:eek::eek::eek::eek::eek::eek::eek:
على كدة الفيرنا و البيكانتو أحسن بكتير .
عرض للطباعة
العربيه من ناحية التصميم عاجباني تحس انها اوروبي ,بس من ناحية السعر و دي اهم حاجه تهريج,,
حاسس ان مصيرها حيكون مصير Getz ف عدم الانتشار و توفر قطع الغيار.
هي نازله بالكاسيت الأصلي بتاعها زي الصور ولآ كاسيت رودستار من عم غبور؟
هي نفس حجم الأتوس و البيكانتو و لا اكبر سنه؟
نازله كاسيت رودستار من عم غبور (وتقريباً المخضر الي راكب في الفيرنا) وهي نفس ابعاد الأتوس ولكن تقل في إرتفاع السقف عن الأتوس بمقدار 4 سم واعرض من الأتوس بمقدار 7 سم
نفس ماتور الأتوس بس اتعمله retuning عشان يدي 66 bhp @ 5500 (الأتوس 64@5500 )
والمفروض ان الموتور 1100 بس الناس الي شافتها بتقول انها 1000 بس
ياجماعه العربيه تحفه ومفيش حاجه مفرءه ما بين الاكسدام و ال فانوس و تقفيل مفهوش عيب وسعرها 60 الف واستنو مني صورها قريبا
شكرا شيكو شكرا خالد
هي دي الي ب 60000 ؟
حتى الأكصدام مش هاين عليهم يروشوه بنفس اللون ,,,,في الخليج مابقاش في اكصدامات لونها اسود
أقل فءه لازم تكون العربية كلها لون واحد ,,,
عموما هي ميزة في مصر عشان الركن و الناس اللي بتريح و تخربش خرابيش
ياترى أخبار قطع غيار الأتوس ايه في السوق ياخالد؟
الصور اه يا شباب بس مصورتهاش من جوه وانا حجزتها لما اجبها وحد عنده اي سؤال يقولي
http://img391.imageshack.us/my.php?i...sc00116ek0.jpg
http://img386.imageshack.us/my.php?i...sc00118ci9.jpg
http://img405.imageshack.us/my.php?i...sc00117cb5.jpg
http://img297.imageshack.us/my.php?i...sc00119yo8.jpg
http://img405.imageshack.us/my.php?i...sc00115if7.jpg
انا شاكر ليك جداً علي الصور وربنا يباركلك فيها . وعلي فكره انا شايف ان الإكصدامات السوداء شكلها مش وحش كما انها عمليه اكتر من الألوان ...الف مبروك
بالنسبه ليه بصراحه الإنطباع الأول ليه محبط شويه ومكنتش متوقعها كده ...الصور علي الإنترنت حاجه تانيه خالص..بس انا حستني لما اشوفها علي الحقيقه الأول ...يا تري تكون نزلت إسكندريه ولا لأ
ألف مبروك شيكو
على فكره انا ليا تقييم غريب شويه لأي عربيه أول حاجه بجربها الكنبه الخلفيه مريحه و لا لأ و زاوية الأنحناء لأن معظم الهاتش باك بيبقى غير مريح للجالسين في الخلف
لما بلاقي العربية قعدتها ورا حلوه اعرف انها مريحه لكل الركاب امام و خلف
انا رحت إمبارح اتفرجت عليها.....تقييمي ليه كالأتي :
بالنسبه للماتور
طبعاً انا مشفتهوش بس بما انه هو بتاع الأتوس فهو جيد جداً وناعم ومناسب جداً للعربيه و للمشي في بلد زي بلدنا
بالنسبه للشكل الخارجي
الحقيقة تعديل ثوري فيها من الأمام حتي انها شبه الـ 307 من ادام جميله جداً بس الفوانيس تحس انه كبيره شويه علي العربيه (تقريباً واخده الرفرف كله ) وده حيخليها عرضه للكسر بسهوله خصوصاً انها بارزه كمان بس مفيش شك انها من ادام بقت جميله جداً
اما بالنسبه للخلف فالتعديل غير ملحوظ ولو انك تحسه اصغر قليلاً من الأتوس و يمكن ده عشان قللو إرتفاع السقف 4 سم ..بس من ورا فعلاً متغيرتش كتير اما من الجانب فنفس مقاس الأتوس بالفعل
بالنسبه للإكصدام الأسود فهو مش وحش وحيكون احلي ما يمكن علي اللون الأسود و الأبيض وفيه شئ ملاحظ هنا ان كل الألوان الي شفتها لحد دلوقتي ..سواء في القاهرة او الأسكندرية نفس اللون الرصاصي ده . بالنسبه للتقفيل فهو جيد جداً
بالنسبه للصالون
التابلوه الجديد إبداع بحق وفعلاً اول مره احس ان تابلوه الأتوس متواضع لما شفت ده .بصراحه التابلوه تحسه اوروبي مش اسياوي (ويمكن ده مقصود لأني حسب ما قرأت فهي لتغزوا اسواق اوروبا) كما انه بسيط وفي نفس الوقت شيك .حكاية الفتيس الي في التابلوه الي فالنصف مستغربه شويه بس اكيد لأني مش متعود عليه في عربيه صغيره .كمان غبور كان موفق في اختيار اللون الأسود للتابلوه مش البيج .اللون الأسود مديها فخامه غير عاديه واول مره يعمل حاجه عدله..بس للأسف بوظ الي هو عامله بأنه مجبش الكاسيت الأصلي بتاعها ومركب كاسيت تعبان تحسه لا ينتمي للتابلوه.
لاحظت عدم وجود عداد rpm كما لاحظت ان الشنطه تفتح من الخارج فقط (يعني مفيش البتاعه الي بتفتحه من جوه دي) والأخيره دي غبور ملوش زنب فيها لأنها نزله كده بالفعل في كل حته
بالنسبه للصالون فمساحته نفس مساحة صالون الأتوس علي الرغم من ان i10 اعرض من الأتوس بـ 7 سم إلا ان ده لم يترجم في مساحه اكبر .كمان الكراسي مش عاليه زي الأتوس (فيه إحساس بيجيلك لما تركب الأتوس وملاكها عرفينه بأنك قاعد في برج عالي اعلي من السيارات التانيه) وده بصراحه كان في صالح مجال الرؤيا في الأتوس .واعتقد ان العربيه دي حتعاني ما تعانيه الياريس في حكاية مجال الرؤيا و الأبعاد
التفنيش و المواد المستخدمه جيده جداً و التقفيل فوق الممتاز و فخم ومهتمين بالتفاصيل بعكس الأتوس ولكن الكراسي عاديه .بالنسبه للشنطه فهي اصغر من شنطة الأتوس بشكل ملحوظ (تقريباً اد بتاعت الماتيز و البيكانتو) .كمان فيه تعديل في اماكن السماعات ..في الأتوس فيه سماعتين في ورا كنت بتشوفهم لما تفتح الشنطه و فيه سمعتين في التابلوه..اما الـ i10 فالأربع سماعات في اللأبواب وفي رأيي ان ده احسن عشان الصوت كما ان السماعات بنفس القطر (توزيع متساوي)
السياره بشكل عام جميله ولكن سعرها كتير ويمكن ده لأن هيونداي منزلها عشان تكون بين الجيتس و الأتوس .انا الحقيقه كنت ناوي ابيع الأتوس و اشتريها بس وجدت ان الأتوس ليها شخصية و الـ i10 ليها شخصيه تانيه كمان ان عشان ادفع 10000 فرق مثلاً مش حأخد حاجه كبيره بالمقابل
كمان يا جماعه الفتره الي جايه حتشهد موديلات جديده في هذه الفئة من سوزوكي و ماركات اخري ...يعني المقارنه مش بس مع البيكانتو
لاكن لو قارنتها بالبيكانتو فالـ i10 حتكتسح بجدارة
شنطة الاتوس =263 لتراقتباس:
.بالنسبه للشنطه فهي اصغر من شنطة الأتوس بشكل ملحوظ (تقريباً اد بتاعت الماتيز و البيكانتو)
شنطة ال اي 10=225لتر
شنطة البيكانتو=220 لتر
شنطة الالتو 177 لتر
شنطة السبارك 170 لتر
الجيتس في حدود 288 لتراقتباس:
والله برافو عليك ..ياريت اعرف شنطة السريون و شنطة الجيتس كام بالمره
انما السريون مش عارف بس ممكن اي حد من ملاك السيارة يقولنا
انا دورت وعشان نكمل اللسته دي :
السريون : 225 لتر
الجيتس : 288 لتر
باليو : 260 لتر
انا فعلا حملت كتالوج السريون ولقيت ان فعلا 225 لتر
بس انا مش مصدق وعلشان كدة قولت معرفش
مش مصدق ولا مصدوم
وايه الي مش مصدقه في ده ؟؟؟
كنت حاسس انها اكبر من كدةاقتباس:
مش مصدق ولا مصدوم
وايه الي مش مصدقه في ده ؟؟؟
معقول اد ال i10
دي مقارنه بين السيريون والهيونداي I10 من حيث الحجم والوزن فقط
سيريون ------- هيونداي I10
Length (mm) ------ 3,565 ------ 3,605
Width (mm) ------ 1,595 ------ 1,665
Height (mm) ------ 1,550------ 1,550
Front headroom (mm) ------ 920 ------ 1,007
Front legroom (mm) ------ 990 ------ 1,048
Rear headroom (mm)------ 950------ 977
Rear kneeroom (mm)------ 650 ------ 684
Boot space (min ltr) ------ 258 ------ 225
Boot space (max ltr) ------ no data------ 630
Turning circle (m)------ 9.20 ------ 9.40
Turning circle (m) ------ no data------ 750
Kerb weight (kg) ------ 925------ 890
الوزن للسيريون أخف لأن دي مواصفات السيريون ذات 1000 سي سي فقط وهيا غير متواجده في السوق المصري وانما موجوده في الخارج
وأحب ان اضيف بعض النقط :
1- الهيونداي تعتبر سعتها جيده جدا بالنسبة لسعرها وانها عربيه ذات سعه قليله
2- هناك نقطه يمكن لا يعلمها الكثير وهو ان السيريون هناك منها موديل فور ابي فور يعني دفع رباعي واسمها X4
ودي صورة لها
طيب هتقولوا انا بذكر ده ليه
لأن الشنطه بتاعت السيريون مش عميقه
مع ان من تحت العربيه تلاقي مساحه كبيره فاضيه وده بيرجع للموديل الدفع الرباعي ان المكان ده بيعتبر مكان الكورونه اللي مش موجوده عندنا ولكن زي ما انتم عارفين ان شاسيه العربيه كله بيبقى اسطمبه واحده
ونقطه اخرى لاحظتها
هو شنطة الهيونداي فيها العجله الأستبن ؟؟
لأن مظنش الموضوع ده لن واضح من الصورة انها مش موجوده لعمق الشنطه قوي
ياريت أي احد من اللي اتفرجوا عليها يقدر يقولنا هيا فيها استبن في الشنطه ولا ايه ؟؟؟
لا يا ابو عبدالله فيها الاستبن والعدةاقتباس:
ونقطه اخرى لاحظتها
هو شنطة الهيونداي فيها العجله الأستبن ؟؟
لأن مظنش الموضوع ده لن واضح من الصورة انها مش موجوده لعمق الشنطه قوي
وانا شفتها بنفسي