السلام عليكم ورحمه الله وبركاته
حسن الاختيار
ربنا يباركلك فيها يارب و يكفيك شرها
وشر الحسد
الف مبروك لحضرتك
استلمت التيدا نفس الفئه بتاعت حضرتك من 3 او 4 اسابيع تقريبا
عربيه ممتازه
مريحه جدا جدا
عفشه ناعمه لابعد الحدود
متامسكه جدا
العربيه قويه جدا والحمدلله
وليس بشهادتى لانى موسوس من العربيه
ولكن بشهاده صديق معاه التيدا 2009
بيشكر ف عربيتى جدا والحمدلله
بخصوص التشيك
والله لما استلمت عادى جدا
شوفت العدادا عامل كام كيلوا
كان زياده شويه , خصوصا لانى بستلم من الشرقيه , وبيجبوا العربيات من مصر و الجمرك وهكذا
ف بتكون زياده
لو حضرتك هتستلم من توكيل بعينه
يبقى تشيك على العداد
الاكياس البلاستك
على الفرش من جوا كويس جدا ,, لو ف اى قطع او خطأ لا قدر الله
تشغل العربيه وتقف قدامها كدا وطبعا مش هتسمع صوتها نهائى
وتفح الكبوت تلقى نظره بديعيه عليها كلها :d
تشوف الاضاءه و الكشافات
والكاست سى دى شغال ان شاء الله
طبعا العربيه من الخارج و الجسم بالكامل فى حاله وجود اى خدوش لا قدر الله
لان ساعات العربيات بتتخبط وهي ف المعرض نفسه
او ف الطريق ليه
الورق ال مع العربيه
الكتالوج بالكامل
الضمان للعربيه باسم حضرتك
ورق الافراج الجمركى
ورق المخالصه المروريه
ورق الترخيص و شهاده العربيه على ما اتذكر
جواب موجهه لاداره المرور ال حضرتك تابع ليها
ولو العربيه لسه الورق هيجيى بعد فتره
ما تنساش تاخد من المعرض نمر تجاريه تمشى بيها براحتك
ما تنساش تجرب المفاتيح ال 3
و الريموتين
مش فاكر والله اقول ايه تانى لحضرتك
الف مبروك
المفضلات