الموضوع: عشان خاطرى قولوا نعم للتعديلات

المشاركة الأصلية كتبت بواسطة dr-mohamed

الله يسلمك ده نورك طبعا
وانا معاك رافض وصف اي راي معارض بالقذارة للاسف احنا لسة في ألف بأء الديمقراطية وحرية الرأي فعلا وعلشان كدة فيه ارتباك رهيب وعدم تقبل نهائي للاخر
اللى نزلوا التحرير النهاردة عملوا الاسوا عملوا تحذير ان لو الاستفتاء نتيجته لن ترضينا سننزل مرة اخري للتحرير - اصروا على فرض رايهم اكتر من شاب وفتاة يحاولوا يدوني ورق بيقول لا وانا في العربية واقولهم انا هقول نعم يقولوا لا بردو خد الورقة هاتغير رايك الخ الخ يعين انا هغير رايي من ورقة قريتها ؟؟؟؟؟ قفلوا الطريق بشكل غير حضاري رغم ان مفيش مبرر وطبعا رجعت عربيات الترمس والشاي الكلام ده كان الساعة 5 الله اعلم الوضع حصل فيه ايه بعد كدة

وبعدين ليه كله بينتقد السلفيين والاخوان المسلمين انهم بيقولوا للناس قولوا نعم في نفس الوقت محدش فتح فمه بكلمة على الكنيسة لما اتسربت فيديوهات كتير ومكالمات في المحطات المسيحية تدعو المسيحيين للنزول وقول لا حتي لو واحدة حامل وهاتولد تاني يوم لازم تنزل تقول لا

ولا عند الاخوان والسلفيين يبقي بيستغلوا الدين وعند الكنيسة يبقي حلال ومحدش يفتح بقه بكلمة ولما اتعمل موضوع هنا من يومين وكان فيه الفيديوهات صاحب الموضوع اتهاجم بشدة ؟؟؟؟؟؟؟؟؟؟

الكنيسه ماكفرتش اللى بيقول نعم
الكنيسه ماقلتش انه واجب شرعى انهم يقولوا لا
المسيحيين مش اغلبيه

المشاركة الأصلية كتبت بواسطة dr-mohamed

من قال لك انهم لم يهاجموا المسلمين ؟
من قال لك انهم لم يكفروا المسلمين ؟
أنسيت ان الرجل الثاني هو من قال اننا غزاة واننا سنطرد من ارضنا وان القران تم تأليفه وأضيفت اليه امور ليست فيه وطالب بتعديل القران حتي يرضي عنا ؟؟؟؟؟؟؟ ألم يكن من ضمن مطالب ماسبيرو الغاء المادة الثانية ؟؟؟؟؟؟
لا أريد أن أفتح جراح افضل ان تبقي مكتومة لكن لا أريد ان ننسي في الوقت ذاته
نعم أخطأ أي شيخ قال ان لا تؤدي للكفر لكن احدهم او بعضهم لا يعني الهجوم عليهم كلهم في الوقت الذي يضع فيه الطرف الاخر رجال الدين عنده في درجة القداسة والعصمة ولا يقبل ان يوجه لهم اي نقد حتي لو كان صحيحا

يا دكتور حضرتك بتسأل اسئلة جزء منها حضرتك مجاوب عليها مثل من قال ان هناك خديعة و كذب و حضرتك نفسك فى رد سابق قولت انهم بيستخدوا كل السبل لاقناع الناس و انك مش موافق على كده
اما من الذى اخرجنا من الملة و جعلنا علمانيين و ملحدين فحضرتك عندك الكثير من المواضيع فى المنتدى و خارجه تقدرترجع لها و مدعمة بصور و يافطات بالاضافة الى المؤتمرات التى تقول ان نعم واجب شرعى و ان نعم دفاع عن الاسلام و ان و ان ...
يبقى لو عند حضرتك فى معنى تانى لـ لا يريت تقوله حضرتك
اما انهم يكفروا المسلمين هو حضرتك يا دكتور معترفين بالاسلام من الاساس علشان يكفرونا دلوقتى
فما بالك بالذى على ديانتك و اخرجك من الملة
اما ان احنا نعمل زى المسيحين فى تقديس و عصمة رجال الدين فأقول لحضرتك لهم دينهم و لنا ديننا و لا يوجد عندنا رهبنة و لا كهنوت و لا وسيط مع الله
ثم و بناءا على كلامك انه الاقباط يسمعون كلام كنيستهم فالموقف الرسمى للكنيسة لم يطلب المساس بالمادة الثانية و هى الان ليست فى التعديلات اذن عن ماذا نحن نتكلم
و هل لو رفضت التعديلات وعملنا دستور جديد سينجح ال 10% فانهم يشيلوا مادة اتفق عليها ال 90% هل هذا منطق !!!!!!!1
ومن انزل من مقدار بعض علماءنا و ليس كل علماءنا هم انفسهم وذلك بالباسهم السياسة بثوب الدين دون داعى فمن حقه سياسيا قول ما يريد دون ادعاء ان ما يقول لنصرة الاسلام
فى الاخير اليك صورة عن حضور قساوسة لمؤتمر للاخوان مسلمين من حوالى خمسة ايام فى السويس