اجتماع لكل ملاك بروتون مع جميع مديري بروتون في توكيل عز العرب

**mado_9999** · 20-03-2011 02:48 AM

انا شايف انا فى مطالب زى العيوب الا موجوده فى العربيات برتون من موديل 2006 الى 2010 الا كان بيروح التوكيل مفيش حل ودلوقتى العربيات خارج الضمان اعتقد ان الا المفروض اصلاح العيوب دى لانها عيوب صناعة حتى لو كانت العربيه خارج الضمان الا هو 60 الف و دى رقم قليل

**ahmad alshaaer** · 20-03-2011 03:26 AM

دي ياستاذ مادو هتلاقيها تحت بند من البنود ولكن اللي عدى عليهم الضمان زيي كده كل سنه وهم طيبين

ولكن موجوده داخل بند الضمان في الجروب على الفيس بوك

تحياتي

**mememsaid** · 20-03-2011 10:30 AM

المشاركة الأصلية كتبت بواسطة shakshak2011

يا جماعه صلوا على النبه و إستهدوا بالله .. إحنا كلنا إجتمعنا هنا على هدف واحد .. وهو الخدمة لوجه الله و بدون مقابل ..
لو حد جه على التانى .. الثانى يستحمله و يحتويه .. إحنا كلنا هنا أخوة .. و ياريت الموضوع ده يتنسى بكل ما له و ما عليه ...
شكراً

1111111111111111111+

**mememsaid** · 20-03-2011 10:50 AM

المشاركة الأصلية كتبت بواسطة أبومريم

ناس كتير علقت باستياء من اسلوبك في الايفنت الوهمي وقالولك بالحرف لازم وانت بتتكتب تبقى حاطط في اعتبارك اختلاف اعمار الناس و قدرهم و بالتالي لازم الاسلوب يبقى احسن من كدا... وهو دا اللي انا اقصده ان اسلوبك محتاج مراجعة و انا فعلا كنت من الناس اللي انسحبت من الجروب عشان الاسلوب دا مش كويس ...افرض انا مهتم ومتابع بس مش فاضي عشان ابقى متفاعل يبقى يتقالي هستغنى عنك؟
بالنسبة لثالثا انا من اقدم الاعضاء وحضرتك مش معروف لكل الاعضاء و مش معروف عملت ايه للاعضاء غير موضوع الجروب ده

الاخ العزيز ابو مريم
اجو ان احنا نتعامل كلنا كاخوه ونفوت لبعض عشان نقدر نوصل للمصلحه العامه
ثانيا كل واحد يقدر يعمل حاجه يعملها ويعملها عن طيب خاصر
ياعني مثلا ما اني كنت صاحب فكره المقابله بتاعه يوم الجمعه والناس كلها كانت طالبه التاجيل بس انا وصلاح حكيم كنا مصممين انها تتم في الميعاد واعت ساعه في الشارع حتي وحصول اول عضو وكل عبريه بروتون تعدي من قدامي اقول بس اهو واحد جه اه ويطلع داخل البنزينه (المقابله الجايه مش هتكون جمب بنزينه ابدا عشان الاشتغالات) بس كان علي قلبي زي العسل عشان بعد كدا الناس اللي جت جت من سفر بالاضافه الي المهندس امر فاحسيت ان المقابل كان ليها قيمه وفايده والدليل علي كدا اجتماع يوم السبت اللي جاي مع مديري عز العرب وبروتون
علي العموم كلنا اخوه وكل واحد فينا يعمل اللي يقدر عليه وبنفس راضيه

**mememsaid** · 20-03-2011 11:01 AM

ياجماعه اللي عايز يساعد بجد يجيب من دلوقتي اسعار قطع الغيار العربيات المنافسه من التوكيل بتاعها عشان نتكلم علي اساس مانقولش قطع غيار بروتون غاليه وخلاص

**ITEgypt** · 20-03-2011 12:02 PM

السلام عليكم
من فضلكم يا جماعه أنا عايز أعرف إسم الجروب بالضبط عشان أنضم لأنى بقالى فترة مش متابع وبإذن الله ححاول أحضر يوم السبت 26 لصيانة ال10000 اللى أتأخرت بسبب الثورة وبقول ححاول أن مشوارى بعيد جدا وكنت قلقان من الطريق ياريت تفيدونى باسم الجروب وشكرا لكم

**afr80** · 20-03-2011 01:12 PM

المشاركة الأصلية كتبت بواسطة ITEgypt

السلام عليكم
من فضلكم يا جماعه أنا عايز أعرف إسم الجروب بالضبط عشان أنضم لأنى بقالى فترة مش متابع وبإذن الله ححاول أحضر يوم السبت 26 لصيانة ال10000 اللى أتأخرت بسبب الثورة وبقول ححاول أن مشوارى بعيد جدا وكنت قلقان من الطريق ياريت تفيدونى باسم الجروب وشكرا لكم

Login | Facebook

**afr80** · 20-03-2011 01:24 PM

المشاركة الأصلية كتبت بواسطة أبومريم

ناس كتير علقت باستياء من اسلوبك في الايفنت الوهمي وقالولك بالحرف لازم وانت بتتكتب تبقى حاطط في اعتبارك اختلاف اعمار الناس و قدرهم و بالتالي لازم الاسلوب يبقى احسن من كدا... وهو دا اللي انا اقصده ان اسلوبك محتاج مراجعة و انا فعلا كنت من الناس اللي انسحبت من الجروب عشان الاسلوب دا مش كويس ...افرض انا مهتم ومتابع بس مش فاضي عشان ابقى متفاعل يبقى يتقالي هستغنى عنك؟
بالنسبة لثالثا انا من اقدم الاعضاء وحضرتك مش معروف لكل الاعضاء و مش معروف عملت ايه للاعضاء غير موضوع الجروب ده

اخي العزيز ابو مريم، تحية طيبة، أنا عارف ان حضرتك من اقدم الناس فى المنتدي، ممكن نقول ان حضرتك من اساسات بروتون المتينة، و أنا مش هدافع عن حد، ولا هغلط حد، و اتمنى ان حضرتك و احمد الشاعر تتكلمو مع بعض عن طريق الهاتف، و تعاتبو بعض، علشان الكتابة فى معظم الوقت بتنقل صوره غير حقيقة للموقف، و اتمنى ان حضرتك ترجع تاني للجروب، و اتمنى اني اشوفك يوم السبت الجاي انشاء الله، مينفعش نختلف دلوقت، بعد الثورة لازم تفكرنا و اخلاقنا تتغير، و لازم نحط مصلحة المجموعة فوق الفرد، احلى حاجة عجبتني فى المنتدى هي الروح الحلوة، و اتمنى ان تدوم، اخي ابو مريم تحلى بالروح الطيبة، و عزيزي احمد الشاعر لو تقدر ان تكلم ابو مريم هاتفيا، صدقني الموضوع هيفرق كتير، و الله يا جماعة احنى اخوات، و عوزين نبقى ايد واحده.

**ahmad alshaaer** · 20-03-2011 07:10 PM

ياخواني انا مش زعلان من حد لاني ماغلطتش اصلا وابو مريم ماغلطش هو الراجل بيقول وجهة نظره وانا وضحتله وجهة نظري اللي يمكن هو فهمها غلط واكبر دليل ان الناس دخلت وردت على ابو مريم وفهمته الحقيقه

وانا مش ممانع ان اي حد يتكلم معايا ويسألني عن اي حاجه خاصه عن العربيه او الجروب .

وأبو مريم والاستاذ عماد حمدي مايعرفونيش كويس واتمنى يعرفوني كويس وينورونا في المقابله ويتكلموا معايا وهما اللي يحكموا عليا انا فعلا كويس ولا أسلوبي محتاج مراجعه زي مااتهمت منهم

اخيرا تحياتي لكل الاعضاء الكرام هنا وعلى الجروب وبكرر انا اقل واحد في الجروب وماانا الاعضو من الاعضاء بقوم بدوري وربنا يوفقنا دائما لما يحب ويرضى

**أبومعاذ** · 20-03-2011 07:10 PM

إخواني الأعزاء على قلبي أنا مفيش بيني وبين الأستاذ أحمد حاجة أنا مش زعلان خلاص من أسلوبه وهو ياريت يسامحني عشان اتكلمت جامد شوية وباذن الله أشوفكم كلكم على خير في التوكيل يوم السبت