الموضوع: الحمد لله تم تركيب ............... للاوبترا الاتوماتيك 2011

السلام عليكم ياأخوانى الاعزاء يا فرسان شيفروليه يا اجدع ناس الحمد لله تم تركيب بعض الكماليات بسيارتى الاوبترا الاتوماتيك واليكم التقرير :
اولا :
عملت فرش جلد للصالون والارضيه ( طبعا لون العربيه أسود ) فعملت لون الارضيه رصاصى وعملت الكراسى رصاصى فى أسود يعنى ( رصاصى فى نصف الكرسى وأسود على الجنبين ) بخياطه على الوش والمخدع أسود عشان أقفل بيه اللون الرصاصى وده اكلف 900 جنيه + 50 جنيه اكراميه بس صنايعى ممتاز ومشهور اوى .
ثانيا :
كلنا عارفين ان انذار الاوبترا مافهوش حساس يعنى لو العربيه مركونه واتخبطط او حد كسر الازاز لا قدر الله الانذار مبيشتغلش والانذار بيشتغل بس مع فتح الباب او الكبوت فقررت انى اركب جهاز انذار تانى عليه وجبت نوع اسمه spay بمبلغ 160 جنيه وتم تركيبه وخليت الكهربائى عملى الاتى معاه
السنتر يقفل اتوماتيك لما اطلع بالعربيه مع اول دوسة فرامل ويفتح اتوماتيك لما أبطل العربيه زى الماتريكس .
عند فتح اى باب من الابواب الانتذار يشتغل اوتوماتيك لوحده ويفصل لما الباب المفتوح يتقفل .
لو فتحت العربيه بالريموت ومفتحتش الباب بعد 30 ثانيه تقفل تانى زى الاصلى .
وبكدا العربيه فيها جهازين انذار الاصلى بتعها واللى انا مركبه وطبعا انا بقفل الاثنين .
ثالثا :
ركبت وحدتين رفع لكل بابين وحده ونوعها غريب تايوانى وسعرها 45 جنيه للوحده يعنى 90 جنيه وخليت الكهربائى يشغلها مع الريموت فقط يعنى مترفعش الزجاج الا وانا بقفل العربيه من الريموت فقط طبعا سواء الريموت الاصلى او ريموت الانذار اللى انا مركبه ودا عشان منساش المفاتيح جوه والعربيه تقفل عليهم .
رابعا :
ركبت شاشه فيديوا 7 بوصه على المرايا وفيها بلوتوث وفيها مخرج فيديوا اخر للمخادع ويركب عليها كاميرا مرشدير وبتشغل فيديوا وام بى ثرى عن طريق كارتة ميمورى أو فلاشه وسعرها 500 جنيه .
ركبت مخدعين اسود بشاشه 7 بوصه تاتش ومعاهم 2 ريموت ورا وسعرهم 850 جنيه .
ركبت حساسات بركنج وجبتها 160 جنيه .
ركبت كاميرا دفن بتركب فى الاكصدام للمرشدير وجبتها 130 جنيه .
طبعا مفضلش غير مصنعية الكهربائى 300 جنيه + 50 جنيه اكراميه بس صنايعى ممتاز وبرده مشهور اوى .
يعنى الاجمالى كله 3190 جنيه .
وشكرا لكم جميعا ومعلش انا طولة عليكم بس طبعا انتم علمتونا ان اى عضوا يعمل حاجه يقول عليها عشان الكل يستفيد بتجارب الاخرين ولو فيه اى حد عايز يستفسر على حاجه انا تحت امره وانا من اسكندريه ودا رقم تليفونى 0123336635
وشكرا للجميع.

الف مبروك يا باشا علي الحاجات الجامد دي
لو فيها غلاسه بس ممكن تحطلنا صوره للشاشه اللي جبتها علي المرايا ووصلاتها باينه ولا لا؟؟؟؟
وتصورلنا الكاميرا اللي ركبه علي الاكصدام وهل هيا باينهويا تري جبت الكاميرا ليه وانت اصلا مركب سنسور؟؟؟
معلش طولت عليك وتعبتك معايا