انا حصل معايا ان سواق نقل كسر عليا وشال المرايه وعمل نفسه عبيط وكان عايز يمشي فاكرني مش هلحقه
وللاسف لحقته وقالي معييش غير 5 جنيه
قلتله لو معاك موبايل هاته وهديك فرق التمن لكن بلوشي منتاش ماشي
المهم انتهى الموضوع باني كسرتله مرايته بايدي
فبيقولي انتا كده ارتحت قلتله اه
وركبت عربيتي ومشيت وحسبي الله ونعم الوكيل في كل واحد مستهتر وبيرمي بلاويه عالناس
ومره واحد برضو خبطني من ورا وماشي ولا كأنه عمل حاجه
لحقته وقفلت عليه وقلتله في حاجه اسمها ذوق وفي حاجه ايمها بلطجه
انتا ممكن تخبطني وتعمل بايدك انك آسف وده الذوق
وممكن تخبطني وتمشي وكأنك معملتش حاجه وده البلطجه
والنتيجه واحده مش عايز منك حاجه
ربنا يستر طريقنا والحمد لله انها جت على قد كده
تحياتي
الحمد لله على كل شيئ وربنا يستر طريق الناس جميعا بس نفسي يبقى القانون قوي و مفعل مع اللي يغلط
المفضلات