النتائج سواء بنعم او بلا اناراضى بيها.بلاش نخسر بعض وبلاش الموضوعات اللي تشعل الفتنه

استهدوا بالله ياجماعه :
مش عايزين نخسر بعض ...وبلاش نفرح اعداء المصريين فينا ...احنا كلنا اخوات ....
النهارده الشيخ محمد حسان في خطبة الجمعه على قناة الرحمه وضح انه يميل الى نعم ولكن علينا الا نسىء الظن فيمن سيقول لا ....انا بالنسبه لي هختار نعم وحضرتك هتقول لا وفي النهايه كلنا اخوات وبلاش نخسر بعض.
وصناديق الانتخاب حره ونزيهه ...كل واحد يكتب اللي في نفسه
والنتائج سواء بنعم او بلا انا هرضى بيها لان دي رغبة الشعب..... وفرحان بنعمة ربنا علينا ان الانتخابات هيبقى ليها لازمه ..

وياريت بلاش التفريق بينا بكلام يشعل الفتنه بينا

وبلاش الموضوعات اللي كل هدفها تقلب الاعضاء على بعض سواء مسلمين مع مسلمين اومع مسيحيين

...متنسوش ان المنتدى بتاعنا هو مصر بصوره مصغره يضم اغلب طوائف وديانات الشعب...

ياريت نعبر عن رأينا بهدوء بدون عصبيه ,,وربنا يحقق لينا الاستقرار بالطريق الصحيح ...
ويارب اعيش لما اشوف مصر في احسن حال واقول لنفسي الحمد لله لان بلدي ان شاء الله هتبقى احسن بلد ممكن نعيش فيها بس الصبر مفيش حد بيحضر رسالة الدكتوراه بعد الحضانه لازم التدريج عشن التغيير يبقى مقبول
""ممكن اكون بحلم بس ربنا بيقول :انا عند حسن ظن عبدي بي"

الموضوع لو انتهى بسواء نعم او بلا فمش حيبقى فيه غلط والناس حتسكت عليه عشان الدستور بيقول كده يعنى مفيش دستور يجبرنا اننا نمشى عكس ارادتنا

اقتباس:

---

المشاركة الأصلية كتبت بواسطة dramir1

استهدوا بالله ياجماعه :
مش عايزين نخسر بعض ...وبلاش نفرح اعداء المصريين فينا ...احنا كلنا اخوات ....
النهارده الشيخ محمد حسان في خطبة الجمعه على قناة الرحمه وضح انه يميل الى نعم ولكن علينا الا نسىء الظن فيمن سيقول لا ....انا بالنسبه لي هختار نعم وحضرتك هتقول لا وفي النهايه كلنا اخوات وبلاش نخسر بعض.
وصناديق الانتخاب حره ونزيهه ...كل واحد يكتب اللي في نفسه
والنتائج سواء بنعم او بلا انا هرضى بيها لان دي رغبة الشعب..... وفرحان بنعمة ربنا علينا ان الانتخابات هيبقى ليها لازمه ..

وياريت بلاش التفريق بينا بكلام يشعل الفتنه بينا

وبلاش الموضوعات اللي كل هدفها تقلب الاعضاء على بعض سواء مسلمين مع مسلمين اومع مسيحيين

...متنسوش ان المنتدى بتاعنا هو مصر بصوره مصغره يضم اغلب طوائف وديانات الشعب...

ياريت نعبر عن رأينا بهدوء بدون عصبيه ,,وربنا يحقق لينا الاستقرار بالطريق الصحيح ...

---

معاك واللهِ
أنا عن نفسي العائلة فيهم 2 آه وأنا لأ
مش حقوم اضربهم واقولهم يا عوملة يا جواسيس يا بتوع الاجندات
أو اربطهم في رجل السرير عشان امنعهم من التصويت

ربنا يهدينا يارب

اكيد معاك .. ونفسي ايا كانت النتيجه مالاقيش بقى تعليقات على هيئة
مبروك عليكم حكم الاخوان والمتزمتين والحكم الديني
ولا مبروك عليكم حكم الاقباط و العلمانيين
زيا ما كنا بنسمع ايام الثوره مبروك عليكم الاحكام العرفيه

ياريت نهدى ونتقبل أراء بعض... لان عدم تقبلها هيفرح اللي قالو على المصريين انهم مش جاهزين دلوقتي للديمقراطيه ونسمع نغمة المصريين ماينفعش معاهم انتخابات .....كل واحد يختار اللي في نفسه وبلاش اساءة الظن في الآخر.
هو النتائج بتاعة الاستفتاء هتبقى امتى؟؟

ياريت كل واحد يفكر في المؤامرة و ان دول اخوان و متزمتين و دول اقباط و علمانيين يفتكر حاجة واحدة ...

احنا 7 في اسرتي ...3 نعم و 4 لا ...

جاري 6 ...4 لا و 2 نعم ...

هل ممكن انهم يتهموا بعض بالاتهامات السابقة ؟؟

فرجاء هدوء و ان شاء الله خير في الحالتين ..

متفق تماما
ربنا يهدينا لما فيه الخير

رب ضاره نافعه , بصراحه انا كنت من المتعاطفين مع الاخوان فى السابق بس بعد اللى حصل , بأذن الله لن أقف معهم بعد ذلك ابدا
فالغايه لا تبرر الوسيله فى مصر وللأسف وصولهم للحكم سيكون كارثه على مصر.. يارب سلم

ربنا يجمع القلوب
ومهما إختلف الجميع نعم أو لا فإن القلوب على مصلحة مصر

وسواء قلنا نعم أو لا فتشكيل فئات المجتمع ثابت
لن يزيد تمثيل فئة عن فئة أخرى

النهارده سألت وانا بنتخب قالولي النتيجه بكره ...ايا كانت النتيجه انا هكون مبسوط لان منظر المصريين النهارده والايجابيه حتى من السيدات كبار السن المريضه
وكلهم بيقولوا اول مره نحس ان صوتنا ليه لزمه
فمش مهم النتيجه هتبقى ايه المهم اننا مانتفرقش عن بعض ..عشان اعداءنا ميشمتوش فينا

ربنا يصلح احوال مصر والمصريين ويعدي الازمه على خير

يا رب