اجتماع لكل ملاك بروتون مع جميع مديري بروتون في توكيل عز العرب

**ahmad alshaaer** · 19-03-2011 05:38 AM

الاخوه الكرام

بفضل الله تم الاتفاق على انه في يوم السبت القادم الموافق 26/3/2011

في غرفة الاجتماعات في مقر توكيل عز العرب الرئيسي الكائن على طريق مصر اسكندريه الصحراوي قبل البوابات

سوف يكون هناك اجتماع بين ملاك بروتون وجميع مديري بروتون في توكيل عز العرب لمناقشة اهداف الساده الملاك

وذلك بناء على اجتماع اليوم الجمعه بيني وخمس من الاخوه الكرام مع البشمهندس اامر

برجاااااااااااااء من جميع ملاك بروتون الحضور يوم السبت وذلك لتحقيق جميع الاهداف

الاخوه الكرام من يهمه مصلحتنا جميعا ومصلحته هو شخصيا يجب ان نظهر بصوره مشرفه ويد واحده امام الساده مديري التوكيل أرجو الحضوووووووووووور والتواجد الساعه 9.00 صباحا

شكرااااااااا للجميع

احمد الشاعر

من لم ينضم للجروب على الفيس بوك برجاء الانضمام ايضا وشكرا

Login | Facebook

لو سمحتم اللي مانضمش ياجماعه من الساده الملاك لسيارات بروتون للجروب على الفيس بوك ينضم معانا

وانا اعرف ناس هنا فعلا مانضمتش لسه وليه مش عارف منهم مثلا الاستاذ توت وأمة الله وحبيبه زالاستاذ احمد صيام اكتر واحد عانى من التوكيل اعتقد كتير ياجماعه مانضموش ليه ؟ ياريت ينورونا

**أبومعاذ** · 19-03-2011 10:15 AM

مش دا الجروب اللي حضرتك قلت فيه اللي مش هيبقى متفاعل يطلع برا؟

**eng_Amr** · 19-03-2011 07:28 PM

بس يارب نروح بعدد عشان الناس اللى تعبت دى مايروحش تعبها على الفاضى , حتى لو مختلف مع الجروب او مع اى حاجة .. كلو اكيد ليه مطالب فى التوكيل .. يعنى اكيد نفسك قطع الغيار الأصلية يكون سعرها معقول واكيد نفسك المصنعية فى التوكيل تبقى معقولة.. مش لازم كلنا فى الاجتماع بس على الاقل نكون موجودين ندعم الناس اللى هناك. يوم نتعب فيه معلش بس نعرف نوصل اننا فعلا مهتميين

**أبومعاذ** · 19-03-2011 10:39 PM

المشاركة الأصلية كتبت بواسطة tweety26980

السلام عليكم ورحمة الله وبركاته

أولا

حبيبي أنا ماقلتش الكلام ده وال 130 عضو يشهدوا لو انا قلت ( يطلع بره ) دي

لأن لا أخلاقي ولا تربيتي تقول اني ممكن اقول لفظ زي ده

ولا الجروب ده بتاعي عشان اتحكم فيه ولا ليا اي سلطه اني اعمل كده
أنا عملت مناسبه وهميه ( لمعرفة الجادين ومن سوف يتم الاستغناء عنهم ) مش لمن سوف يطردوا ! المقصود كان معرفة العدد الفعلي للجادين وفعلا وصلنا للرقم الحقيقي دلوقتي ولكن اللي مش متفاعل أكيد بردو بيستفيد من خبراتنا كلنا وده حقه بردو وماقدرش امنعه عنه

وهات ليا عضو واحد يقول ان احمد الشاعر كانسلني من الجروب ولو اثبت ده انا هنسحب من الجروب كله مع اني انا اللي مؤسسه

ثانيا

حبيبي الناس اللي انسحبت اكيد اصلا ماكانتش فارقه معاهم وولا جادين ولاحاجه واحنا ماكناش بحاجه ليهم طالما رضيوا بالانسحاب لان ده يثبت عدم جديتهم
وبالمناسبه هم 4 فقط اللي انسحبوا وطالما حضرتك رديت عليا بالعنف ده اكيد انت واحد منهم

ثالثا كل الاعضاء عارفه مين احمد الشاعر وبيعمل عشانهم ايه وقابل ناس منهم كتير ومش محتاجين حد يقول علي كلام عشان يعرفهم عليه

اخيرا اقول لحضرتك

الجروب مفتوح للجميع اي وقت والاجتماع مفتوح لكل ملاك بروتون سواء في الجروب او من خارج الجروب

تحياتي للجميع

احمد الشاعر

ناس كتير علقت باستياء من اسلوبك في الايفنت الوهمي وقالولك بالحرف لازم وانت بتتكتب تبقى حاطط في اعتبارك اختلاف اعمار الناس و قدرهم و بالتالي لازم الاسلوب يبقى احسن من كدا... وهو دا اللي انا اقصده ان اسلوبك محتاج مراجعة و انا فعلا كنت من الناس اللي انسحبت من الجروب عشان الاسلوب دا مش كويس ...افرض انا مهتم ومتابع بس مش فاضي عشان ابقى متفاعل يبقى يتقالي هستغنى عنك؟
بالنسبة لثالثا انا من اقدم الاعضاء وحضرتك مش معروف لكل الاعضاء و مش معروف عملت ايه للاعضاء غير موضوع الجروب ده

**ahmad alshaaer** · 20-03-2011 12:18 AM

المشاركة الأصلية كتبت بواسطة أبومريم

ناس كتير علقت باستياء من اسلوبك في الايفنت الوهمي وقالولك بالحرف لازم وانت بتتكتب تبقى حاطط في اعتبارك اختلاف اعمار الناس و قدرهم و بالتالي لازم الاسلوب يبقى احسن من كدا... وهو دا اللي انا اقصده ان اسلوبك محتاج مراجعة و انا فعلا كنت من الناس اللي انسحبت من الجروب عشان الاسلوب دا مش كويس ...افرض انا مهتم ومتابع بس مش فاضي عشان ابقى متفاعل يبقى يتقالي هستغنى عنك؟
بالنسبة لثالثا انا من اقدم الاعضاء وحضرتك مش معروف لكل الاعضاء و مش معروف عملت ايه للاعضاء غير موضوع الجروب ده

نااااااااااس كتير علقت باستياء ! الناس دي اصلا كلهم حبايبي ومنهم الاستاذ صلاح حكيم والاستاذ محمد الشافي والاستاذ حسن الكويتي دول الناس الكتير اولا . الناس الكتير دول بأه اولا صلاح حكيم انا قابلته يوم الجمعه وقعدنا نهرج ونشد بالعربيات مع بعض مثلا والاستاذ محمد الشافي اللي علق باستياء زي ماحضرتك بتقول من افضل الاصدقاء وادخل على الصفحه بتاعتي واتأكد والاستاذ حسن الكويتي ادخل على الجروب شوف مقدار التهريج بيني وبينه لحد فين ! مين تاني استااااء ؟ افتكر كده ؟ اللي ملاحظ انه الوحيد اللي استاء هو حضرتك استاذي ابو مريم وده لأن تسرعت في اصدار الحكم بأن اسلوبي محتاج مراجعه !

هقول لحضرتك على حاجه انا مستجيل ابقى في مكان حاسس ان في واحد بس بيكرهني ولو حسيت بده ببقى متأكد ان الواحد ده هو اللي اسلوبه او شخصيته فيها شيء مش مظبوط فما بالك بجروب مكون من فوق ال 130 عضو ؟

انت من أقدم الاعضاء هنا بأه ياسيدي يشرفنا ولكن ماتحكمش على حد لأنك ماتكملكش ده وسيب الحكم لاصحابه طالما انسحبت من الجروب والحمد لله انك قلت انسحبت مش انا اللي طردتك زي ماتهمتني او كلامك

عارف ؟ هاتلي واااااااااحد فقط من الجروب يقول اني كانسلت حد ولو عمل ايه حتى !

راجع كلامك ونفسك استاذ ابو مريم وشوف اسلوب مين اللي محتاج مراجعه وعموما ياسيدي الفاضل انت ليك الحق انك تنضم او تنسحب او تحضر الاجتماع او ماتحضرش ولكن ليس لك الحق ان تحكم على الاخرين حكم مطلق

شكرا للجميع

**mado_9999** · 20-03-2011 12:23 AM

ان شاء الله انا معاكم ولازم نبقى عدد عشان فى التوكيل مديري بروتون في عز العرب مش يقول انه شكوى فردية لا احنا عندنا شكوى من التوكيل زى العيوب واسعار قطع الغيار والمصنعية

**ahmad alshaaer** · 20-03-2011 12:54 AM

المشاركة الأصلية كتبت بواسطة mado_9999

ان شاء الله انا معاكم ولازم نبقى عدد عشان فى التوكيل مديري بروتون في عز العرب مش يقول انه شكوى فردية لا احنا عندنا شكوى من التوكيل زى العيوب واسعار قطع الغيار والمصنعية

أنا بأيد كلامك جداااااا

ولكن بردو ياجماعه ياريت الناس اللي مانضمتش للجروب تنورنا في الجروب وفي المقابله كمااااااان حتى لو مش منضمين او مش ليهم مثلا في الفيس بوك
وعشان كده احنا عملنا الموضوع ده هنا وعلى الفيس بوك

وربنا يقدم اللي فيه الخير

**SALAHHAKIM** · 20-03-2011 01:06 AM

السلام عليكم
اية الموضوع الي بتتكلمو فية دة اصلاً
لو تسمحو لي اقول وجهه نظري
ابو مريم انت عضو محترم مثل كل اعضاء بروتون ولكن شاركنا معاك يا اخي لو مش فاضي قول وخلي حد يتكلم بأسمك
عارف انا بتكلم بأسم ميدو تركي ومحمد عبد المجيد وانا وبأسم الحاجة يعني بتكلم بأسم اربعة
احمد الشاعر انا بختلف معاه في حاجات كتير جدا ً جداً وهو يقول بنقول اية في التليفون لكن كان معاة حق في بعض الحاجات لان في ناس قالت كلام مستفز جداً (انت مستفيد اية ) ( انت كنت شغال في التوكيل ولا اية ) كلام فعلاً مستفز
اما موضوع الجروب ياسيدي اعمل انت صفحة وانا اضمن ان اول عضو فيها حيكون احمد الشاعر لانة عاوز يعمل حاجة فعلاً
ابو مريم تسمحلي اضرب مثال انا جيت من اسكندرية والله العظيم حتي مكنتش فضيت شنطة العربية من مشوارالسفر
واحمد الشاعر جي من بني سويف
ومحمد سيد من المقطم وناس كتير اعتذرت وناس اكتر تناش
فهمتو قصدي اية