاول وسوء التعامل فى التانى

العربيه نازل فيها حاجات عاليه جدا من الفرامل لقوه الموتور للتجهيزات
لو نزلت انسى الفئه دى فى السوق
انسى الاسبرانز ال 113 وال 213 والاتوس وكل العربيات دى
عربيه لو نزلت بالسعر ده هيبقى فرق بسيط تدفعه من العربيات المذكوره وتجيب عربيه افضل بفروق

---

+111111111111100000000000
ربنا يهديةةةةةةةةةةةةةة ويفوق

اقتباس:

---

المشاركة الأصلية كتبت بواسطة cpt_shawky

زي موضحت أنا معرفتش أنزل معاهم لأقل من 56 بس العربية الـ Risk بتاعها عالي جداً وتقريبا فهو 100% لعدم وجود قطع غيار مطلقاً وردهم عالنقطة دى أن فى عربيتين جوه هما مشغلينهم قطع غيار وبردو ده كلام مش مقنع حتا لو صدق لانه اذا الفانوس اتكسر 3 مرات وده وارد لانهم بايعين 3 عربيات فبعدها مفيش فوانيس تانى وده أبسط شئ ورغم أناها هتكون فالضمان ولمدة 3 سنوات أو 60 ألف كيلو فالـ Risk هنا هيكون فأنى مثلا ممكن استنى شهرين على ميبجيولى أى حاجة اتكسرت منها وشوف الأنتظار ده تمنو كام لو لاقدر الله كانت حاجة مخبوطة وانك ترمى العربيةعندهم لغاية متوصل القطع دى بالإضافة لعدم وجود أى مثيل ليها تتوقع هيحصلك ايه لو رحت لأى تاجر سألتو على بروتون سافي طبعا هيبعتك للسوبر ماركت اللى جنبو بيبعو سافو :D:D بالنسبة لي السعر العادل 45 ألف جنيه وتبقا كده سعر يستحق المخاطرة لكن إصرارهم على 56 ألف يبقا أخاطر ليه البيكانتو قدامنا موديل 2008 ب 70 ألف مش فرق كبير أوى عشان تتنازل عن سنتين من عمر العربية وكمان فعربية معمولها استدعاء (Recall) فبلدها لعمل تعديل خطير قد يؤدى لفشل انظمتها لو تعرضت لمياه فالعجلة الخلفية والكلام ده عمر محد هيسمعك هنا ولا هيعدلك حاجة ولا العربية هترجع ماليزيا تتزبط وترجعلك فزى مقلت 45 حلو جداً وخصوصا أنها موديل 2006 بالظروف دى كلها :)

---

سبب الاستدعاء

Question: What’s the problem?



Answer :
Leak in the wheel bearing seal, which leads to failure of related components



Question: How urgent is urgent?



Answer :
Very urgent



Question: What are the symptoms of this issue?



Answer :
Bearing noise while driving, wheel jammed or wobbling

يا رجالة انا شايف ان الموضوع اخد اكتر من حقه بكتير

العربية ممتازة بس دى اخرها تقف فى صالة العرض

اذا كان التوكيل فى العربية الجين 2 كتير بيبقى عنده قصور فى قطع الغيار و ممكن تستنى بالشهرين لحد لما يجيلك قطع غيار بديلة

مابالكم بقى بعربية مافيش منها غير 3 عربيات بس ماعتقدش انه هايبقى بيعاملها بالجدية اللى انتم متخيلنها

طبعا كون انه عايز يبعها باى ثمن ده شغل معارض واقعة موش توكيل كبير له اسم و سمعه طيبة

مع احترامى الشديد بس عن سابق تجربة اللى هايجيب العربية دى بجد هايشربها صح