الموضوع: كلام الجيش بخصوص التعديلات بتاريخ امبارح

المشاركة الأصلية كتبت بواسطة cheetos_892005

ماشي .....

افرض عملوا مثلا 50 ماده تقلص صلاحيات الرئيس و تخلى الحياه زبادي

و الماده 51 الخازوقيه تروح ماسحه كل المواد دول بشوية لعب في الالفاظ

اقوم انا مبهووووووور بال 50 و اتعمي عن ال 51

ورجعت للصفر من مكان ما بدات ..

و تتعمل

الترزيه كتير

هيبقى ايه الحال ؟؟؟؟؟

بص أنا بقول لا و عندى أمل كبير فى ربنا إن شاء الله ينصرنا النهارده فى الاستفتاء و لكن إحساسى بيميل لأن نعم ممكن يكسب الاستفتاء لأن بعد احترامى للناس اللى قالت نعم عن اقتناع و فهم نيجى للسواد الأغلب من أنصار نعم اللى ملعوب على وتر الدين والاستقرار بس عندهم عددهم مش قليل بالمرة و عشان كده أنا بحاول أتخيل كل السيناريوهات و منهم السيناريو اللى انت بتفترضه ده لو الدستور الجديد اتعمل دلوقتى أو بعدين و كان فيه برده 211 مادة منهم 210 مادة زى الفل ما فيهاش الهوا و مادة مهمة أساسية بتناقض الكلام أو فيها مشكلة بالنسبة لى هرفض الدستور ككل و مش هقبله قدام المادة دى

المشاركة الأصلية كتبت بواسطة cheetos_892005

من 50 ل 100 .......

المجلس كان بيبقى فيه اكتر من 100 عضو من كله...... مش قصدي على 2010

و كان بصباع واحد

بياكل على قفاه

ايه نسينا؟

اكثر من 500 دول اعضاء مجلسين الشعب والشورى اللي هيختاروا اللجنة اللي حضرتك بتتكلم عليها

اما الوضع قبل كده فهو ببساطة ان فيه حزب بيتحرك فعلا" بصباع واحد" كان ليه الاغلبية الساحقة في المجلس فأي قرار عاوز يعديه هيعدي و أي قرار عاوز يرفضه هيرفضه بدون الحاجة لاصوات المعارضة اساسا

و ده مستحيل في المجلس القادم لان الاخوان اللي الكل مرعوب منهم لو فازوا كل مرشحينهم هيبقالهم 35% من المجلس فقط بما يعني انهم مش هيقدروا يفرضوا اي شخصية او يرفضوا دخولها اللجنة التأسيسية لوحدهم لازم اكثر من 15% من باقي الاعضاء يوافقوا معاهم او يرفضوا معاهم
و بالتالي كذلك باقي الاحزاب اللي هيبقالها نسب اقل