استفسار عن الهوندا ارجو الرد السريع

**hosam_m3** · 10-04-2008 06:30 PM

يا جماعه يا بتوع الهوندا انا لسه جايب واحده سيتى 2008 1.3 مانيوال طبعا العربيه تحفه ماشاء الله بس محتاج منكو الرد فى استفسارين يا خبراء الهوندا.....مكتوب فى الكاتلوج ان نور الصالون بعد ماتدخل العربيه و تقفل الباب بيخف الاضاءه و بيطفى بعد 30 ثانيه و اول ماتشيل المفتاح من الكونتاكنت بينور لوحده...انا بقى مش بيعمل عندى كده مش عارف ليه ...حد معاه سيتى 1.3 مانيوال يقولى اذا كان برده عنده زى ما الكتالوج بيقول وانا عندى عيب ولا هى كده برضه زى بتاعتى...ثانيا بحس برجه خفيف فى الصالون و العربيه واقفه بس الموتور داير و الرجه ده بتروح لو شغلت التكيف..برضو الموضوع ده عادى ولا انا عندى مشكله...ارجوكوم الرد بسرعه

**جندى مجند** · 11-04-2008 03:44 AM

المكتوب فى الكتالوج بخصوص نور الصالون هو دة اللى بيحصل فعلاً (أنا عندى سيتى 1500 -- قد يكون الأمر مختلف فى الـ 1300) ... ممكن توضح ايه اللى بيحصل عند حضرتك؟ هل نور الصالون مش بينور أصلاً؟

بالنسبة للرجة الـ rpm عندك بيكون على كام أثناء حدوث الرجة دى؟

**hosam_m3** · 11-04-2008 03:21 PM

اولا اشكرك يا استاذ جندى مجند على الاهتمام و سرعه الرد...نور الصالون بينور لما بفتح الباب و بيطفى فورا بمجرد ماقفل الباب مش بعد 30 ثانيه زى مابيقول الكاتلوج يبقى انا عندى مشكله ولا هى السيتى 1.3 كده ولا ايه وياريت حد من الشباب اللى عندهم سيتى 1.3 مانيول يقولولى نور الصالون عندهم بيشتغل ازاى و بالنسبه لل Rpm تقريبا بيكون قبل ال 10

**ahmediz2000** · 12-04-2008 02:59 AM

الف مبروك الاول على العربية .. على فكرة انا بفكر اشتريها
انا هروح المصرية يوم الاحد بالليل اتفرج عليها هبقى اشوفلك حكاية النور دى وارد عليك

بس عاوز اسألك شويه عن العربية
انطباعك عنها ايه ؟
سحبها حلو؟ .. ولما بتشغل التكييف هل بيأثر كتير على سحب الموتور؟؟
الباور بتاعها ناعم؟؟ .. قولى يعنى ملاحظاتك عن العربية وايه اللى عجبك فيها وايه اللى ماعجبكش

بخصوص الرجة دى ماعنديش فكرة عنها بس هسألك فيها :)

**mohamed ibiza** · 12-04-2008 03:10 AM

الف مبروك علي السيتي انا مليش في الهوندا اوي رغم انها عربية رائعة انا الماني قلبا و قالبا:) بس حبيت اباركلك و خبراء الهوندا هيفيدوك ان شاء الله.............

Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzzzaaaaaaaaaaaaaaaa For Ever

**جندى مجند** · 12-04-2008 04:16 AM

المشاركة الأصلية كتبت بواسطة hosam_m3

اولا اشكرك يا استاذ جندى مجند على الاهتمام و سرعه الرد...نور الصالون بينور لما بفتح الباب و بيطفى فورا بمجرد ماقفل الباب مش بعد 30 ثانيه زى مابيقول الكاتلوج يبقى انا عندى مشكله ولا هى السيتى 1.3 كده ولا ايه وياريت حد من الشباب اللى عندهم سيتى 1.3 مانيول يقولولى نور الصالون عندهم بيشتغل ازاى و بالنسبه لل Rpm تقريبا بيكون قبل ال 10

بالنسبة للـ rpm هو طبيعى لو العربية مش باردة يكون تحت الـ 10 لكن أنا كان قصدى كام بالضبط؟ هو الطبيعى عندى انه من غير تكييف و من غير ما تكون مروحة الرادياتير شغالة يكون قرايته 5 (تقديرياً كدة) و مبيبقاش فى رجة فلو قارى عندك رقم أقل من 5 ممكن يكون دة سبب الرجة و محتاج ساعتها تروح مركز الخدمة يضبطلك السلانسيه ... لكن أنا من رأيى لو رجة بسيطة تنتظر لحين اتمام الـ 1000 كيلو لأن أى عربية فى فترة التليين مبتكونش بانت ملامحها أوى و حتلاحظ ان أدائها بيتحسن تدريجياً فى كل حاجة ... موتور و عفشة و فرامل ... الخ.

**ابوشريف** · 12-04-2008 10:05 AM

مبارك عليك الهوندا سيتى وربنا يعطيك خيرها ويكفيك شرها

أعتقد الرجه الخفيفه دى بسبب ان الموتور لسه فى مرحلة التليين

ياريت تقولنا موديل 2008 هل معاها مفتاح ريموت ؟؟

وشكرا جزيلا

**ows212** · 12-04-2008 12:26 PM

اولا الف مبروك العربية الهايلة ..
بخصوص نور الصالون انا معايا سيريون ولو القصة هى هى هايكون الحل كألأتى..
نور الصالون موجود فيه دراع صغيرة ممكن تضبطها على 3 اوضاع
on
off
door
علشان النور ينور ويطفى زى ما مكتوب فى الكتالوج لازم الدراع يكون على door

**hosam_m3** · 13-04-2008 10:48 AM

بصراحه يا استاذ ahmediz2000 العربيه اكتر من رائعه تحفه ما شاء الله ثبات خرافى على الطريق عفشه ناعمه م ومريحه جدا طبعا انا لسه مجربتش السحب عشان لسه فى اول الف كيلو بس من الواضح انه كويس جدا و استجابه العربيه رائعه فى المناوره و التكيف ما بيأثرش على السحب او يكاد يكون التاثير طفيف دجا و غير ملحوظ لان العربيه 92 حصان و الباور ده بقى حكايه ناعم جدا و العربيه و اقفه و بيتقل تدريجا كل ما السرعه بتزيد ..بصراحه انا ملقتش عيوب فى العربيه ده غير ان مافيش مرايه فى الشماسه الشمال للمدام لزوم المكياج و الذى منه بس ده ميعبش العربيه فى حاجه و لو عايز تقييم اكتر و تفاصيل عن العربيه فى واحد كاتب موضوع عنها و ده بصراحه اللى خلانى اعرف كل حاجه عن العربيه قبل ماشتريه فله جزيل الشكر و ده لينك الموضوع http://www.nilemotors.net/Nile/showthread.php?t=7441